Yikri 6:6 - SEBR SÕNGO

⁶ Dɩlla f na tɩ yeel Israyɛl kamba: Maam la Naaba-Wẽnde, m na kɩt tɩ y tɩlg ne Ezipt tʋʋm toodã. M na yiis-y yembd pʋgẽ, m na wilg Ezipt tɩ, pipi, yaa mam soolmẽ la a Israyɛl deng n lʋɩ la m na le reeg-a-la ne pãng la rugdu.

WẼNNAAM SEBRE 2014

⁶ Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 6:6 Iomraidhean Croise

1 Rĩm-dãmbã 8:42

tɩ sẽn ya zĩig ning fãa b na wʋm tɩ b gomd y yelle, n gomd y kanga la y nuga pãnga yelle, a sã n kẽ ro-kãnga n pʋʋse,

2 Rĩm-dãmba 17:36

Yaa Naaba-Wẽnd bal n yiis yãmb Ezipt soolmẽ ne b pãng kẽeng ningã, b sẽn tẽeg b kanga raarã. Yaa bãmb la yãmb na n pʋʋs la y waoog ne maando.

1 Kibayã 17:21

Tẽng zug ka, buud bʋgo n wẽnd yãmb buud a Israyɛl, buud y sẽn tũus y meng yĩnga, buud yʋʋr sẽn yi moogo, la sẽn kẽesd dabeem. Buudu y sẽn tɩ fãsg Ezipt ne pãng la tʋʋm bana?

A Neemi 1:10

Ade, yaa bãmb la y sẽn fãag ne pãnga la rugdu.

Yɩɩn‑sõamyã 77:16

Y Nug pãng n fãag y buudã, a Zakoob la a Zozɛf yagensã.

Yɩɩn‑sõamyã 81:11

Maam f Soaala la f Wẽnde, la maam n yiis-f Ezipt tẽnga. Wilg maam f raaba fãa t'a na pidsi.

Yɩɩn‑sõamyã 81:6

Yaa noor b sẽn kõ a Zozɛf buudu, Wẽnd sẽn wa n yik zabr ne Ezipt tẽnga. No-rɛɛs n deeg n gome n yeele:

Yɩɩn‑sõamyã 81:7

M sika zɩɩbã f bãgdẽ, m yolsa f nug ne yembd-tʋʋma.

Yikri 1:11

Woto wã b yãka neb sẽn na n ges Israyɛl kamba tʋʋma, neb sẽn na n mao tɩ b yãend far ne tʋʋm-toodo. Ezipt dĩma kɩtame tɩ b me tẽn-bɛd a yi: Pitom la Ramsɛs. Be la b ra bĩngd b te-koosem buud fãa.

Yikri 12:41

Yɩɩ kobs-naas la pis-tã wã baasg raare, ra-kãseng raare, la Soaala yiis b neba bal-bal Ezipt tẽnga.

Yikri 12:51

Yaa baraar meng la Soaala-Wẽnd yiis Israyɛl kamba, b tãb-biis la b rũms Ezipt tẽnga.

Yikri 13:14

La beoog raarã, f biiga sã n wa sok fo: ‹Rog-n-mik kãnga võor yaa bõe?› F na yeel-a: ‹Yaa Wẽnnaam pãnga sẽn tõe bũmb fãa wã n yiis tõnd Ezipt tẽnga yembdẽ.

Yikri 13:16

Soaala n tʋm b pãng tʋʋma n yiis tõnd Ezipt tẽnga, la rẽ na n yɩɩ tẽegr wa wiifu sẽn kɩ f kang bɩ f rĩirẽ.»

Yikri 13:3

A Moyiiz yeela nebã: «Tẽeg-y daar ninga yãmb sẽn yi Ezipt, y yembd tẽnga. Wẽnd pãng n sõng-y tɩ y paam n yi; daara tẽegr daare, bɩ y da rɩ bur sẽn ning bɩll ye.

Yikri 15:13

Y pidsa y kãoobgo y sẽn da kãab y buudu; y tall-a-la ne pãnga n tɩ kẽes y zag sõngẽ.

