Yikri 32:13 - SEBR SÕNGO

¹³ Tẽeg-y yã a Abraam, a Izaak la a Zakoob yelle. B yɩɩ yãmb tʋʋm-tʋmdba la yãmb wẽename n kãab-ba n yeele: ‹M na n kɩtame tɩ f buuda kamb zeng ãdsa ne sõore, m na n kõ-b-la tẽns ka tɛka tɩ yɩ b kamb la b yagens pʋɩɩre zamaana fãa sẽn wate.› »

WẼNNAAM SEBRE 2014

¹³ Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

Yikri 32:13 Iomraidhean Croise

Sɩngrẽ 12:2

M na n kɩtame tɩ f buud lebg kãsenga, m na n ning-f-la barka, m na n zẽka f yʋʋre, m na n kɩtame t'a lebg bark yʋʋre.

Sɩngrẽ 12:7

Soaala-Wẽnd lika a Abram n yeel-a: «M na n dɩka tẽn-kãngã n kõ foo ne f buudu.» Dẽ la a Abram me maan-kugr zĩ-kãnga, tɩ Soaala lik-a-la be.

Sɩngrẽ 15:18

Badaare Soaala-Wẽnd yõga zood ne a Abram woto: «M kõta f buuda tẽn-kãnga, sẽn sɩng Ezipt kʋɩlga n digd Efrat kʋɩl-kãsenga.

Sɩngrẽ 15:5

Soaala-Wẽnd talla a Abram n yi yɩnga n yeel-a: «Ges yĩngri, la f sã n tõe bɩ f sõd ãdsã; ade, f buuda neb na n yɩɩ kõn bãng n sõde.»

Sɩngrẽ 15:7

B lɛɛg n yeel-a lame: «Yaa maam, Naaba-Wẽnd, n yiis foo Ur, Kalde tẽnga, n wa kẽes f tẽn-kãnga tɩ f soog-a.»

Sɩngrẽ 17:8

M na n kõo foo ne f kamba tẽnga tõre t'a yɩ f soolem daar fãa, la mam na n yɩɩ yãmb Wẽnde.»

Sɩngrẽ 22:16

«M wẽend ne m menga, fo sẽn maan woto wã yĩnga, fo sẽn pa mong maam f bi-yendã,

Sɩngrẽ 22:17

m na sudg f barka, m na kɩt tɩ f buud lebg wʋsgo, b sõor na ta ãds sẽn be yĩngri la bĩisr sẽn dɩg mogr noore, fo yagensã n na n soog b bɛɛba na-tẽnga.

Sɩngrẽ 24:7

Wẽnd la dũni fãa Soaala yiisa maam m ba zakẽ la m yaab rãmb tẽngẽ, la b kãab-m lame tɩ b na kõ-m kamb la yagens kaanẽ. Dẽ yĩnga b na lʋɩɩs b ned f taoore tɩ f tɩ bao pag beenẽ n wa kõ m biigã.

Sɩngrẽ 48:16

n paas malɛk ninga sẽn fãaga maam yel-pakr buud fãa pʋgẽ, ning kom-kãensa barka! B yɩ maam la a Abraam la a Izaak yʋʋr tẽegre, b wek balbo n pid tẽnga!»

Yikri 13:11

Wẽnnaam sã n wa kẽes foo Kanaã tẽnga wala b sẽn kãab foo ne f yaab rãmba, b sã n wa pids b kãabgã,

Yikri 13:5

Soaala-Wẽnd sã n wa kẽes yãmb Kanaã rãmba, Ititse, Amoritse, Ivitse la Zebuzitsa tẽngẽ, tẽng ning b sẽn kãab y ba rãmba, tẽng sẽn zoet bĩisim la sɩɩdo, y na vẽ ne bur sẽn ning bɩll rɩɩbo, kiuug kãnga pʋgẽ.

Yikri 33:1

Soaala-Wẽnd yeela a Moyiiz: «Loog ne f neba f sẽn yiis Ezipt tẽngã, dɩk sore, yaa tẽnga sore, tẽng ning m sẽn kãab a Abraam, a Izaak la a Zakoob tɩ m na reeg-a n kõ m kamba.

Maan‑kʋʋre 26:42

M na yaool marsã n tẽeg zood ning m sẽn yõg ne a Zakoob, ne a Izaak, ne a Abraam. M kõn yĩm m tẽnga yell ye.

Yaoolem 1:10

Wẽnnaam, y Soaala, kɩtame tɩ y fɩɩge, la rũnna wã y sõora taa yĩngr ãdse.

Yaoolem 7:8

Soaala wilga b kang pãng n yiis yãmb Ezipt tẽng la b yiis-y Ezipt dĩma yembdẽ, yaa b sẽn nong yãmba bala la pids kãabg ning b sẽn kãab y yaab rãmba.

Yaoolem 9:27

Tẽeg-y y tʋʋm-tʋmdba a Abraam, a Izaak la a Zakoob yelle. Yĩm-y nin-bãmba sẽn ka teemd zʋgã, sẽn ka mi Wẽnd waoogrã, yĩm-y b yel-wẽndã.

Ebre rãmba 6:13

Sɩda, Wẽnnaam sẽn waa n na n kãab a Abraam b kãab-noogã, b kong n wẽena ne b menga tɩ ned da ka be sẽn yɩɩd bãmba tɩ b nan wẽen ne yẽ soab ye,