Yelbũna 22:23 - SEBR SÕNGO

²³ Naaba-Wẽnd na n sõng-a lame, la yaa fãadba vɩɩm la b na n deege.

WẼNNAAM SEBRE 2014

²³ Bala, Sẽn-Ka-Saab na n zab n sõng-b lame, la b na n sãama neb nins sẽn sãamd-b bãmbã vɩɩm.

Yelbũna 22:23 Iomraidhean Croise

Yɩɩn‑sõamyã 103:6

Soaala bʋʋda b bʋʋdo, tɩ sẽn da rɩt-b bõna lɛɛg n paamd bʋʋm.

Yɩɩn‑sõamyã 12:5

zelemde fãa sẽn yete: «M na gom n lubi, m tara m zab-teoogo, ãnda n le tõe-ma?»

Yɩɩn‑sõamyã 12:6

Dẽ me la Soaala yeel yã: «M nee a ka-neng rãmb pɛta, la naong rãmb kɛleng lʋɩ-la m tʋbrẽ, tɩ m me vaag n yiki, n bao zĩ-sõng n solg b sẽn paoogd b rãmbã.»

Yɩɩn‑sõamyã 140:12

Gom-yooda rãmb kõn yals tẽnga ye, n paas pãn-tõog soaba la nin-toaaga, b rig-ba n yiis zĩig zãnga.

Yɩɩn‑sõamyã 140:13

M miime tɩ Wẽnd n na n dok nimbãan-ned sũuri, naong rãmb na n paama bʋʋm bãmb taoore.

Yɩɩn‑sõamyã 35:1

A Daviid yɩɩlle. Soaala, bool-y sẽn dõt-b maama bʋʋdo, zab-y ne sẽn zabd-b maama.

Yɩɩn‑sõamyã 35:10

M na yeele: «Ãnda n wẽnd yãmba, Soaala? Y fãaga ned sẽn ka tar yõnofre nin-daoog nugẽ, y zãag-a-la ne sẽn tar-a n fãadã.»

Yɩɩn‑sõamyã 43:1

Soaala, bool-y m bɛɛba bʋʋdo; fãag-y-ma tɩ yaa nin-yaalse, neb sẽn mi zirẽ-beedo la sẽn ya nin-kʋʋdba.

Yɩɩn‑sõamyã 68:5

Yɩɩl-y Wẽnd yĩnga, pẽg-y b yʋʋre, n deeg sẽn zao-a sawadga wa weefo; b yʋʋr la Soaala, d kɩdem b taoore.

Yikri 22:22

Fo sã n nams-ba tɩ b wa yãb m taoore, m na n kelga b koɛɛg.

Yikri 22:23

M sũura na n puugame tɩ m bas tɩ sʋʋg kood yã, tɩ y pagb lebg pʋg-kõapa, tɩ y kamb lebg kɩɩ-bi.

Yelbũna 21:7

Nin-wẽnsa toolma n wãad-ba tɩ b zãgsa zemsg tũudem.

Yelbũna 23:11

Sẽn na n deeg-a kɩɩbsa zĩigẽ n zaba tara pãnga. La yẽ soabã n na n bʋ ne foo n paalg-fo.

A Ezayi 33:1

Yell ne foom, wãab naab sẽn põs wãabo, zãmb soab sẽn põs zãmbo! Fo sã n wã n sɛ, wakat kãng la b na n wã foom me, fo sã n zãmb n sɛ, wakat kãng bal la b na zãmb foom me.

Zeremi 30:16

La bãng tɩ sẽn da namsd-b fooma, na n paama namsgo fo bɛɛba nengẽ. Sẽn kis-b fooma na n looga yembdo; sẽn yeesd-b fo futã, b na n yeesa bãmb me futu; sẽn zɛɛd-b fooma, b na n zɛɛ bãmb me. Bɛɛba fãa na n looga yembdo.

Zeremi 50:34

La bãmb Fãagda yaa maam, la maam me la pãng Soaba menga, maam la dũni fãa Wẽnde. Maam n na n zab b zĩigẽ, la m na n waa ne laafi tẽng zugu, Babilon bal n na n pa ne zũnd-zãnde.

Zeremi 51:36

Dẽ n so tɩ Soaala gomd woto ne Zerizalɛɛm Ade mam dɩkda fo yellã n dogl m zugu, la mam n na n ges n tug beem ne f bɛ wã. Mam na n kʋɩɩsa a kʋɩlgã, la m yẽd a ko-nini.

A Miise 7:9

M na sakame tɩ b puug b sũuri tɩ m beeg-b lame. M na sak n ta daar ning sẽn wate tɩ b na n yik n bʋ n sõng-ma. B na n le tall-ma n wa vẽenemẽ la m na pẽg b zemsga tʋʋma.

Abakuk 2:8

Yaa tẽns ka tɛk la f zɛ yã la yaa dũni wã zãng n na n wa zɛ-fo tɩ ninsaalb zɩɩm la f raagyã tɩ pãn-tõog la f maan tẽngã, Zerizalɛɛm ne a kẽedbã.

Malasi 3:5

Dũni fãa Soaala gomda woto: «M na n wa zĩnda y sʋka n kao-y bʋʋdo. M sẽn na n bool bʋʋda pipi, yaa sẽn tʋmd-b bag-tʋʋma, sẽn yoaad-ba, sẽn ka pidsd b pʋlengo, sẽn ka yaood b tʋʋm-tʋmdba, sẽn namsd b pʋg-kõap la kɩɩb-bi la sãamba, neb niyns fãa sẽn vɩ wa b toog ka be ne maama.»

1 Sãmwɛlle 24:12

M dĩma, bɩ y gese! Ges-y yãmb kobra noore, m sẽn zãad m nugẽ! M wõrga yãmb kobra noore, n yaool n pa kʋ-y ye. Bɩ y bãng la y tags tɩ m ka tar pʋ-toog la beem ne y ye la m ka beeg-y ye. Yãmb yẽ, yãmb gũusda maam bala n na n dok m yõore.

1 Sãmwɛlle 24:15

Yaa ãnna la a Israyɛl dĩma zoet n pʋgda? Ba kɩɩnga! Karenga!

1 Sãmwɛlle 25:39

A Daviid sẽn wʋm a Nabal kũumã, a yeelame: «Wẽnd paam pẽgre! Tɩ bãmb gesa m yelle ne a Nabal sẽn da zẽng maamã, la bãmb n gɩdg maam tɩ m pa maan wẽng ye. Soaala-Wẽnd kɩtame t'a Nabal pʋ-toogã leb a menga.» A Daviid tʋmame tɩ b kos a Abigayil t'a sak n legb a paga.