Yikri 16:6

A Moyiiz ne a Aarõ goma ne zãma wã woto: «Zaabrã y na bãng tɩ yaa Soaala-Wẽnd n yiis yãmb Ezipt tẽnga.

Yikri 18:1

Madiã maan-kʋʋd la a Moyiiz rɛɛmba, a Zetro, wʋma Soaala-Wẽnd sẽn maan bũmb ning ne a Moyiiz la b buudu, a Israyɛl. A wʋmame tɩ Wẽnd yiis-b-la Ezipt tẽnga.

Yikri 2:11

Sẽn waa n beẽ, n beẽ, a Moyiiz yiime na n kaaga a saam-biisã. A yãee tʋʋm tood niyns b sẽn da tʋmna; a yãee Ezipt dao a ye sẽn pãbd a saam-biiga.

Yikri 3:17

Yaa rẽ yĩng la m dat tɩ y yi n kẽ Kanaã rãmb tẽngẽ n paas Ititse, Amoritse, Perizitse, Ivitse la Zebuzitse, m datame n tɩ kẽes-y tẽng a ye, la tẽng kãng kʋɩls koom yaa bĩisim la sɩɩdo.›

Yikri 3:8

M mi-la b yɩɩre la m datame n fãag b Ezipt rãmb nugẽ, n yaool n tall-ba n kẽes tẽn-yalengẽ la tẽn-sõngẽ; tẽn-kãng kʋɩlse: bĩisim la sɩɩdo. Yaa Kanaã rãmb tẽnga, n paas Ititse, Amoritse, Perizitse, Ivitse, la Zebuzits tẽnga.

Yikri 32:11

A Moyiiz makame n na n sigs Soaala-Wẽnd sũuri, ad-a sẽn yeele: «Yaa bõe, Naaba-Wẽnde, tɩ y na n bas y sũur t'a fõd ne kamb niyns yãmb meng sẽn yiis Ezipt tẽnga ne y kang la y nug pãnga?

Yikri 6:2

Wẽnnaam goma ne a Moyiiz n yeel-a: «Maam la Soaala.

Yikri 6:29

n yeel-a: «Maam la Soaala. M sẽn na n yeel-f bũmb ning fãa bɩ f sõng n taas-a Ezipt dĩma.»

Yikri 6:8

Dẽ poore, m na n kẽes-y-la tẽng ning m sẽn kãab a Abraam, a Izaak, a Zakoob, la tẽnga na waa n lebg y soolem, tɩ maam, y Wẽndã, n kãab-y rẽnna.»

Yikri 7:4

M miime tɩ Ezipt naaba ka na n sak n kelg-y ye la m na maan Ezipt pãnga n yiis m buudã ne a tãb-biisã la na n yɩɩ pakre tɩ m sɩbg Ezipt rãmb wʋsgo.

Yikri 7:5

Na n yɩɩ tɩlɛ ne Ezipt rãmba fãa tɩ b reeg tɩ maam la Soaala-Wẽnde, tɩ m na n zẽka m nug n sɩbg-ba n paam n yiis Israyɛl kamb b tẽngẽ.»

A Ezayi 9:12

Ne rẽ fãa a Israyɛl pa lɛɛg n wa a poorẽ, a ka kẽ dũni fãa Soaal sẽn sɩbgd yẽnda wã ye.

A Ezayi 9:17

Sɩda wẽnem dɩta wa bugum; a na n sɩnga kãgre la gõose, n wa tat tʋga gilli, tɩ bug-zõos na n tão yĩngri, n tão wala sɩlmande.

Zeremi 21:5

Mam menga n na n yik ne m sũura sẽn puug wʋsgã, n zab ne yãmba n wilg-y m nugu la m kang pãnga, n wilg m zab-minim.

Zeremi 27:5

M wilga m pãnga, n wilg tɩ m mii tʋʋmde la m naana tẽnga, n naan ninsaalba la rũmsa sẽn vɩ wã. Mam sẽn naana m dɩkd-b lame n kõt m sẽn dat a soaba.

