Yikri 7:16 - SEBR SÕNGO

¹⁶ Gom ne dĩma woto: Soaala-Wẽnde, a Israyɛl Wẽndã tʋma maam f nengẽ tɩ m wa yeel-fo: bas m neba tɩ b yi n tɩ waoog-m we-raoogẽ. Sẽn ta marsã, fo yẽda f tʋba.

WẼNNAAM SEBRE 2014

¹⁶ Yeel Faarõ yaa: Sẽn-Ka-Saab sẽn yaa Ebre nebã Wẽnnaamã tʋma maam fo nengẽ tɩ m wa yeel-f tɩ f bas bãmb nebã tɩ b kẽng we-raoogẽ wã n tɩ waoog bãmba. La hal tɩ ta moasã, fo ka kelg ye.

Yikri 7:16 Iomraidhean Croise

Yikri 10:3

A Moyiiz ne a Aarõ kẽng n tɩ yãee Ezipt dĩma n yeel-a woto: «Ad Ebre rãmba Wẽnnaam sẽn togsd-f bũmb ninga: F na n kell n yɩɩ tõata, f na n zãgsa f sulg f meng mam taoor n ta da-bʋre? Bas m neba tɩ b loog n tɩ waoog-ma.

Yikri 13:15

Dĩma sẽn da ka rat tɩ tõnd loogã, Soaala-Wẽnd kʋʋ Ezipt kom-dẽemsa fãa: yɩɩ ninsaalba la rũmsa kom-dẽemse. Yaa rẽ yĩng la sã m ya rũnga, m kʋʋda a pipi biig sẽn ya raoogo; sã n ya ninsaala, rũng la m baood n ledg a zĩigẽ n kʋ.›

Yikri 14:5

B sẽn wa n wilg Ezipt dĩma tɩ Israyɛl kamba loogame, yẽ ne a poorẽ dãmba sũur ka yɩ noog ye. B yeelame: «Tõnd maana a wãna n ka na n zã Israyɛl kamba wa yem-daado n bas-b tɩ b looge?»

Yikri 3:12

Tɩ Wẽnnaam yeele: «M na n zĩnda ne foo la ad kaset ning m sẽn kõt-f tɩ f bãng tɩ yaa maam n tʋmd foo: f sã n wa yiis m neba Ezipt tẽnga, y na rʋ tãn-kãnga zug n waoog-ma.»

Yikri 3:13

A Moyiiz yeela Wẽnnaam: «Ade, m na n tɩ yeela Israyɛl kamba woto: ‹Yãmb yaab rãmb Wẽnnaam n tʋm maam y nengẽ.› B sã n sok maam tɩ y yʋʋr la a bõe, m leokda wãna?»

Yikri 3:18

B na n kelga f koɛɛga, la foo ne nin-kẽemba, yãmb na n tɩ yãee Ezipt dĩma la y na n yeel-a-la woto: ‹Naaba-Wẽnde, Ebre rãmba Wẽnnaam, n sig d sʋka. D Kotame tɩ y bas-d tɩ d kẽn dasem a tãab kẽnde, we-raoogẽ, n tɩ kʋ maoong bãmb yĩnga.›

Yikri 4:22

Dẽ marsã la f na n yeel dĩma: Soaala-Wẽnd koɛɛg la woto: mam bi-kẽeng la a Israyɛl.

Yikri 4:23

M yet-f lame; bas m biiga t'a kẽng n tɩ waoog-ma; la f sẽn zãgs t'a kõn yi wã, ma me na n kʋʋ fo bi-kẽenga.»

Yikri 7:4

M miime tɩ Ezipt naaba ka na n sak n kelg-y ye la m na maan Ezipt pãnga n yiis m buudã ne a tãb-biisã la na n yɩɩ pakre tɩ m sɩbg Ezipt rãmb wʋsgo.

Yikri 8:1

Wẽnnaam yeela a Moyiiz: «Kõ a Aarõ no kanga: tẽeg f nug la f dasaarã, kʋɩlga zugu, ko-soy wã la tãnagda zugu, n kɩt tɩ loms kẽ Ezipt tẽnga.»

Yikri 8:20

Soaala-Wẽnd maana wala b sẽn yeele la keooda ka tɛk kẽe dĩma zakẽ, n kẽ a meng rotẽ, n kẽe a neba rotẽ n kẽ Ezipt tẽnsa fãa n yaal-b zãnga.

Yikri 9:1

Soaala-Wẽnd yeela a Moyiiz: «Kẽng dĩma nengẽ n tɩ yeel-a woto: Ad Soaala-Wẽnd, Ebre rãmb Wẽndã, sẽn yete: bas m neba tɩ b loog n tɩ waoog-ma.

Yikri 9:13

Soaala-Wẽnd kõ-la a Moyiiz no-kãnga: «Sãd beoog pĩnd n kẽng dĩma nengẽ. Yeel-a tɩ Ebre rãmb Wẽnnaama goma woto: bas m neba tɩ b yi n tɩ waoog-ma.

A Ezayi 45:13

Yaa maam n yiis m gãndaoogo sẽn na n waa ne fãagrã. M na zĩnd a sɛɛgẽ, t'a tʋʋmda yi naana ne-a. A na le mee m tẽnga, a na n le mee Zerizalɛɛm, m kamba sẽn kẽng yembdã na lɛɛg n wa tɩ pa tũ ne yaood ye. Dũni fãa Wẽnd n yeele!»

Zeremi 50:33

Soaala koɛɛga, a Israyɛl Wẽnda koɛɛg la woto: B namsa Israyɛl kamb wʋsgo, n nams Zɩɩda kamba me wʋsgo. Neb niyns sẽn wʋk-ba n loog pa-weerã pa rat tɩ b lɛɛg n wa ye.