Yikri 4:12 - SEBR SÕNGO

¹² Dɩlla, kẽng tao, m na yaag f noore, m na wilg f sẽn na n togse.»

WẼNNAAM SEBRE 2014

¹² Moasã, bɩ f kẽng tɩ mam meng na n zĩnda ne fo noorã, la m zãms foom bũmb ning fo sẽn segd n togsã.»

Yikri 4:12 Iomraidhean Croise

Yɩɩn‑sõamyã 105:26

Dẽ me la b tʋm b sõgna a Moyiiz n paas a Aarõ, a sẽn da yãke.

Yɩɩn‑sõamyã 143:10

Zãms-y-m tɩ m maan y raabo tɩ yãmb la m Wẽnnaam, la y tõe n kõ-m-la y yam sõngã, la y tees-m so-saalle.

Yɩɩn‑sõamyã 32:9

Da wẽneg-y weoof bɩ bõan-wɛ-yalenga, tɩ b boogd b tĩig ne wĩir la salbr ye. Da wẽneg-y bãmb tɩ bũmb kõn maan-y ye.

Yikri 3:12

Tɩ Wẽnnaam yeele: «M na n zĩnda ne foo la ad kaset ning m sẽn kõt-f tɩ f bãng tɩ yaa maam n tʋmd foo: f sã n wa yiis m neba Ezipt tẽnga, y na rʋ tãn-kãnga zug n waoog-ma.»

Yikri 4:13

A Moyiiz le yeelame: «Y kabre, m Soaala, bao-y y sẽn dat a soaba n tʋm!»

Yikri 4:15

Foo n na gome la yẽ noor n na deeg goama n taase. Mam meng na sõng yãmb y yiibu, n wilg y sẽn na n togse.

Yikri 4:16

A Aarõ n na n gom ne neba fo zĩigẽ. A noora na n yɩɩ fo noore, fo yaa wa a wẽnde, n vẽnegd-a.

A Ezayi 49:2

B saasa m noore wa sʋ-rɩtga, b solg-m-la b nug pʋga, b sɩlsa maan wala pĩim, n dɩk n solg b lokẽ.

A Ezayi 50:4

Soaala-Wẽnd kõ-m-la karen-biig zelemde, n wilg mam sẽn tog n togse, n wilg mam sẽn na n yiis gomd ninga, n le yẽeg sẽn basd-b raooda gĩini. Yibeoog fãa b nɛkd-m lame, yibeoog fãa b yoogda m tʋbre tɩ m le kelg wa karen-biig sẽn tog n kelge.

Zeremi 1:9

Soaala-Wẽnd yaool n tẽega b nugu, n sɩɩs mam noore n yeel maam: «Ade, yaa foom n na n togs m koeesã.

Sõadga 16:28

A Moyiiz yeelame: «Ad bũmb ning sẽn na n wilg yã tɩ yaa Soaala-Wẽnd n tʋm maam la m ka maand m sẽn dat ye.

A Mark Sõng 13:11

B sã n wa yõg yãmba n kẽng bʋ-kaoodb taoore, bɩ y ra bʋ y sẽn na n leok bũmb ninga poorẽ ye. Bũmb ning sẽn na n wa yãmb yamẽ wakat kãnga, yaa bõn-kãng la y na n leoke. Pa yãmb mens n na n gom wakat kãng ye, yaa a Vʋʋsem Sõng n na n gom yãmb zĩigẽ.

A Luk Sõng 11:1

Daar a ye, a Zezi da bee zĩig a ye n pʋʋsdẽ. B sẽn pʋʋs n sɛ, b karen-biig a yembr yeel-b lame: «Soaala, zãms-y tõnd pʋʋsgo wala a Zã sẽn zãms a karen-biisi.»

A Zã Sõng 14:26

La Sõangdã, a Vʋʋsem Sõngo, Ba sẽn na n tʋm a soab m yʋʋr yĩnga, bãmb na n zãmsa yãmb bũmb fãa, la b na n le tẽeg-y la m sẽn togs-y bũmb ning fãa.

Efɛɛz Rãmba 6:19

Tẽeg-y mam me yelle y pʋʋsg pʋgẽ tɩ m tõog n yaag m noore n gome la m moon Koe-nooga ne raoodo n puk sẽn solge.

Yaoolem 18:18

Sɩd yaa bãngd wala fooma la m na n yiis buuda sʋk n kõ-ba, m na n ninga m goama a noorẽ, la yaa m sẽn yet t'a togs bũmb ninga la a na n togse.