Yikri 32:32 - SEBR SÕNGO

³² M kot-y lame tɩ y kõ-b sugri, ka rẽ bɩ y yẽes m yʋʋra sẽn gʋls vɩɩm sebra pʋga.»

WẼNNAAM SEBRE 2014

³² Baoosgo, kõ-y bãmb b yel-wẽnã sugri. La yãmb sã n ka na n kõ bãmb b yel-wẽnã sugri, m kotame tɩ y yẽes mam yʋʋrã yãmb sẽn dag n gʋls yãmb sebrã pʋgẽ wã.»

Yikri 32:32 Iomraidhean Croise

Yɩɩn‑sõamyã 139:16

M sẽn da waa n nan ka tar nenga, y ra zoe n ne-m lame, y ra zoe n gʋlsa fãa n ning y sebrẽ, y ra zoe n sõda m daarã n bĩng-ma, tɩ m nan ka rog meng ye.

Yɩɩn‑sõamyã 56:8

Soaala, y ka na n sɩbg-b rẽ fãa? Bas-y tɩ y sũura fudg n waag-ba!

Yɩɩn‑sõamyã 69:28

Yãmb me sõd b beegre, n paalg-b bʋʋdo.

Yikri 32:10

Bas-m tɩ m yik ne-ba; bas tɩ m yik m sũur ne-ba, m na n menes-b lame la yaa fo roogo n na n lebg bu-kãsenga.»

A Ezayi 4:3

Sẽn pa-b Zerizalɛɛm, sẽn na n põs-b Siõ, bãmb fãa na n boolame tɩ neb sẽn welg toor Soaala-Wẽnd yĩnga; bãmb fãa yʋy la Soaala gʋls b vɩɩma sebr pʋgẽ tɩ b na n vɩɩnd Zerizalɛɛm.

Ezekiyɛl 13:9

M na n wilga m pãnga ne bangdb niyns sẽn saad n togsd b sẽn gãand n tagse la b yelgd b zirẽ-beedã. M ka na n le bas-ba m neba sʋk ye, b yʋʋr meng kõn gʋls Israyɛl buuda kamb sʋk ye la b kõn leb b tẽngẽ ye. Woto la b bãngd tɩ maam la Naaba-Wẽnde.

A Amoose 7:2

Sʋy wã da wãba tẽnga mood fãa gilli, tɩ mam yeele: «Y sugri, Soaala-Wẽnde, maan-y sugri. A Zakoob na n yɩɩ wãn n vɩɩnde? Ad a paood wɛ!»

Malasi 3:16

Sẽn zoet-b Wẽndã me zĩnda ne taaba. Soaala-Wẽnd yoka b tʋbre, la b wʋmame. Bãmb taoore b gʋlsa tẽegr sebr pʋgẽ neb niyns sẽn zoet-b Wẽnnaama la sẽn teeg-b bãmba yʋy.

Malasi 3:17

Dũni fãa Soaala yaoolame marsã n yeele: «M sẽn na n wilg m pãnga raare, m na n gesa nin-bãmba wala m neba. Bãmb n na n yɩ m buudu. M na n yɩ nin-bʋgsg ne bãmba, wala ba sẽn yaa a soab ne a biig sẽn sakd-a.

Sõadga 11:15

Y sã n na n zã m vɩɩma woto, ad-y m sẽn kiid n são. Y sã n maan-m-la yardo bɩ yell a woto buud da le lʋɩ m zug ye.»

Sõadga 11:25

Soaala-Wẽnd tũu sawadgã n sig n gom ne a Moyiiz. A Moyiiz yama la b yãk n pʋdg bãmb pisopoe wã. B sẽn paam kũuna b vẽneg n sɩngame n gomd bãngr goama, la ka yãe n kaoos ye.

Sõadga 14:19

Kõ-y nin-bãmba b beegra sugri, ges-y y nonglma sẽn puk n ta zĩig ninga, la tẽeg-y tɩ y kʋmsa y sũur ne ba al Ezipt tẽng n ta zĩ-peen-daagẽ ka.»

A Luk Sõng 10:20

La baasgo bɩ y ra noog y sũuri sʋtãamba sẽn deegd y noor yĩng ye, noog-y sũuri yãmb yʋy wã sẽn gʋls arzãnẽ yĩnga.»

A Luk Sõng 23:34

A Zezi yeelame: «M Ba, kõ-y b sugri tɩ b ka mi b sẽn maand ye.» Tãb-biisa rɩka a Zezi futã n poees n pʋɩ taaba.

Rom Dãmba 9:3

M tʋllẽ lame tɩ Wẽnnaam yãk m barka, m tʋllẽ lame n welg ne Krista, dẽ sã n tõe n nafẽ m saam-biisã,

Yaoolem 25:19

Woto wã, Wẽnnaam, f Soaala, sã n wa kɩt tɩ f tɩlg ne f bɛɛba sɩ-lakre, n kõ-f vʋʋsem, f tẽngẽ, tẽng ning Wẽnnaam, f Soaala, sẽn kõt-f tɩ f soogã, f na yẽes Amalɛk rãmb yʋʋr saaga tẽngre. Da yĩm ye!

Yaoolem 29:20

Soaala na n welg-a-la toore, Israyɛl kamba sʋka, la na n yɩ-la a bõne tɩ noora naaga ne kãab beed n gʋls n sele.

Yaoolem 9:14

La bas-y tɩ m wa, m na n wã-b-la zãnga, n yẽes b yʋʋr saaga tẽngre. Foo, Moyiiz, fo kamba n na n fɩɩg n lebg bu kãsenga, bu yalengo.›

Filip rãmba 4:3

La foom me Sizig, m tũud-n-taag menga, bɩ f mao n sõng-ba; ad pʋg-kãensa sõnga maam wʋsgo ne Koe-nooga tʋʋmde, bãmb ne a Klema la m sõangdb a taaba: bãmb yʋya gʋlsa vɩɩm sebra pʋgẽ.

Vẽnegre 17:8

Rũn kãng ra beeme la marsã a ka ye; a na n yii bul-zulungẽ wã la na n yɩ-la a bõne; neb niyns faa sẽn ka paam tɩ b gʋls b yʋy al dũni sɩngrẽ, vɩɩm sebra pʋgẽ, bãmb fãa pɛlens na n yɩka Rũngã poorẽ, a sẽn da beẽ, n wa kaẽ, n na n le wa pukã.

Vẽnegre 21:27

Bõn-dẽgd kõn tõog n kẽ be abada; d kõn gom sẽn tʋmd-b tʋʋm wẽna la tʋʋm beeda ye; neb nins yʋy sẽn gʋls Pe-bila vɩɩm sebra pʋgẽ bala n na n kẽ be.

Vẽnegre 22:19

Sẽn saag-a me n yiis bũmb be, bɩ Wẽnd me yiis bũmb a pʋɩɩrẽ, vɩɩm tɩɩga la bark tẽnga sẽn kõt bũmb ning tɩ b gomd sebr kanga pʋga.

Vẽnegre 3:5

Sẽn maand-b raoodo, yaa fu-pɛɛlg la m na n yeelg-ba la b yʋʋr kõn yẽes abada Vɩɩm sebrẽ wã ye, m na wilg tɩ m mi-b lame, m Ba ne b malɛgsa taoore.