Zake 1:12 - SEBR SÕNGO

¹² Zu-noog soaba la sẽn tõoga kʋɩɩbgo! A sã n tõog kʋɩɩbgo n puk a sõmblem, a paamda vɩɩm dolb ning Wẽnnaam sẽn kãab sẽn nong-b bãmba.

KÃAB-PAALGÃ KOE-NOOGO

¹² Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn ya keoor Zu-soabã sẽn kãab neb nins sẽn nong bãmbã.

WẼNNAAM SEBRE 2014

¹² Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn yaa keoor Zu-soabã sẽn kãab neb nins sẽn nong bãmbã.

Zake 1:12 Iomraidhean Croise

Sɩngrẽ 22:1

Dẽ loogr poore, Wẽnnaam fɛɛsa a Abraam n na n bãng a pʋga. B bool-a lame: «Abraam!» T'a sake: «Naaba!»

A Neemi 1:5

M yeel-b lame: «Naaba-Wẽnde, Yĩngr-Soaala, Pãng sẽn kẽesd dabeem soab la yãmba. Wakat buud fãa y nonglma pʋgda sẽn nong-b yãmb la b reegd y noya.

A. Zoobe 2:10

La a Zoob leokame: «Fo gomda wa yam kɩdg soaba; tõnd sã n deegd sũ-noog Wẽnnaam nengẽ, bõe yĩnga la d ka na n deeg sũ-sãang me boto?» Ne a yɛla sẽn yɩ a soab fãa, a Zoob ka tol n tʋʋs Wẽnnaam a goamẽ ye.

A. Zoobe 5:17

Sɩd sɩda, sũ-noog soaba la Wẽnd sẽn demsd a soab kẽnde! Bɩ f sake, Zoob, n tũ Wẽnd-Pãng-Soaba saglse.

Yɩɩn‑sõamyã 11:5

Soaala pẽgda nin-sõngo, n yaool n sãbsd nin-wẽnga la sẽn maand-a a taab pãnga.

Yɩɩn‑sõamyã 119:67

M sẽn waa n nan ka wʋm toogo m da bʋta moogo, marsã ya y sora bal la m tũuda.

Yɩɩn‑sõamyã 119:71

M sẽn dɩ tooga waa ne m nafre, tɩ m zĩnd n vɛɛsa y noorã.

Yɩɩn‑sõamyã 119:75

M deegame, Soaala, tɩ y sẽn yalsa yaa sõmbo, y talla bʋʋm y sẽn waa n bas tɩ bɛɛba laad-m.

Yɩɩn‑sõamyã 5:11

Soaala, bao-y sɩbgre n sɩbg-ba, bas-y tɩ b bẽdga lɛɛg n yõk-ba; b tʋʋm yooda yĩnga, pĩng-y-ba, b sẽn zẽkd b zug ne yãmba yĩnga, rig-y-ba.

Yɩɩn‑sõamyã 94:12

Soaala, zu-noog soaba la sẽn paam-a tɩ yãmb demsd a vɩɩma ne y noorã!

Yikri 20:6

M nonglma yaool n pʋgda neb ka tɛka sẽn nong-m la sẽn deegd m noya.

Yelbũna 17:3

Wala wanzurf la sãnem sẽn yɩlg boaagẽ, woto me la Wẽnd vɛɛsd sũya.

A Ezayi 64:4

Yãmb yikd n sega sẽn maand-b yãmb raabo, sẽn maand-b yãmb raab ne sũ-noogo, la b sak n dɩkd sor ning y sẽn tuk b yĩnga. Yãmb sũur waa n puuga ne tõndo, la rẽ yɩɩ tõnd n konge. Marsã d sã le rɩk d pĩnd so-sõngã, d na paam fãagre.

