Yikri 15:20 - SEBR SÕNGO

²⁰ Bãngd poaka, a Miriyam, a Aarõ tão, yika ne a gãngão-gilga. Pagb a taaba me yika ne b rẽnda n sigl saooga,

WẼNNAAM SEBRE 2014

²⁰ La no-rɛɛs-poak a Miryam sẽn yaa a Aarõ tão wã rɩka sɩlsãka, la pagbã fãa yii n pʋgla yẽnda n wẽ sɩlsãgs n sao.

Yikri 15:20 Iomraidhean Croise

Sɩngrẽ 31:27

Bõe yĩng la fo tudg maam n soos n zoe; m sã n da bãngẽ m na yãagẽ foo ne sũ-noogo, ne yɩɩla, ne gãngão-gilsi la pɛndga.

2 Sãmwɛlle 1:20

Da togs-y rẽ Gat tẽng ye, da moon-y kibarã Askalõ tɩ Filisti kom-pugli wã wa noogd b sũur ye, tɩ nin-dẽgda kamb wa kɩdemd n langdẽ ye.

2 Sãmwɛlle 6:14

Dĩma a Daviid da saooda ne a pãng tɛka, Soaala taoore, a ra yera maan-kʋʋdba fu-bil-pɛɛlgã.

2 Sãmwɛlle 6:16

Kuga walsa koglg sẽn ya Wẽnd zood kasetã sẽn waa n kẽed a Daviid na-tẽnga, a Sol bi-puglã, a Mikal, lɩka võorẽ n getẽ: la a yãee dĩma a Daviid sẽn yɩgd la a wẽnegd Soaala-Wẽnd taoore; la a sãbs-a-la a sũurẽ.

2 Sãmwɛlle 6:5

A Daviid ne a Israyɛl roog rãmba fãa da reemda koglga taoore ne yʋʋm teed buud fãa: duudsi, koala, pendse, gãngãado, kɛma.

2 Rĩm-dãmba 22:14

Maan-kʋʋd, a Ilkiya, n paas a Ayikam, a Akbor, a Safã la a Asaya kẽnga bãngd poaka a Ulda nengẽ. Yaa a Salum paga la yẽ n da gũud futã. A Salum da yaa a Tikwa biiga, a Aras yagenga. Paga ra bee Zerizalɛɛm, Kẽedpaoolgo. B togsa paga kibara zãnga.

1 Kibayã 15:16

A Daviid yeela Levitsa nanamse, tɩ b yals yʋʋmba, b zĩisẽ ne b yʋʋm teedo la b wilg b sũ-noogo. B zodg yɩɩla, tɩ ruudsa wãagdẽ, tɩ koala la kɛm wẽedẽ, tɩ zĩig fãa wulumd ne noogo.

1 Kibayã 6:3

A Keyat kamba: a Amram, a Isar, a Ebrõ, a Uziyɛl.

A Neemi 6:14

Tẽeg-y-yã, Soaala, a Tobiya la a Sanebalat yelle, da yĩm-y-yã b sẽn maana ye. Tẽeg-y bãngd-poak a Noadiya yelle, da yĩm-y bãngdba taaba me sẽn da rat n kẽes-m dabeema ye!

Yɩɩn‑sõamyã 149:3

Sigl-y saoog n pẽg bãmba, tĩng-y gãngãoogo, wãag-y ruudsi.

Yɩɩn‑sõamyã 150:4

D pẽg-b ne gãngãoog la saooga, d pẽg-b ne kʋnd la wɩɩse.

Yɩɩn‑sõamyã 30:11

Kelg-y-ma, Soaala, zoe-y m nimbãanega! Zoe-y n wa sõng-y-ma.

Yɩɩn‑sõamyã 68:11

Yaa be la y zĩndg y buudã, yaa zĩ-kãng la y nonglma ra segl n bĩng naong soaba.

Yɩɩn‑sõamyã 68:25

Wẽnnaam, Adem biisa yãenda y neba sẽn tonge, m Wẽnd la m dĩma neb sẽn tong y do-sõnga pʋga.

Yɩɩn‑sõamyã 68:26

Yɩɩn-yɩɩndba n be taoore, tɩ yʋʋm teeda rãmb be poorẽ, tẽnsʋk yaa kom-pugli wã, kom-pugli niyns sẽn wẽed gãngão-gilsã.

