Yikri 18:21 - SEBR SÕNGO

²¹ Ges zãma wã sʋka n bao neba, neb sẽn tar dabaare, neb sẽn zoet Wẽnde, neb sẽn ya pʋ-peen-dãmb n kõ b naam. Kẽer na n dɩɩ naam neb tusr zugu, kẽer neb koabga, kẽer neb pis-nu, kẽer piiga.

WẼNNAAM SEBRE 2014

²¹ Dẽ poore, yãk nin-yẽesens nebã sʋk sẽn zoet Wẽnnaam, la sẽn yaa sɩd dãmba, la sẽn kis zãmb bũmbu. Yãk neb tusr-tusr nanambse, neb koabg-koabg nanambse, neb pis-nunu nanambse, la neb piig-piig nanambse.

Yikri 18:21 Iomraidhean Croise

Sɩngrẽ 22:12

La koɛɛg n yeel-a: «Sõng tɩ f nug ra sɩɩs biiga ye la ra maan-a bũmb ye. Marsã m miime tɩ fo zoeta Wẽnde, fo ka mong-ma f bi-yenda ye.»

Sɩngrẽ 42:18

Da-tãten-daarã, a Zozɛf yeel-b lame: «M zoeta Wẽnde la ad-y sẽn na n maan bũmb ning n pam n põse:

Sɩngrẽ 47:6

Ad Ezipt tẽn-peelem sẽn dɩg f taoore. Kẽes f ba la f kẽem dãmba zĩig ning sẽn tar bʋgsem n yɩɩda. B tɩ kẽ Gosen. Fo sã n mi tɩ neb bee bãmb sʋka n tar yam n yɩɩda, yãk bãmb dãmb tɩ b gũ mam meng rũmsi.»

2 Sãmwɛlle 18:1

A Daviid gilg n gesa neba sẽn da be ne-a wã, a kõ-b-la nanamse, kẽer soo neb tusri, tɩ kẽer so koabga.

2 Sãmwɛlle 23:3

A Zakoob Wẽnnaam yeel-m lame, a Israyɛl Pĩiga togs-m lame: Ned ning sẽn dɩta naam ne zemsgo, sẽn dɩta naam la a zoet Wẽnd nifu,

1 Rĩm-dãmbã 18:12

Bũmb ning sẽn na n yɩ, yaa tɩ maam sã n wa zãag ne yãmba, Soaala-Wẽnd pãnga na n dɩka yãmb n kẽng zĩig a to mam sẽn ka miẽ, dẽ tɩ mam yaool n zoe n togsa a Akab. A sã n bao yãmb be n konge, maam la a kʋda. Y yamba yaool n zoeta Soaala-Wẽnde al a yãadmẽ.

1 Rĩm-dãmbã 18:3

a Akab boola a samand naaba, a Obadiya. Bãng-y t'a Obadiya, yaa ned sẽn da mi Naaba-Wẽnd waoogre.

Esdras 7:25

Sã n yaa foo, Esdras, yik ne yam pidung ning f Wẽnd la f noanga sẽn kõ fooma, n zĩndig bʋ-kaoodba la sɩlem dãmba tɩ b welgd sẽn be b Efrat rʋʋnda yɛla, sẽn mi-b Wẽnnaam noora fãa yɛla la b sõng tɩ sẽn ka mi-b noora wa bãng-a.

A Neemi 5:9

Tɩ m paase: «Y sẽn maanda ka neer ba bilf ye. Y vɩɩm tog n yɩɩ neb sẽn zoet Wẽnd nif vɩɩm, n da wa lebg bu-zẽmba sẽn ya tõnd bɛɛba laad ye.

A Neemi 7:2

M kõ-la m yao a Anani Zerizalɛɛm gũudem, n kõ a Ananiya tãnsoben-zaka gũudem. M pʋg ra pɛɛla ne-a, tɩ ned da ka zoet Soaala-Wẽnd wa a Ananiya ye.

A. Zoobe 1:1

Ned n da be Us tẽnga, t'a yʋʋr boond t'a Zoob. A ra yaa nin-tɩrga, ned sẽn ka tar a toorẽ yelle, n zoet Wẽnd la a zãagd a meng ne wẽnga.

A. Zoobe 29:16

M da yaa nimbãan-dãmba ba, maam n da wegsd sãan yɛla n fãagd-a bʋʋd zĩigẽ.

A. Zoobe 31:13

Mam sã n maana no-koeemde ne m dakõapa n tol n mong bi-ribla bɩ bi-pugla b sẽn da tog n paame,

Yɩɩn‑sõamyã 15:1

Yaa a Daviid yɩɩlle. Soaala, ãnda la y na n deeg y zakẽ? Ãnda n na n pa y tãn-sõnga zugu?

Yɩɩn‑sõamyã 15:5

A ka pengde n wa reeg roaglg ye, a ka reegd lagfo n bõn ned sẽn ka tar yell ye. Ned ninga sẽn vɩ-a woto vigla wa pĩiga.

Yikri 17:9

A Moyiiz yeela a Zozuwe: «Bao neb tɩ y yik beoog n tɩ zab ne a Amalɛk. M na dʋʋ n yalsa tãnga zugu la Wẽnd dasaara la m na n zã m nugẽ.»

Yikri 18:25

A tũusa Israyɛl kamb sʋka neb sẽn tar dabaare la a kõ-b-la naam, naam sẽn dɩt neb tusri zugu, bɩ neb koabga, bɩ neb pis-nu, bɩ neb piig zugu.

