Yikri 2:11 - SEBR SÕNGO

¹¹ Sẽn waa n beẽ, n beẽ, a Moyiiz yiime na n kaaga a saam-biisã. A yãee tʋʋm tood niyns b sẽn da tʋmna; a yãee Ezipt dao a ye sẽn pãbd a saam-biiga.

WẼNNAAM SEBRE 2014

¹¹ Wakat-kãnga, a Moyiis sẽn wa n lebg bi-kãsenga, a yiime n kẽng n na n tɩ ges a saam-biisã, la a yãnda tʋʋm-wɛglã b sẽn tʋmdã. Yẽnda yãnda Ezɩpt ned a yembr sẽn pãbd Ebre ned sẽn yaa yẽnda saam-biiga.

Yikri 2:11 Iomraidhean Croise

Yikri 1:11

Woto wã b yãka neb sẽn na n ges Israyɛl kamba tʋʋma, neb sẽn na n mao tɩ b yãend far ne tʋʋm-toodo. Ezipt dĩma kɩtame tɩ b me tẽn-bɛd a yi: Pitom la Ramsɛs. Be la b ra bĩngd b te-koosem buud fãa.

Yikri 3:7

Wẽnnaam yeelame: «M yãee neer-neere, m neba sẽn be Ezipt tẽnga nimbãanega. Sẽn get-b tʋʋma kɩtame tɩ b waasdẽ la m tʋbr wʋma b kɛlenga.

Yikri 5:14

B kɩtame tɩ b pãb sɛb gʋlsdba, dĩma sẽn da tũus Israyɛl kamba sʋka; b ra pãbd-b lame la b sokdẽ: Bõe tɩ zaame la rũnna y tãn-koɛɛma sõor pa ta y sẽn da paamd dasem kam?

Yikri 5:4

Dẽ la Ezipt dĩma leok yã: «Yaa bõe la yãmb baooda, Moyiiz ne a Aarõ, n na n sãam neba tʋʋma? Leb-y y tʋʋmnẽ!»

Yikri 5:5

Dĩma le paasame: «Neba sẽn lebg wʋsga la yãmb na n kẽ sʋk n sãam tʋʋma?»

Yikri 5:9

Paas-y b tʋʋmna tɩ b da le paam n vʋʋs ye la b ra le paam vɩʋʋg n gomd zirẽ-be-goam ye.»

Yikri 6:6

Dɩlla f na tɩ yeel Israyɛl kamba: Maam la Naaba-Wẽnde, m na kɩt tɩ y tɩlg ne Ezipt tʋʋm toodã. M na yiis-y yembd pʋgẽ, m na wilg Ezipt tɩ, pipi, yaa mam soolmẽ la a Israyɛl deng n lʋɩ la m na le reeg-a-la ne pãng la rugdu.

Yikri 6:7

Y na lebg mam buud neba la ma me na lebg yãmb Wẽnde la y na bãng tɩ yaa maam, yãmb Wẽnnaam, n kɩt tɩ y tɩlg ne Ezipt tʋʋm toodo.

A Ezayi 58:6

Y ka mi tɩ no-loeer ninga m sẽn data la woto: Y sẽn yõg b rãmb n sẽbe tɩ yaool n ka segdã, lood-y bãmb dãmba wĩ. Sik-y zɩɩb ning y sẽn zɩlg b bãgdã. Yiis-y sẽn tar-b toogo b pɛta pʋga; zãag-y-ba ne yembd buud fãa.

A Matiye Sõng 11:28

Wa-y m nengẽ, yãmb fãa sẽn tar-b pɛta la sẽn zɩt-b zɩɩb n yõrdẽ, tɩ m na yols y fãa.

A Luk Sõng 4:18

«Wẽnd Vʋʋsem bee m zugu, tɩ b zɛɛ maam ne kaam sõngo, tɩ m tɩ togs naong rãmba Koe-noogo; b tʋm-m lame tɩ m moone n wilg yemse tɩ b tɩlga ne yembdo, la zoeense, tɩ b paama nini, la b sẽn tar b rãmb toogã tɩ b leb b zagsẽ ne laafi,