Yɩɩn‑sõamyã 81:2

Kaas-y sũ-noog Soaala yĩnga: bãmb la d pãnga. D kils a Zakoob Wẽndã.

Yikri 2:4

Biiga tão soosame n lamdeg yɩɩga n na n ges yella sẽn na n baas to-to.

Kowelɛt 3:4

Yãbr ne a wakat, laad ne a wakat, kʋʋr kɛleng ne a wakat, saoog ne a wakat.

Zeremi 31:4

Israyɛl, m pʋg-nongre f na n le yik n yalsa f nao zutu, f na le tõog n dɩk f gãngão-gilga f me lagem sẽn saood-b ne sũ-noogã.

A Miise 6:4

Yaa m sẽn yiis-y Ezipt tẽnga, n yiis-y yembdẽ n tʋm a Moyiiz, a Aarõ la a Miriyam tɩ b lʋɩ yãmb taoora bɩ bõe?

Sõadga 12:1

A Miriyam ne a Aarõ guglma ne a Moyiiz, a paga sẽn da ka Israyɛl poaka yĩnga. A Moyiiz ra kẽe kãadem ne Kusitga.

Sõadga 12:2

B ra yeta woto: «Yaa ne a Moyiiz bal la Soaala-Wẽnd gom yã, bɩ b goma ne tõnd me.» Wɩdga lʋɩ Soaala-Wẽnd tʋbrẽ.

Sõadga 20:1

Yaa pipi kiuugã la a Israyɛl kamba ta Sin zĩ-peen-daagẽ. B wẽ b sika Kadɛs. Be la a Miriyam maan kaalem la be me la b mum-a.

Sõadga 26:59

A Amram paga ra boondame tɩ Zokbɛd; a yaa a Levi bi-pugla a sẽn dog Ezipt. Yaa ne a paga a Zokbɛd, la a Amram doga a Aarõ, a Moyiiz la b tão a Miriyam.

A Luk Sõng 2:36

Bãngd poak a ye me n da be be, a An, a Fanuwɛl biiga, a Azɛr buudẽ; a ra kʋʋla wʋsgo; a sẽn yi kãadem a pʋg-sademnẽ, a zĩnda ne a sɩda yʋʋm a yopoe bala,

Tʋʋma 21:9

A ra tara kom-pugli a naas sẽn nan pa kul sɩdb ye la sẽn da gomd bãngr goama.

1 Korẽnt rãmba 11:5

La sã n ya pag n pʋʋsde bɩ a togsda Wẽnd goama t'a zug ka teeg bũmbu, yẽ me paoogda a zu-soaba. Yaa wala a sã n da põnga a zuga koeelle.

1 Korẽnt rãmba 14:34

bɩ pagba ra yaag b noor ye. B ka tar sor n gom ye; bãmb sẽn tõe yaa sakr bala, la Noorã n dat rẽ.

Bʋ-kaoodba 11:34

A Zɛfte sẽn wa n lɛɛg n wat Mispa, a tẽngẽ, yaa yẽ meng bi-pugl n yi n seg-a ne gãngãoog bila la a saoodẽ. Da yaa a bi-yende, a ka paam biig a to, pag bɩ raoa sã ka yẽnda a ye tãa.

Bʋ-kaoodba 21:21

Maan-y gũusgu la y sã n wa yãe Silo kom-pugli tɩ b yit n na n sao, bɩ y yi, y sẽn solgẽ wã. Ned kam fãa yõk a paga n leb Bẽnzame tẽn-peelmẽ.

Bʋ-kaoodba 4:4

Wakat kãng tɩ bãngd poak, a Debora, a Lapidot paga n da so Israyɛl kãsengo.

1 Sãmwɛlle 10:5

F sã n yõsg be, f na n taa Wẽnd tãnga, Filisti rãmba sẽn ning b toaaga kugra zĩig ningã. Tẽnga pʋgẽ fo na n sega bãngdba sẽn yit maoonga zĩigẽ n watẽ, tɩ neb lʋɩ b taoore ne kʋnde la gãngãoog, la wɩɩs la pɛndga, tɩ bãmb meng wɩlemd bãngr goama.

1 Sãmwɛlle 18:6

A Daviid sẽn wa n kʋ Filisti rãmba nin-daoogã n lɛɛg n wa, pagba fãa yii Israyɛl tẽnsa fãa n wa seg a Sol, n zodgd yɩɩla, n pãbd gãngãado, la b wẽed kɛma n saoodẽ la b kilsdẽ.