Yikri 16:3 - SEBR SÕNGO

³ B yeel-b lame: «Bõe tɩ y ka bas tɩ Soaala-Wẽnd kʋ tõnd Ezipt tẽnga, nemda rʋgd sẽn da waa n dɩg d taoore tɩ d kaood burã d yam? Bõe tɩ yamb tall zãma a woto fãa n wa zĩ-peen-daagẽ tɩ kom na n kʋ-ba?»

WẼNNAAM SEBRE 2014

³ Israyɛll nebã yeela bãmb yaa: «Sẽn-Ka-Saab sã n dag n kʋẽ tõnd Ezɩpt tẽngã wakat ning tõnd sẽn dag n ket n zĩ nemdã rʋgd sɛɛgẽ, la tõnd sẽn dag n dɩt n tɩgdã n são! Bala, yãmb sẽn tall tõnd n wa we-ra-kãngã pʋgẽ wã yaa sẽn na n yɩlẽ tɩ kom kʋ kʋʋn-kãngã fãa!»

Yikri 16:3 Iomraidhean Croise

A. Zoobe 3:1

A Zoob waa n yaaga a noore n na n kãab a rogma raar beedo.

A. Zoobe 3:10

La rẽ yaa a sẽn ka maan bũmbu n gɩdg m waoong dũni pʋgẽ, n gɩdg nimbãaneg ning sẽn yaa m dẽnd dũnna wã.

A. Zoobe 3:20

Vɩɩma kõta sẽn namsda bõe yĩnga? Sẽn tar-a tooga reegd-a-la bõe yĩnga?

Yɩɩn‑sõamyã 107:5

Kom la ko-yũud n da kʋʋd-ba.

Yɩɩn‑sõamyã 78:19

B guglma ne Wẽnde, la ad-b sẽn yeele: «D ges Wẽnd sã n tõe n kõ-d-la rɩɩb we-raoogẽ.

Yɩɩn‑sõamyã 78:25

Woto ned kam fãa paama yĩngr dãmba dɩɩb n dɩ. B kõ-b lame tɩ b rɩ n tɩge.

Yikri 14:11

B yeela a Moyiiz: «Yaad n sɛ Ezipt tẽng bɩ bõe tɩ f tall-d tɩ d wa ki we-raoogẽ? Ezipt tẽng yiiba yõoda la bʋgo?

Yikri 17:3

Ko-yũuda sẽn da zabd-b yĩnga, b kell n guglma ne a Moyiiz n yetẽ: «Bõe tɩ f yiis-d Ezipt tẽnga? F ratame tɩ ko-yũud kʋ tõnd ne d kamb la d rũms laa?»

Yikri 2:23

Sẽn waa n beẽ, Ezipt dĩma kiime. A Israyɛl kamb waa n yɛɛ ne b yembdã la b kelmame, la b koɛɛg taa Naaba-Wẽnd.

Yikri 5:21

La b yeel-b lame: «Bɩ Soaala ges y sẽn maana la b ning-y taale. Yãmb kɩtame tɩ dĩma ne a poorẽ dãmb maand beem ne tõndo; yaa wa y rɩka sʋʋg n ning b nugẽ tɩ b kʋ tõndo.»

Zeremi 2:6

B ka sok lɛ-lɛ: ‹Soaala-Wẽnd bee yɛ? Bãmb n yiis tõnd Ezipt tẽngã, n yɩ d sɩleto zĩ-pɛɛlẽ, tẽn-koɛɛngẽ, lond la lik tẽnga, tẽng ned sẽn ka pɩʋʋgde, tẽng ned ba a ye sẽn ka tiid n kẽedẽ.›

Zeremi 42:14

yãmb sã n yeele: ya Ezipt tẽnga la tõnd na n kẽnge, beene, tõnd ka na n leb n yãe tãp ye, tõnd ka na n leb n wʋm zabr baorg peebg ye, la bur kõn le paoog tõnd ye, ya be la tõnd dat n zĩndi!

Zeremi 44:17

Tõnd na n kell n maana tõnd sẽn da kãabe. D na n waa ne tɩdare la rãam n kõ a Astarte, yĩngr dĩm-poakã, wala d sẽn da maan n tãag rũnna, tõndo wala d ba rãmba, d dĩm dãmba, d kug-zĩidba, Zɩɩda tẽnsẽ la Zerizalɛɛm soya zutu. Wakat kãng tɩ d da rɩtame tɩ seke, d zug ra yaa noogo, yel-beed da ka pʋgd-d ye.