Zakari 13:9

M na n fɛɛsame la m na n yɩlga sẽn kell-bã. M na n ning-b-la wa b sẽn ningd sãnem la wanzurf bugmẽ tɩ b paam n yɩlge. B na yõk m sɛɛg marsã la m na reeg b kosgo. M na n boola bãmb tɩ m buudu, tɩ bãmb me yeele: ‹Soaala la d Wẽnnaam.› »

A Matiye Sõng 10:22

B fãa na n kisga yãmb, mam yĩnga, la ned ninga sẽn na n kell n modga a yõor tɛka, yẽ soab n na n paam fãagre.

A Matiye Sõng 25:34

Dĩma na n yeela sẽn beb rɩtgã: ‹Wa-y wɛ, m Ba sẽn bark b rãmba, n deeg pʋɩɩr b Rĩunga pʋgẽ, Rĩung ning b sẽn segl y yĩng al dũni sɩngrẽ.

A Luk Sõng 6:22

Yãmb la sũ-noog rãmba neb sã n wa kis yã, Ned Biiga yĩnga, la b yiisd yãmb buudẽ, la b tar y tʋʋre la b sãbsd y yʋʋrã wa a yaa yʋ-beoogo.

Rom Dãmba 5:4

Ned sã n yals a meng zĩ yɛnga, a rɩkda tʋʋm sõma minugu la minim n tʋm neerã n wat ne saagre.

Rom Dãmba 8:28

D miime tɩ Wẽnd sẽn nong b rãmbã, Wẽnd sẽn welg b rãmb toorã ne b raabo, b sõngda bãmb tɩ b yɛla fãa welg neere.

1 Korẽnt rãmba 2:9

la wala sẽn gʋls Sebr pʋgẽ, tõnd togsda ninsaal nif sẽn zɩɩ n yãende, t'a tʋbr zɩ n wʋme, t'a sũur nan ka reege, Wẽnd sẽn segl sẽn nong-b bãmba fãa yĩnga.

1 Korẽnt rãmba 8:3

Sẽn nong-a Wẽnnaam, Wẽnnaam me mii yẽ soaba.

1 Korẽnt rãmba 9:25

Sẽn wagsd-b taaba tuuba bõn-nood wʋsgo la b tõee rẽnna. La yaool n yaa rolb sɛtga la b baooda. Sã n ya tõndo yaa rolb sẽn kõn sɛ.

Yaoolem 13:3

Ad-y yel-bãnd sã n sɩd maan wa a sẽn yeelã, tɩ nin-kãng kos yãmb tɩ y wa waoog la y pʋg wẽn-sãamse, wẽnd-dãmb f sẽn ka mi,

Yaoolem 7:9

Reeg, Israyɛl, tɩ yaa Soaala, f Wẽnnaam, bal la Wẽnde, Wẽnd sɩda. B zooda paada ne b sẽn nong b rãmba la sẽn deegd b noya, tɩ yʋʋma tong taab koabg-koabg n ka be sɛɛb ye.

Yaoolem 8:2

Modg n da yĩm Wẽnnaam, f Soaala, sẽn kɩt tɩ f tũ sor ninga al yʋʋm pis-naas rũnna, we-raoogẽ ka. Yaa naong sore. B fɛɛs-f-la woto n bãng bũmb ning sẽn be f sũurẽ, f sã n na n zãgsame bɩ f sã n na n deega b noya.

2 Tɩmote 2:15

Mao n yɩ ned sẽn be yam Wẽnd taoore, n yɩ tʋʋm-tʋmd sẽn ka zoet-a a tʋʋmda yãnd ye la yɩ sɩd Koe-nooga moanda sẽn ka mi yaams ye.

2 Tɩmote 4:8

La marsã, pugl ning sẽn ya sõmblem kasetã zoe n wʋga m yĩnga. Keta bʋʋda kao bala tɩ Soaala sẽn ya bʋ-tɩrg soaba rɩk-a n fõgen maam; la ka maam bal n na n paam-a ye, yaa neb niyns fãa sẽn na n gũ b waoonga ne nonglem.

