Yikri 15:26 - SEBR SÕNGO

²⁶ «Fo sã n kelg Wẽnd gomde, fo sã n maan sẽn ya neer b nifẽ, fo sã n deeg b noya, fo sã n maan b raabo, m kõn sak tɩ yel-beed niyns sẽn nams Ezipt rãmba ta foo ye, tɩ maam, Naaba-Wẽnd, la bãag fãa tɩɩm.»

WẼNNAAM SEBRE 2014

²⁶ Sẽn-Ka-Saab yeelame: «Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, yãmb sã n maan sẽn tat bãmb yam, yãmb sã n yok y tʋb n kelg bãmb noyã, la y sã n sak bãmb no-tũudsã fãa, mam kõn lobg yãmb ne bãas nins fãa mam sẽn lobg Ezɩpt nebã ba a yembr ye. Bala, mam yaa Sẽn-Ka-Saab sẽn maagd yãmba.»

Yikri 15:26 Iomraidhean Croise

1 Rĩm-dãmbã 11:33

Yaa a Salomo ne Israyɛl sẽn bas maama, n tɩ wõgend a Astarte taoore, Sidõ rãmb wẽn-poaka, n tɩ wõgemd a Kemos taoore, Moabitsa wẽnde, n tɩ wõgemd a Milkom taoore, Amonitsa wẽnde; yaa Salomo sẽn ka tũ sor ning m sẽn wilg-a, yaa a sẽn ka maan neer m nifẽ, n ka reeg m noya la m saglse wala a ba, a Daviid.

1 Rĩm-dãmbã 11:38

F sã n deeg m sẽn na n togs-f bũmb ning fãa, f sã n tũ sore, n maan sẽn ya neer m nifẽ, n deeg m noor la m saglse wala m sõgna a Daviid sẽn maane, mam me na pa ne foom, la m kãabdame tɩ f yagens na rɩ naam daar fãa, wala a Daviid yagensã. M na kõ foom a Israyɛl sags piigã.

2 Rĩm-dãmba 2:21

Tɩ b tall n wa. A Elize kẽnga kooma sẽn da bund zĩig ninga, n yãk yamsem n lob koomẽ wã n yeele:

2 Rĩm-dãmba 20:5

«Lebg n tɩ yeel woto a Ezekiyas, mam buuda naaba: ‹Ad Naaba-Wẽnd, f saamba a Daviid Wẽnda, gomde: M wʋma f pʋʋsgo; m yãenda f nintãm; mam na n sãoog-f lame, ka la dasem a tã fo na n kẽnga wẽnd doogẽ.

2 Rĩm-dãmba 22:2

A maana sẽn ta Soaala-Wẽnd yam la a togsa a saamba a Daviid manesem fãa, n pa bʋdg rɩtgo, n pa bʋdg goabga.

A. Zoobe 5:18

Wẽnd n wat ne toogo la b wat ne pemsem, bãmb n kaoogd ne b nus n lɛɛg n wobge.

Yɩɩn‑sõamyã 103:3

Yaa Soaala n kõ-f yel-wẽnda sugri, yaa bãmb n sãoog f bãasa zãnga.

Yɩɩn‑sõamyã 147:3

Sũ-sãang sẽn da tar b rãmb nintãma yẽesame, b noada la b sãmpoag maagame.

Yɩɩn‑sõamyã 81:9

M buudu, kelg-ma, tɩ m tara bũmb n na n wilg-fu, la fo sã n da tõe bɩ f kelgẽ, Israyɛl!

Yikri 12:29

Yʋn-sʋka, Soaala-Wẽnd kʋʋ sẽn yaa bi-rẽeng fãa Ezipt tẽnga: dĩma bi-rẽeng sẽn da na n led a ba a zaoorẽ, wala yem-daada kom-dẽems. Yɩɩ woto me ne rũmsã.

Yikri 19:5

Marsã, yãmb sã n deeg m noore, y sa n sak m zoodã, m na ges-y wala m kamba, dũni wã pʋgẽ, la dũni wã, maam n so-a zãnga.

Yikri 19:6

M na ges-y wa maan-kʋʋdb buudu, wala buud sẽn welg toor mam yĩnga. Yaa woto la f na n togs Israyɛl kamba.»

Yikri 20:2

«Yaa maam, f Soaala, n yiis foo Ezipt tẽnga, f yembd tẽnga.

Yikri 23:25

Yaa f Soaala la f Wẽndã la f na n waoog wa sẽn segde. Sã n yɩ woto, f sẽn dɩt la f sẽn yũud na paam barka la m na zãag-f ne bãaga.

A Ezayi 55:3

Kelg-y neere, wa-y mam nengẽ! Kelg-y tɩ y na vɩɩnde! Ad-y yaa Soaala n gomde: «Yaa zood sẽn kõn sɛ la m na n yõg ne yãmba. A Daviid sẽn paam kũun niynsa la m na n kõ yã.

A Ezayi 57:18

M mi-la a Israyɛl tʋʋm wẽnsã la ne rẽ fãa, ad-m sẽn na n maane: M na sãoog-a lame, m na n wilg-a-la sore, m na maasa a kamba sũuri:

Zeremi 11:7

M goma naoor yak ne y yaab rãmbã, m sẽn yiis-b Ezipt tẽnga wakato la m ket n tara yãmb dɩdgre dũnna, n kot-y tɩ y kelg-ma.

