Yikri 12:12 - SEBR SÕNGO

¹² Yʋn-kãnga m na n pɩʋʋga Ezipt tẽnga, m na n kʋʋ bõn-dẽemsa fãa sẽn be Ezipt tẽnga: ninsaalba wala rũmsi. Woto m na rok m sũuri ne Ezipt wẽn-naandsa fãa. Yaa maam, Naaba-Wẽnd, n gome.

WẼNNAAM SEBRE 2014

¹² Badaar yʋngo, mam na n pɩʋʋga Ezɩpt tẽngã, la m na n kʋʋ Ezɩpt kom-dẽemsã fãa kɛpɩ, sẽn sɩng ne ninsaalbã tɩ ta rũmsã, la mam na n sɩbga Ezɩpt wẽnnaam-dãmbã fãa. Mam yaa Sẽn-Ka-Saabo.

Yikri 12:12 Iomraidhean Croise

1 Kibayã 14:12

La zĩ-kãnga Filisti rãmba zoeeme n bas b wẽn-naandsã la a Daviid yeelame: «B yõog b fãa bugum!»

Yɩɩn‑sõamyã 135:8

Soaala zẽka b nug Ezipt tẽnga, t'a kom-dẽemsa na n loog zãnga, rũmsa kamba wala rĩm biisi.

Yɩɩn‑sõamyã 82:1

A Asaf yɩɩlle. Wẽnd dʋ-la b zaoore la malɛgsa sʋka b sɩngame n na n bʋ bʋʋdo.

Yɩɩn‑sõamyã 82:6

M togsda sɩda, y yaa wẽn-bi, y zãng yaa Yĩngr Wẽnda kamba.

Yɩɩn‑sõamyã 91:7

Ba neb tusr lʋɩt f sɛɛgẽ, tɩ tus-piig lʋɩt f rɩtgo, bũmb kõn maan-f ye.

Yɩɩn‑sõamyã 95:3

Soaala la Wẽnd kãsengã, bãmb la dĩm kãsenga, wẽn-naandsa sura b taoore.

Yikri 12:23

Wotone Soaala-Wẽnd sã n wa saagd Ezipt tẽng n na n kʋ, b sã n yãe zaka t'a rignoora la ra-lugsã bola ne zɩɩm, b na looge n ka kẽ yi-kãng pʋg ye, la kũum kõn ki y zagsẽ ye.

Yikri 18:11

Marsã m miime tɩ Israyɛl Wẽnnaam n yɩɩd Ezipt wẽn-naandsã ne pãnga, ba wẽn-naandsa sũra sẽn waa n puug zãng ne a Israyɛl.»

Yikri 21:6

a zu-soaba leokdame t'a basa yella ne Wẽnde, a na n yalsa yambã n pẽneg a roog kʋɩlenga bɩ a lugri. A na n dɩka pĩim n vʋdg yem-daoogã tʋbre la a na n pa-la a zu-soaba soolmẽ wakat buud fãa.

Yikri 22:28

Da kaoos n kõ Wẽnnaam f kood paalga sẽn yɛs ne bao tɩ f rã paalga pid ne rʋgd ye. Rɩk f bi-kẽeng fãa n kõ maam.

Yikri 6:2

Wẽnnaam goma ne a Moyiiz n yeel-a: «Maam la Soaala.

Yikri 9:6

Beoog sẽn vẽege, Soaala-Wẽnd sɩd pidsa b kãabgo, Ezipt rãmb rũmsa fãa kii gill kasi. A Israyɛl rũng ba a ye ka ki ye.

A Ezayi 19:1

Naaba-Wẽnd koɛɛg ne Ezipt. Ade, Soaala-Wẽnd zomba sawad-faasga n ta Ezipt tɩ Ezipt tẽng wẽnd dãmba, zirẽ-be-wẽnd dãmba digd rabeem, tɩ Ezipt dãmba sũur bendg b pʋgẽ.

Zeremi 43:12

A na n yõoga Ezipt tẽng wẽn-naandsã dot bugum, a na n yõoga b mensa bugum, bɩ a na wʋk-b lame n loog a tẽngẽ. A na n zɛɛ Ezipt zãnga wa rũn-kɩɩm sẽn saagd a fuugu n menes a karens zãnga. Dẽ poor marsã la a na n yaool n loog a tẽngẽ ne yẽesem.

Zeremi 43:13

A sã n ta Eliopolis, a na n tusa kuga lal-gilsã n lubi la a yõog Ezipt wẽn-naandsa rota bugum.› »

Zeremi 46:25

Dũni fãa Wẽnde, a Israyɛl Wẽnnaam, yeelame: «Mam na n yika ne a Amon, Tɛɛb wẽn-naandã, n yik ne Ezipt wẽn-naandsã, ne a dĩm dãmba. M na n yika ne Ezipt dĩma la sẽn teega yẽ fãa.

Ezekiyɛl 12:16

M yaool n na n basa neb kẽer tɩ b põs sʋʋga, la kom la bã-longdem. Nin-bãmb na togs b sẽn na n tɩ kẽ tẽns niynsã, a Israyɛl tʋʋm wẽna sẽn yɩ a soaba. Tẽn-bãmb dãmb me na bãnge tɩ maam la Soaala-Wẽnde.»

A Amoose 5:17

Pʋtẽ wã, bugsuntundẽ wã na n yɩɩ kũnkũm, m sã n wa tũud bãmb sʋk n loogdẽ. Maam, Naaba-Wẽnde, n yete.»

Sofoni 2:11

Soaala-Wẽnd na n yɩɩ toaag ne bãmba. B na n menesa wẽn-naandsa gilli. La bu-zẽmba gilli, ned kam fãa a tẽngẽ, na n waooga Naaba-Wẽnde.»

Sõadga 33:4

Ezipt rãmba ra mumda b pagba pipi biig woo sẽn ki. Soaala-Wẽnd n da wa ne b kũum. B kʋ-b lame n dok b sũuri ne Ezipt wẽn-yaalsã.

1 Sãmwɛlle 5:3

Vẽkembeoogo, Asdod dãmb sẽn yi tõd-beoogo, b mikame, t'a Dagõ lʋɩɩme, t'a neng fõgneg tẽnga, Soaala zood kaseta taoore. Tɩ b rɩk a Dagõ n lebs a zĩigẽ.

1 Sãmwɛlle 6:5

Dõog-y yũya la rayʋʋsã, sẽn sãamd y tẽngã, la y pẽg Israyɛl Wẽnnaam. Daare tõe tɩ b nuga sɩbgre yɩ faasga yãmb yĩnga, y wẽnd dãmba la y tẽng yĩnga.