Zake 1:17 - SEBR SÕNGO

¹⁷ Kũun ning fãa sẽn be yõodo, kũun sẽn pid kũun fãa yita yĩngri soaba nengẽ; a yita d Ba ning sẽn pida ne vẽenema nengẽ. Bãmb pa mi teengo, bãmb pa mi tekre ba bilfu.

KÃAB-PAALGÃ KOE-NOOGO

¹⁷ Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

WẼNNAAM SEBRE 2014

¹⁷ Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

Zake 1:17 Iomraidhean Croise

Sɩngrẽ 41:16

A Zozɛf yeela dĩma: «Da teeg-y maam ye, teeg-y Naaba-Wẽnd tɩ bãmb n tõe n leok tɩ yõod zĩndi.»

1 Kibayã 22:12

Wẽnd na kõ-f gũusgu la yẽesem, bãmb sã n wa kõ foom naam Israyɛl zugu tɩ f vɩɩma me tũud b noya.

1 Kibayã 29:19

Kõ-y m biig a Salomo sũur sẽn kis wẽnga t'a tõog n deeg y noya, y salgsã, y sẽn wilg fãa n wa paam n me roog ning m sẽn segl y yĩngã.»

Yɩɩn‑sõamyã 102:27

Yãmb na n paame tɩ bãmb fãa looge. Fãa na n kʋdga wa fuugu, fãa na n teka wa fu-goabga, t'a to led a zĩiga.

Yɩɩn‑sõamyã 122:6

Kos-y laafi Zerizalɛɛm yĩnga! Bɩ sẽn nong-b Zerizalɛɛm vɩɩnd a pʋgẽ ne laafi.

Yɩɩn‑sõamyã 136:7

Bãmb n yals bug-bɛda yĩngri, tɩ b nonglma ka be sɛɛb ye.

Yɩɩn‑sõamyã 84:11

Daar a yembre y sɩmannẽ zĩndgu wẽnda dasem tusri. Woto wã m yãkame tɩ m sẽn na n pa y zaka noorẽ, são m sẽn na n tɩ m zaka neb niyns sẽn ka tũud-b Wẽnda sʋka.

Yɩɩn‑sõamyã 85:12

Nonglem sẽn ka mi welgre na n bula tẽngã n yi la zemsgo zĩndida yĩngr n sig tẽnga.

Yelbũna 2:6

Yaa Wẽnd n kõt yam sõngo: bãmb noor n yiisd minim la bãngre.

A Ezayi 28:26

Ka-koaad zãmsa a tʋʋma a Naanda nengẽ, b sẽn zãms-a wã la a tũuda.

A Ezayi 45:7

Maam n naan lik la vẽenem, n wat ne sũ-noog la sũ-beedo. Yaa maam, Naaba-Wẽnd, n maan dẽ fãa.

A Ezayi 46:10

Al sɩngrẽ m wilga sẽn na n yaool n wa, m togsame tɩ nan ka ta ye, m gomame la m sẽn yeelã n yalse, m sẽn dat fãa pidsame.

A Ezayi 60:19

Ka wĩntoogã n na n le vẽneg f raar ye, ka kiuugã n na n le kõ-f vẽenem yʋng ye, na n yɩɩ maam, f Soaala-Wẽnde, maam n na n kõ-f vẽenem wakat buud fãa la f na n yãga vẽenem tɛka.

Malasi 3:6

Maam, Naaba-Wẽnd, n gomde, m pa teemd ye tɩ yãmb yaool n wilgd beoog sẽn vẽege tɩ y yaa a Zakoob yagen-wẽnse.

Sõadga 11:17

Be la m na n wa gom ne foo. M na yãk kũun ning f sẽn paama bilfu n kõ-ba la b na naag foom n tʋk zɩɩbã, fo kõn le zɩ-a f ye ye.

Sõadga 11:25

Soaala-Wẽnd tũu sawadgã n sig n gom ne a Moyiiz. A Moyiiz yama la b yãk n pʋdg bãmb pisopoe wã. B sẽn paam kũuna b vẽneg n sɩngame n gomd bãngr goama, la ka yãe n kaoos ye.

Sõadga 23:19

Soaala-Wẽnd ka ninsaala n mi zirẽ yagb ye, B ka ninsaal n bool n le yet tɩ b vẽ ye; Soaala-Wẽnd pa yiisd gomd tɩ gomda pa faoog ye. Goama pa gomd n ka pidsdẽ ye.

A Matiye Sõng 7:11

Dɩlla yãmb ne y wẽnema, y sã n mii y kamb bõn-sõma kũuni, bãng-y tɩ Ba Sõng na maan neere n yɩɩd ne neb niyns sẽn bõsd-b bãmba.

A Luk Sõng 11:13

Dẽ yĩnga, yãmb ne y wẽnema fãa, yãmb sã n mii n kõt y kamb bõn sõma, yãmb zɩ tɩ yãmb Ba wã sẽn be yĩngri, bãmb na n kõo sẽn bõsd-b bãmbã a Vʋʋsem Sõngo!»

A Zã Sõng 1:9

Gomdã n da ya Vẽenem meng menga, sẽn vẽnegd ninsaal fãa sẽn dog tẽn zugu.

A Zã Sõng 3:27

La a Zã leokame: «Ned ka tõe n paam bũmb, tɩ pa yĩngr soabã n kõ-a ye.