Zeremi 17:24

Yãmba, b kamba,- yaa Soaala n gomde — yãmb sã n kelg-m neere, vʋʋsga raare, y sã n ka sak tɩ b tʋk zɩɩbo, zɩɩb buud ba a ye, n tũ tẽn-kãnga dignoya n kẽ, tɩ daara yaa m daare la y kõn tʋm tʋʋmd buud ba a ye,

Zeremi 30:17

B boonda foom tɩ nin-faoogo, b boonda foo, Siõ tɩ ned ba a ye toog sẽn ka be ne a soaba; kelge, m na n sãooga f sãmpogrã. Soaala-Wẽnd n gome!

Zeremi 33:6

Ad-m sẽn le yik n wat n na n tɩp-ba wala b sẽn tɩpd ned sẽn paam sãmpogre. B na n sãoogame, b na n le paama laafi, m na n kɩtame tɩ tẽnga le zĩnd laafi la a tɩlg rabeem buud fãa.

Zeremi 7:23

Ad mam sẽn da kõ bãmb noor ninga: «Kelg-y mam koɛɛga tɩ m yɩ yãmb Wẽnde, tɩ yãmb yɩ m neba. Tũ-y sor ninga mam sẽn wilg yãmba tɩ y na paam sũ-noogo.»

Zeremi 8:22

Tɩɩm ka leb n be Galaad yɛs laa? Tɩpd ba a ye menga ka le be be laa? Bõe yĩnga tɩ m buuda bãag ka sãoogdẽ?

Ezekiyɛl 18:5

D dɩk makre: nin-kãnga yaa nin-tɩrga, n tũud sɩd la zemsgo.

A Ooze 11:3

Yaool n da yaa maam n zãms a Efrayim kẽna, m da rɩkd-a m nusẽ la a pa tẽeg tɩ maam n da get a yell ye.

A Ooze 6:1

Y gomda woto: «Wa-y tɩ d leb Wẽnd nengẽ. Sãmpogra yaa bãmb sãmpogre, la b na le sãoog-d lame; b sɩbg-d lame la b na n loe-la d noadã.

Maan‑kʋʋre 26:13

Yaa maam la yãmb Wẽnnaam; maam n yiis yãmb Ezipt tẽnga tɩ y ra yɩ be yem-daad ye. M kɩtame tɩ y lub y zɩɩbã n kẽnd marsã ne yẽesem.

Maan‑kʋʋre 26:3

Y sa n vɩ wala m sẽn wilg yã, n deeg m noya y pʋ-tẽerẽ la y manesem pʋgẽ,

Sõadga 12:13

A Moyiiz pʋʋsa Soaala-Wẽnd woto: «Soaala, kõ-y yã a Miriyam laafi!»

Yaoolem 12:25

Da rɩ zɩɩm ye, woto f sũur na yɩ noogo, foo la f kamba, fo loogr poore, la rẽ yaa f sã n tũud so tɩrg Soaala-Wẽnd taoore.

Yaoolem 12:28

Kelg la f reeg m sẽn kõt-f noy niynsa fãa. Woto f na paam sũ-noogo daar fãa. F kamba me na paam sũ-noogo, fo loogr poore, f sẽn maan neere la f kẽn tɩrg f Soaala taoora yĩnga.

Yaoolem 13:18

F nug ra sɩɩs fɩ: b kãaba tẽnga beedo. Woto la Soaala sũur na n maage, tɩ f rɩ b nonglma kaseto la f lebg tẽn-kãsenga, wala Wẽnd sẽn kãab f yaab rãmba.

Yaoolem 28:27

Ezipt yũya la a nod-tãodsã la y na n bẽ, n paas gɛnda la zagengo sẽn ka tõe n tɩp ye.

Yaoolem 28:58

F sã n ka modg n tũ noorã wala a sẽn gʋls sebr kãnga pʋga, la f zoe Wẽnnaam, f Soaala, n zoe b yʋʋra sẽn yɛɛsd la sẽn kẽesd dabeem,

Yaoolem 28:60

B sẽn na n le wa buk f poor bãas niynsã, yaa Ezipt bã-wendã.

Yaoolem 32:39

Ges-y la y reege, ad-y yaa maam bal n tõe n fãage. Wẽnd a to ka paas ye, yaa maam la maam m ye tãa, wẽnd sãang ka wa naag ye, maam n kʋʋd la m vʋʋgdẽ, sẽn kaooge, maam n lebd n tonge, b kõn fãsg bũmb m nugẽ ye.

Yaoolem 5:1

A Moyiiz tigma a Israyɛl gilli n yeel-a: «Israyɛl kelge, ad sẽn lʋɩ f tʋbrẽ dũnna wã yaa noya la rog-n-mik f sẽn na n tũ. Y na n zãms-b lame la y modg n tũ-ba.

Yaoolem 7:15

Y Wẽnnaama na n zãag-y-la ne bãas buud fãa, ne bã-toos niyns y sẽn da bẽed Ezipt tẽng n ket n tẽrẽ. Y kõn bẽ bã-kãens ye, tɩ b na n yaool fẽeg-b sẽn kis-b yãmbã.