Kʋʋr yɩɩla 4:9

Sẽn ki-b kũ-miuuga são sẽn ki-b koma! B são sẽn ki-b rɩɩb kaalem yĩnga!

Sõadga 11:15

Y sã n na n zã m vɩɩma woto, ad-y m sẽn kiid n são. Y sã n maan-m-la yardo bɩ yell a woto buud da le lʋɩ m zug ye.»

Sõadga 11:20

na n yɩɩ kiuug tõre t'a wa yit y yõe bogdẽ, t'a yʋʋr sã n pʋde bɩ y rat n wʋbe. Na n yɩɩ boto tɩ y basa Soaala kɛɛnga la bãmb yaool n be-la y sʋka. Na n yɩɩ boto tɩ y saag n yeelame: Bõe yĩng tɩ y pʋs n yiis-d Ezipt tẽnga?› »

Sõadga 14:2

Israyɛl kamba fãa yeelame tɩ b kõn deeg a Moyiiz la Aarõ noor ye. Ad-b sẽn yeele: «D sã da paamẽ n kiẽ Ezipt tẽnga! Ka rẽnd bɩ zĩ-peen-daagẽ wã!

Sõadga 14:3

Bõe tɩ Soaala kẽes-d sʋʋs sẽn koot tẽngẽ? D pagb la d kamb na n yõg n kẽesa yembdo, d kõn maan d meng neere n leb Ezipt tẽng sɩda?»

Sõadga 16:13

Pa sek foo tɩ f zãag-d ne tẽng sẽn da lengd ne bĩisim la sɩɩdo n na n tɩ kʋ-d we-raoogẽ? Bõe tɩ f rat n yɩ d taoor soaba?

Sõadga 21:5

B sɩngame n na n wɩd Soaala-Wẽnd la a Moyiiz. B ra gomda woto: «Pʋs n yaa bõe yĩng la y yiis tõnd Ezipt tẽnga? Ka y sẽn dat tɩ d pa zĩ-peen-daagẽ wã bal laa! Bur ka be ka, koom ka be ka la d yam yaa n yii ne nimbãan-dɩɩbã!»

Tʋʋma 26:29

T'a Pol yeele: «Kella bilf bɩ wʋsgo, Wẽnd na sõng dĩma Agripa la yãmb fãa sẽn kelgb maam dũnna wã, tɩ y wa lebg m sẽn yaa soabã, m bãeensa toog sẽn yãke.»

1 Korẽnt rãmba 4:8

Yãmb yaa neb sẽn zoe n tɩge, sẽn zoe n lebg arzɛk rãmba; y zoe n lebga dĩm dãmb tɩ ka tũ ne tõnd tʋʋmde. D zug kõn yɩẽ noogo y sã sɩd lebgẽ la rĩm dãmba, tɩ d naag-y n dɩtẽ naam?

2 Korẽnt rãmba 11:1

Y sã n tõe n sak tɩ m maan wa gãeeng bɩ y sak waare!

Yaoolem 28:67

Yibeoogo f na n yeela f menga: ‹M nongẽ lame tɩ zĩiga zoe n sobgẽ!› La f tata zaabr n maanẽ: ‹M nongẽ lame tɩ zĩiga zoe n yẽegẽ!› F sẽn ne bũmb ning n tar gesgã n na n kiuus f sũurã.

Yaoolem 8:3

Soaala-Wẽnd kẽes-f-la naongo, n gãneg-f kom, n dɩlg-f ne man, rɩɩb foo ne f ba-rãmb sẽn da zɩ n dɩ ye. B tʋlgame tɩ f bãng tɩ ninsaal ka rɩlgd a meng vɩɩm ne bur bal ye, a rɩlgd-a la ne bũmb ning fãa sẽn yit Wẽnnaam noorẽ.

Zozuwe 7:7

A Zozuwe ra yetame: «Kato, Soaala-Wẽnde, bõe yĩng la yãmb bas y nebã tɩ b rʋʋg Zʋrdẽ n na n lʋɩ Amoritsa nugẽ, n ki? Tõnd n kos n na n kẽe Zʋrdẽ rʋʋnd bɩ?