Yelbũna 28:2

Tẽng rãmb sã n zẽk b zugu ne b naaba, nanamsa lebgda kʋʋngo. Naaba sã n tar yam la bãngre, bũmb fãa lebda a zĩigẽ.

Kowelɛt 12:13

Goama tɛk yɩ woto. D zems taab zãnga. Zoe Wẽnd nifu la f tũ b noore tɩ rẽ la ninsaal fãa tʋʋm-pakre.

A Ezayi 16:5

wakat kãnga, f nonglma yĩnga, naam zaoor la b na n le maneg n vigl zaoor sẽn tar pãnga, sẽn na n kaoos, a Daviid sɩmannẽ, a Daviid yagenga yĩnga. A na n yɩɩ bʋ-kaooda la bũmba fãa na n tũu sɩd la zemsgo.»

A Ezayi 33:15

Yaa sẽn mi a zemsgo, sẽn togsda sɩda, sẽn ka nonga wagdem, sẽn vẽsda a nugu n pa rat n bas tɩ b kõ-a ligdi tɩ bʋʋda tũ rẽ n golme, sẽn ka kelgda zɩɩm na raag goama, sẽn ka rata wẽng gesgo n mumd a nini.

A Ezayi 59:4

Bʋʋd zĩigẽ, y wata ne yɛl sẽn pa sɩda. Ned ba a ye pa gomd ne pʋ-peelem ye, y sẽn lʋɩɩsd taoora yaa yɛl-faado, y sẽn gomd n na n yiis y meng yellẽ wã yaa gom-vɩɩd zãnga; y raaba yaa sãoong raab bala, y sẽn na n tõog n wa ne bũmb ning yaa yel-beedo.

Zeremi 5:1

Zoe-y n saag-y Zerizalɛɛm, ges-y neere, sa-y n sogs-y, gilg-y raasã n gese y na yãend ned sẽn tũud so tɩrga, ned sẽn baood sɩda? Y sã n yãend nin-yend menga m na maan sugri ne Zerizalɛɛm. Maan n yeele, maam, Naaba-Wẽnde.

Ezekiyɛl 18:8

A ka pengd ligdi n na n dok yõodo ne zãmb ye; a pʋs n ka rat kegre baa bilfu, n bʋʋd bʋʋd tɩrse; a togsda-sɩda.

Ezekiyɛl 22:12

Fo nengẽ b reegda ligd n daagd zɩɩm, fo pengda ligdi n deegd roaglse, n deegd roaglg tɩ loogdẽ. F maanda f taab pãn-tõogo, n deegd b laogo. La maam, Naaba-Wẽnde, b yĩmda maam zãnga. Yaa woto la m sẽn ne.

Zakari 7:9

«Ad m sẽn da gomd n yet tɩ y maan gũusg ne bũmb ninga la woto: Kao-y bʋʋd ne sɩda la y vɩɩnd vɩɩm sẽn pid ne bʋgsem la nimbãan-zoeere, ãnkam fãa ne a saam-biiga.

Zakari 8:16

Ad yãmb sẽn tog n maan bũmb ninga: Togs-y taab sɩda, kao-y zemsg bʋʋdo, laafi bʋʋdo.

Sõadga 1:16

Bãmb la b tũus yã tɩ b lʋɩ b ba rooga kamb taoore, bãmb ned kam fãa da soo neb tus wɛɛla.

Sõadga 1:4

Buud fãa na n yãka kãsem a ye n kõ-y tɩ b sõng yã.

Sõadga 10:4

Sã n ya tõntõog a ye bala n peebe, ya b sẽn yãk b rãmb tɩ b lʋɩ tãb-biis tusr taoorã n tigimd fo sɛɛgẽ.

A Luk Sõng 18:2

«Bʋʋd soab n da be tẽnga pʋgẽ n pa zoet Wẽnde, n pa mi ned waoogr ye.

A Luk Sõng 18:4

A zãgsame tɩ kaoos la a yaool n wa yeela a sũurẽ: ‹Ba m pa zoet Wẽnd, tɩ m toog ka be ne neb me,

Tʋʋma 20:33

M ka tʋlg yãmb ned ba a ye wanzurf bɩ a sãnem, bɩ a fuug ye.

Tʋʋma 6:3

Ges-y yãmb sʋka n yãk neb a yopoe sẽn tar yʋ-noogo, tɩ Wẽnd me pids-b ne a Vʋʋsem Sõng vẽenem, tɩ d kõ-b tʋʋmd kãnga.»

Yaoolem 22:18

Dẽ wã nin-kẽemsa na n yõka paga sɩda n sɩbg-a.

1 Tɩmote 3:3

A ra yɩ rã-yũuda bɩ mo-be-neda, a yɩ nin-noanga, nin-bʋgsgo, ned sẽn ka baood zaba, ned yam sẽn lak ne ligdi.

Zozuwe 22:14

N paas buud kãsem-dãmb piiga, nin-yend sẽn tũus tus-wɛɛl sʋka;

1 Sãmwɛlle 8:12

A na n yãk-b lame tɩ b yɩ neb tusri, neb pis-nu nanamse, tɩ b ko a pʋʋgã, n tigs a tigsgã, n kud a zab teedã la b zap a wiida fan-teedã.

1 Sãmwɛlle 8:3

A Samwɛl kambã pa rɩk b ba nao ye. B ra nonga arzɛgs tɩ looge, bãmb da reegda neb kũuni, n pa kaood bʋʋd ne sɩd ye.