Yikri 28:9 - SEBR SÕNGO

⁹ B na n dɩka kug sĩdma a yi sẽn yãgd wa nin-gɛtga la sẽn ya kẽeg-kẽega la b na n gʋlsa a Israyɛl kamba yʋy b zugu.

WẼNNAAM SEBRE 2014

⁹ Gʋls Israyɛll buudã yʋy onigs kug a yiib zut ne kɩtga.

Yikri 28:9 Iomraidhean Croise

Sɩngrẽ 2:12

Tẽn-kãng sãnema ka naag ne rẽok buug ye; beelẽ tɩɩsa yoosda sũm sẽn tar yũ-noogo; beelẽ kuga me saasa b toore, n pɩnda, n maneg n gʋl-gʋle, miid la kẽese.

1 Kibayã 29:2

M segla m Soaala la m Wẽnnaama roog ne m pãng fãa. Sẽn tog n yɩ sãnem fãa na n dõoga ne sãnem. Sẽn tog n yɩ wanzurf fãa, na n dõoga ne wanzurfu. Sẽn tog n kud ne kut fãa tog n kuda ne kutu. Sẽn tog n dõog ne zũudu na n dõoga ne zũudu. Sẽn tog n maan ne raoog fãa na n yɩɩ raoogo. Kugr sẽn tog n ning zĩig ninga b na ning-a: kug sẽn yãgd b toore, kug-neeba, kug gʋlem-gʋlem, kug sẽn mobgd ne sãnem, t'a lebg faong bũmbu, kug sẽn peel wa goore.

2 Kibayã 2:7

Tʋm Libã tɩ b wa kõ-m ra-sĩdma wa kʋgse, la sɩɩse. M wʋmame tɩ f nebã mii Libã tɩɩsa kɛɛbo. M neba na naag fo nebã n tʋm.

A. Zoobe 28:16

Ofir sãnem ka tõe n dɩk n mak-a ye, tɩ b pa gomd kug neeba buud toɛ-toɛ ye.

Yikri 25:7

kug sẽn moog wa rulg lɛlma, kug neeb sẽn na n tall n zap sãnem-pɛ-m-poore la sãnem-pɛ-m-yãoogo.

Yikri 28:10

Pipi kugra zugu yaa Israyɛl kamba yʋy a yoob la b na n gʋlse. Kugra a yiib soaba zug la b na n gʋls a yooba sẽn kellã, la yaa yʋʋr fãa ne a pʋgdga, wala kamba sẽn pʋg taab rogmẽ.

Yikri 28:20

Rũnug a naas soaba: yirg gelle, rulg lɛlma la bɩrba. Kug bãmb fãa na n zapa ne sãnem.

Yikri 28:36

F na n dõoga ne sãnem yɩlenga bũmb sẽn tar neerem la sẽn wẽnd puugu. Gʋls a zugu ne kut tɩ kẽ, wala kaset gʋlsem la gʋls woto: Welga toor Wẽnd yĩnga.

Yikri 28:8

Peen-disa sẽn tar n loet sãnem-pɛ-m-poorã wʋgda ne gĩs miidu, gĩs mismiidu, gĩs moam yʋs, gĩs peels sẽn dĩng tɩ kẽ, la sẽn naag n sẽ ne-a.

Yikri 31:5

A tõe n peesa kug sẽn yãgd b toore n maan fan teedo, n maneg n ning ned kam a zĩigẽ tɩ sakd gesgo; a tõe n peesa raado; d yeel vugr bala t'a tõe n maana fãa.

Yikri 39:13

Rũnug a naas soaba: yirg gelle, rulg-lɛlma la bɩrba. Kug bãmb fãa zapame n kok ne sãnem.

Yikri 39:6

B peesa kug miid a yiibã tɩ b yãgd b toore, n maneg n mobg-b ne sãnem. Kug miida zug ra gʋlsa a Zakoob kamba yʋy; gʋlsame tɩ kẽ sõma.

A Salmo yɩɩla 8:6

Bas tɩ m yɩ wa makre f sũurẽ, tɩ m yɩ wa makre f kangẽ, tɩ zood yaa pãng soaba wala m ba kũum. To nonglem ka be kabsg ye, A sẽn sog ka le tõe n fãag ye. A bugum ka rɩt n kees ye a zabda wa Wẽnd bugum.

A Ezayi 49:16

Gese Siõ, m gʋlsa foom m nuga pʋga, f tẽnga lalse la m nina karg n getẽ.

Ezekiyɛl 28:13

Fo ra vɩɩ Eden tẽnga, Wẽnd zẽed pʋga. F fuuga ra tisa ne kug neeb buud ka tɛka: kõod-miuugu, kõod-pespele, kẽeg-toenɛɛga, mosmoomde, wõnog kõbgo, peelgo, pɛɛlg fas, birba, mismiuugu. F gãngãada la f wɩɩsã ra bolga sãnem. Te-neeba la fan-teedo la b sɩd segl f yĩnga, f rogma raare.

Zakari 9:16

La badaare, Soaala-Wẽnd na n fãaga b buudu. B na n fãag-a-la wa rũm-kɩɩm sẽn fãagd a rũmsi. Neba na n wẽnega kug neeb sẽn tablg naam pugla, b na n yãga tẽnga rãmb nini.