Zeremi 32:21

Y wilga y pãnga, n wilg y tʋʋm-minim n maan yel-bãn sẽn yɩkd pɛlenga, n paam n yiis y buud, a Israyɛl, Ezipt tẽnga.

Ezekiyɛl 20:33

Maam la Naaba-Wẽnde, Vɩɩm Naaba, m na n tʋma m pãn-tʋʋma; m na n basa m sũura t'a fudg n waal yã tɩ m kell n tõog n dɩ naam y zutu.

Tʋʋma 13:17

Tõnd sẽn be buud ninga tẽngẽ wã Wẽnde, a Israyɛl Wẽnd, n tũus d yaab rãmbã la bãmb n kɩt t'a neba sõor fɩɩg zembala Ezipt tẽnga, b pa-weer tẽnga. Bãmb n yiis-b tẽn kãng ne b kang pãnga.

Yaoolem 11:2

Y kamba toog sẽn yãke, tɩ bãmb ka yãend y sẽn yãend ye, m tẽedame tɩ yãmb mii rũnna, vẽenega, Wẽnnaam, y Soaala, sẽn zãms-y. Y mi-la b ziiri, y mi-la b nug la b kang pãnga.

Yaoolem 15:15

F na tẽeg tɩ f meng yɩɩ yamb Ezipt tẽnga la Wẽnnaam, f Soaala, n yiis-f yembdẽ. Dẽnd me yĩng la m kõt-f no-kãnga rũnna.

Yaoolem 26:8

Soaala wilga b nug pãnga, n wilg b kang keglem, n maan bõn-bãna, n tʋm tʋʋm bɛd sẽn wa ne yɛɛsgo n paam n yiis tõnd Ezipt tẽnga.

Yaoolem 4:23

Gũus-y n da yĩm tɩ Wẽnnaam, y Soaala, yõga zood ne yãmb ye. Gũus-y n da maan sẽn kis wa fãa fãa n bao wẽneg n kõ bũmbu n yet tɩ yẽ la y wẽnd ye.

Yaoolem 4:34

M sok n gese wẽnd bʋgo n yiki ne yɛl-bãna, ne tẽn-kũum, ne zaba, ne moadga, ne yɛɛsgo n na n kẽ buud a taab sʋka n tũus buudu, sẽn na n yɩ a rẽnna wala Wẽnnaam f Soaala sẽn maan f yĩnga tɩ y nif rɩ kasto Ezipt tẽngã?

Yaoolem 5:15

Tẽeg tɩ fo me yɩɩ yamba Ezipt tẽnga la Wẽnd n yaoog-fo n yiis-f ne b nug pãnga. Dẽ me yĩng la Wẽnnaam, f Soaala, kõt-f noor tɩ f vʋʋs badaare.

Yaoolem 6:12

f na n maana tẽegre n da yĩm f Soaala sẽn yiis-f Ezipt, f yembd tẽngẽ ye.

Yaoolem 7:19

Tẽeg-y yɛl toodã y meng nif sẽn yãende, tẽeg-y yɛl-bãna sẽn yɩkd pɛlensã, tẽeg-y pãng tʋʋm niyns Wẽnnaam, y Soaala, nus sẽn tʋme, b sẽn waa n na n yiis-y Ezipt tẽnga. Bãng-y tɩ yaa tʋʋm kãens la Wẽnnaam, y Soaala, na n kell n tʋm ne buud niyns yãmb sẽn tẽed tɩ b rabeem tõe n yõk-y lame wã.

Yaoolem 7:8

Soaala wilga b kang pãng n yiis yãmb Ezipt tẽng la b yiis-y Ezipt dĩma yembdẽ, yaa b sẽn nong yãmba bala la pids kãabg ning b sẽn kãab y yaab rãmba.

Yaoolem 9:29

Yaool n yaa yẽ la y buudu, y pʋɩɩre, y sẽn yiis ne y nug pãnga!›