Yikri 34:16 - SEBR SÕNGO

¹⁶ Da maan no-noom ne-ba, n saag n bao f kamb pagb bãmb kom-pugli wã sʋk ye, ka rẽ kom-pugli wã wat n dabda b wẽnd dãmba waoogre tɩ fo kamba yik n pʋgda.

WẼNNAAM SEBRE 2014

¹⁶ La bɩ f ra peeg bãmb kom-pugli n kõ f kamb tɩ b maan b pagb ye, tɩ bãmb kom-pugli wã sẽn maand yoob ne b wẽnnaam-dãmbã, ra wa kɩt tɩ fo kom-dibli wã maan yoob ne bãmb wẽnnaam-dãmbã ye.

Yikri 34:16 Iomraidhean Croise

Sɩngrẽ 24:3

la f wẽen ne Wẽnnaam, yĩngr la tẽng Soaala, tɩ f kõn bao pag kaalẽ, Kanaã rãmb sʋka, n kõ a Izaak ye.

1 Rĩm-dãmbã 11:1

A Salomo kẽe kãadem ne sãam-pogs wʋsgo, Ezipt dĩma bi-pugla toog sẽn yãke. A pabga yɩɩ Moabitse, Amonitse, Edomitse, Ititse la Sidõ rãmb buudu.

1 Rĩm-dãmbã 21:25

Sɩd-sɩda, ned pa zĩnd t'a wẽnema kolg a Akab wẽnem ye. A saka zãmbo n maan sẽn pa sõmb Soaala-Wẽnd nifẽ, la yaa a pag a Zezabɛl n kẽes-a moogo.

2 Kibayã 21:11

Yẽ n wa ne wẽn-naandsa waoogre Zɩɩda tẽn-peelmẽ. Yẽ n kɩt tɩ Zerizalɛɛm la Zɩɩda rãmb wɩɩbe.

Esdras 9:12

Woto wã, dũnna tɛka bɩ y ra le rɩk y kom-pugli n kõ b kom-dibli ye, da reeg-y b kom-pugli n kõ y kom-dibli ye, da bao-y laafi ne b ye, da bao-y nin-bãmba yĩn-maasem la b naar ye. Yaa woto bal la y wat n lebg buud sẽn tar pãnga, buud sẽn na n dɩ tẽnga yõodo, tẽng y sẽn na n bas ne y yagense zamaan ne zamaana.›

Esdras 9:2

Bãmb ne b kamba kẽe kãadem ne bu-zẽmba la woto buud sõnga tɩ fãooga a meng ne buud a taaba la yaa kãsem-dãmba la nin-bɛdã n dẽgem pipi.»

A Neemi 10:30

fãa naaga b saam-biisã la taoor dãmba n wẽen la b kãab tɩ b na n deega Noor ning b sẽn kõ a Moyiiz, Wẽnd tʋʋm-tʋmdã. B kãbame tɩ b na n tũu Wẽnd daabo, b rog-n-mik, b na n gɩdga meng ne Wẽnd sẽn gɩdge.

A Neemi 10:31

B tol n kãabame tɩ b kõn dɩk b kom-pugli n kõ bu-zẽnd dãmb ye la bãmb me kõn deeg b kom-pugli n kõ b kom-dibli ye.

A Neemi 13:23

M waa n mikame tɩ Zʋɩf rãmb kẽer pagb yita Asdod, Amon la Moab tẽnse.

A Neemi 13:25

M zaba ne-ba, n pãb kẽer la m võ b zut zoobdo, n kɩt tɩ b wẽen ne Wẽnd tɩ b kõn le rɩk b kom-pugli n kõ bu-zẽmba ye la bãmb me kõn deeg bu-zẽmba kom-pugli n maan b pagb ye.

Yɩɩn‑sõamyã 106:39

B lebga rẽgdo tɩ b basa Wẽnd vɩɩga n tɩ kẽ wẽn-faado.

A Ooze 1:2

Ad Soaala-Wẽnd koeesa sɩngre, koees niyns a Oze sẽn deeg n taas-dã. Soaala-Wẽnd yeela a Oze: «Kẽng n bao pʋg-yoodr a ye, n maan f paga. A sẽn na n dog kamb niynsã kõn deeg f raboog pʋɩɩr ye. Tẽnga rãmb basa maam, b Soaala. B maana wa pʋg-yoaad sẽn bas a sɩda.»

Maan‑kʋʋre 21:15

Woto a buuda kõn waa n kalem ne bu-zẽnd ye la yaa maam b Wẽnnaam n welg-b toore.»

Zozuwe 23:12

Y sã n sak wɩɩbdo n tɩ fãoog ne buud niyns sẽn yeg b yãmbã, n kẽ b buudẽ, tɩ b lebg y reem dãmba, tɩ y kẽed b tẽnsẽ tɩ bãmb me kẽed y tẽnsẽ,

Zozuwe 23:13

bãng-y tɩ wakat kãng tɛka Soaala, yãmb Wẽnnaam, kõn le rig-b yãmb taoor ye. La yãmb yĩnga b na lebga tãooga, n lebg bẽdgo, n lebg sãbsga y lugẽ, n lebg gõaag y nini al tɩ y wa tol n menem zãng, tẽn-sõng ning Soaala-Wẽnnaam sẽn kõ yãmba.

Bʋ-kaoodba 14:3

La a ba ne a ma naag a taab n yeel-a: «Pagb n ka be f saam-biisa kom-pugli wã sʋka la f buudẽ wã bɩ? Yaa bõe tɩ f na n bao nin-dẽgd kamba? La a kell n yeela a ba: Yaa yẽ la m dat tɩ y bao kõ-ma tɩ yẽ n ta mam yam.»

Bʋ-kaoodba 3:5

Yaa woto la a Israyɛl pa Kanaã rãmb sʋka, n paas, Ititse, Amoritse, Perizitse, Ivitse, la Zebuzits sʋka.

Bʋ-kaoodba 3:6

A Israyɛl kẽe kãadem ne bãmb kom-pugli, n dɩk a kom-pugli n kõ-ba, n pʋg b wẽn-naandsã.

Bʋ-kaoodba 8:27

A Zedeõ rɩka sãnema n dõog nin-naande la a ning-a-la a tẽngẽ, Ofra. A lebga bũmb Israyɛl dãmb sẽn da waoogde. A lebga wa bẽdgo a Zedeõ ne a zak rãmb yĩnga.