A Zã Sõng 3:3

La a Zezi leokame: «Sɩd-sɩda, mam yeta yãmba tɩ ned sã n pa le rog yĩngr dogma, a pa tõe n yãend Wẽnd Rĩung ye.»

A Zã Sõng 8:12

A Zezi le yeel-b lame: «Maam la dũni vẽenem, sẽn tũud-a maam ka kẽnd likẽ ye, la a na n paama vẽenem sẽn kõt vɩɩm.»

Tʋʋma 11:18

Gom kãensa maaga b sũuri la b pẽga Wẽnd n yetẽ: «Wẽnd kõo bu-zẽmba me tuubg ning sẽn wat ne vɩɩma.»

Tʋʋma 5:31

Zezi kãng la b zĩndg b rɩtgo n kɩt t'a lebg Dĩm la Fãagda, sẽn na n yɩlẽ t'a Israyɛl paam, bãmb maasmẽ, a yel-wẽna tuubgu la b sugri.

Rom Dãmba 6:23

Yel-wẽnd sẽn wat ne bũmb ninga yaa kũum bala; la Wẽnnaam kũuna sẽn wat ne a soaba, yaa vɩɩm sẽn kõn sɛ, tõnd Soaala Zezi Krista maasmẽ.

1 Korẽnt rãmba 4:7

Ãnda n tõe n welg foo ne f taaba? Bõe la f tar tɩ b ka kõ-fo? La sã n ya ned n kõ foo, bõe yĩng tɩ f pẽgd f meng wa ka ned n kõ foo?

2 Korẽnt rãmba 4:6

Wẽnd ning sẽn kõ noore, tɩ vẽenem pusg lik pʋga, yaa bãmb vẽenem n pusg tõnd sũya tɩ d tõe n wilg neb a taaba, Wẽnnaam pẽgr d sẽn yãend t'a yãgd ne Krista nenga.

Efɛɛz Rãmba 1:18

Wẽnd na puk y yama tɩ y bãng saagr ning y sẽn tõe n saage ne bãmb boollã; tɩ y bãng pʋɩɩr ning b sẽn bĩng b nin-sõma,

Efɛɛz Rãmba 2:8

Tũu ne Wẽnd yamleoogo la y sẽn paam fãagrã, ne tẽeba kũuni. Fãagra ka yit yãmb nengẽ ye, a yaa Wẽnd kũuni.

Yaoolem 4:19

Da saag-y n ges yĩngri, n ges wĩntoogo, kiuugu, ãdse, bũmb ning fãa sẽn yãgd yĩngri la y lɛɛg n bas tɩ b belg yã tɩ y wõgemd b taoore n yɩ b sõgen ye. Wẽnnaam, y Soaala, basa manes kãens ne dũni wã ninsaalb a taaba.

Filip rãmba 1:29

Bãmb n maan-y neere tɩ y paam n tẽed Krista la b le maan y neere tɩ y sakd namsg bãmb yĩnga.

1 Tɩmote 6:16

dĩm dãmb Dĩma la soaalba fãa Soaalã; bãmb bal n ka sɩngr la b ka be sɛɛbo; bãmb n yals b meng vẽenem sẽn ka tõe n kolg zĩigẽ, ninsaal nif sẽn zɩ n teeg la a sẽn kõn teege bada. B paam ziiri la pãnga, marsã la daar fãa. Ami!

Ebre rãmba 13:8

A Zezi Krista bala n yɛse, zaamẽ, rũnna la beoog woko! B kõn tedg abada!

Zake 1:5

Yãmb nin-yend sã n pa tar yam zulunga bɩ a pʋʋs n kos Wẽnd t'a na paame. — Wẽnd kõtame tɩ gale la ne yamleoogo.

Zake 3:15

Fo sã n yagd zirẽ n na n kõ f meng bʋʋm, bãng tɩ yam kãng ka yit yĩngri soaba nengẽ ye, a yaa tẽng zug yam, a yaa rũng bɩ Sʋtãan dẽnna;

Zake 3:17

Fo sã n tar Yĩngr Soaba sẽn dat-f ne zʋg ningã, bɩf bao sɩd la laafi, sak n bas beegr taale, sak n yiis n kõ, sak n nong nimbãan-zoeere ne a tʋʋm sõma, sak n pʋɩ tɩ ned kam fãa reeg a rẽnna, sak vẽenem la f kisg lika.

1 Zã 1:5

Ad-d sẽn wʋm b nengẽ n wat n na n wilg yã: Wẽnd yaa vẽenem, lik ka be b nengẽ ye.

1 Zã 4:10

B nonglma sẽn tũ sor ninga la woto: ka tõnd n deng Wẽnnaam nonglem ye, bãmb n deng tõnd nonglem n tʋm b Biiga tõnd sʋka tɩ b wa ki d yel-wẽna yẽesg yĩnga.

Vẽnegre 21:23

Tẽnga ra pa tar wĩntoog ne kiuug vẽenem tʋʋmd ye tɩ Wẽnnaam pẽgra vẽenem n da buiid-a, la Wẽnd Pe-bila n da ya a bugum.

Vẽnegre 22:5

Lik kõn le zĩndi; b ka le tar wĩntoog bɩ fitl vẽenem tʋʋmd ye; Soaala Wẽnd vẽenema n na n bui-ba la b na n dɩɩ naam sẽn kõn sɛ.

1 Sãmwɛlle 15:29

A tol n le paasame: «Soaala sẽn ya a Israyɛl pãngã, pa gird n le gõms wa ninsaal ye.»