Ebre rãmba 10:32

Bɩ y tẽeg marsã pipi raarã yãmb sẽn paam y yam vẽnegre ne tẽebo, yɩɩ namsg wʋsgo la yãmb da sak yã.

Ebre rãmba 11:17

Wẽnnaam sẽn wa n tʋlg n bãng a Abraam pʋga, a Abraam tẽeba kɩtame t'a yõk a biig a Izaak, a bi-yende, n na n kʋ maoongo; yaool n da yaa bi-kãng zugu la kãabga fãa da yɛsa.

Ebre rãmba 12:5

Yãmb yĩma Wẽnnaam sẽn sagend yãmb wala b kamba: «M biiga, ra tõdg Soaala sɩbgr ye; la b sã n wilgd foom f kongre, bɩ f ra bas raood ye.

Ebre rãmba 6:15

Yaa woto la a Abraam sẽn gãd a tẽeb n pa viigã paam kãabga pidsgu.

Zake 2:5

Kelg-y, m saam-biisi m sẽn nong ne m sũur fãa, ka Wẽnd n tʋlg tɩ dũni wã sẽn boond tɩ naong rãmba lebg arzɛk rãmb b tẽebẽ la b lebg Arzãn Rĩunga yõod dɩtba wala Wẽnd sẽn kãab b zo-rãmba laa?

Zake 5:11

Ade tõnd meng pẽgda neb niyns sẽn ka basd-b sũ-keelem. Y pa wʋm a Zoob sũ-keelma kibare, y pa bãng Soaala sẽn da rat n puk bũmb ninga? Soaala yaa nimbãan-zoeta, Soaala kũmda b neba.

1 Pɩyɛɛr 3:14

Ad-y y zug yaa noogo y sã n pʋs n namsdẽ y sõmblema na paas yĩnga; dɩlla da zoe-y rabeem ye la y ra bas tɩ sũur kiuus ye.

1 Pɩyɛɛr 4:13

Y sã n naag Krista n namsdẽ bɩ y noog y sũuri tɩ b ziira pukr daare y na naag n lang la y kɩdem sũ-noogo.

1 Pɩyɛɛr 4:14

Sã n ya Krista yʋʋr yĩng la b yaand yãmba, yãmb zug yaa noogo. Ad-y yaa Wẽnd Vʋʋsem ne b zɩiri, Wẽnd Vʋʋsem n sig yãmba.

1 Pɩyɛɛr 5:10

Y sã n paam n nams bilfu, ad-y Wẽnd sẽn ya kũuna fãa kõatã la bãmb n bool yãmb tɩ y wa rɩ vɩɩm sẽn kõn sɛ yõodo ne Krista a Zezi, Bãmb meng b toore n na n le yals yãmb y nao zutu la b kõ-y keelem la pãnga tɩ b mak y mimsg n konge.

1 Pɩyɛɛr 5:4

Wotoone, Pe-kɩɩm sõma naaba pukr daare y na reeg y pẽgr sẽn kõn sɛ pugla.

1 Zã 4:19

Sã n ya tõndo, d nong bãmba, tɩ bãmb n yɩ pipi n nong tõndo.

Vẽnegre 2:10

Da zoe toog ning sẽn nan ket poorẽ wã ye; Sʋtãan zoe n gomda a na sui yãmb neb kẽer doto, n kʋɩɩb yãmba la a mak yãmb pãng dasem piiga. Fo yee n tall f tẽeba neere n ta f kũum tɩ m na kõ-f vɩɩm dolbo.

Vẽnegre 3:19

Mam sagenda m sẽn nong b rãmba la m sɩbgd-b lame. Aya! Nang pãng bilfu, maan tuubgu.

Vẽnegre 3:21

Sẽn tõog-ba, m na kõ-b la weere tɩ b zĩnd ne maam, m zaoorẽ, wala mam me sẽn tõoge, la m paam n zĩnd m Ba zaoorẽ wã ne bãmba.