Yelbũna 21:4 - SEBR SÕNGO

⁴ Sẽn get-a a to la a yĩgsdẽ, sẽn wukd-a a menga, sẽn maand-a wilg-m-menga, rẽ fãa yaa wẽnga.

WẼNNAAM SEBRE 2014

⁴ Nin-wẽns geta ne tɩtaam, la b wukd b mense, la b sẽn maandã fãa yaa yel-wẽna.

Yelbũna 21:4 Iomraidhean Croise

A. Zoobe 18:5

Nin-wẽng vẽenem sobdame, a bug-toaalga ka tog n le wid ye.

A. Zoobe 18:6

A roog lebgda lika, a fitila sẽn da wit a zugẽ wã kiida tama.

Yɩɩn‑sõamyã 10:4

A toog-ka-ne-Wẽnd pida ne yamsekre, A sẽn ka le baood Wẽndã, wã bal n be a noorẽ: «Wẽnd ka ye!» La rẽ sek-a lame.

Yɩɩn‑sõamyã 101:5

Ned ninga sẽn soosd n lukd a taab bãongo, m na modg-a t'a sĩndi, m pa nong sẽn get-b taab ne sãbsg ye la sẽn wuk-b ne wilg-m-meng ye.

Yɩɩn‑sõamyã 131:1

A Daviid yɩɩlle. Gilgra kẽna yɩɩla. Soaala, m ka mi zẽk-m-meng ye, m pa baood sẽn yɩɩd-m ye, m pa baood m yʋʋr kilsgu, m pa baood sẽn zãr ne m ye.

Yelbũna 15:8

Wẽnd sẽn kis wa fãa-fãa yaa nin-wẽns maoongo, b sẽn nonge yaa nin-tɩrs wẽn-kosgo.

Yelbũna 21:27

Wẽnd sẽn kis wa fãa-fãa yaa nin-wẽns maoongo, yaa maoong sẽn kʋʋd ne wẽnem.

Yelbũna 24:20

Nin-wẽns ka tar beoog yell saagre ye, b fitil na n kiime.

Yelbũna 30:13

Neb n be n sãbsd b taaba, b nina kʋɩɩme, nina ka kamsd ye.

Yelbũna 6:16

Bũmb a yoob n be tɩ Soaala-Wẽnd kisa, b ka tat b yam ba sẽn paood ye.

Yelbũna 6:17

Yaa gesg sẽn ya wilg-m-meng gesgo, zelemd sẽn ya zelem goalenga: nus sẽn daagd ned sẽn ka tar a toorẽ yell zɩɩm,

Yelbũna 8:13

Wẽng kisgu n wilgdi tɩ f zoeta Wẽnd nifu. M kisa wilg-m-menga la tɩtaam, vɩɩm sẽn ka tũud tɩrga, zelem golongo.

A Ezayi 10:12

Soaala sã n wa sɛ b tʋʋma Siõ tãnga zug la Zerizalɛɛm, b na sɩbga a Asʋr, t'a sũur pida ne zẽk-m-menga, la a pa get wa ned toga ne waoogr ye.

A Ezayi 2:11

Ninsaal zẽk-m-meng na n sikame, a tɩtaam na n sɛɛ daar a ye, la baraare, Soaala-Wẽnd yʋʋr bal n na n zẽke, bãmb b ye tãa.

A Ezayi 2:17

Ninsaal zẽk-m-menga na n sigame, a tɩtaama na n sɛɛme, badaare Soaala-Wẽnd yʋʋra na n zẽkame, bãmb b ye tãa.

A Ezayi 3:16

Soaala yeelame: «Siõ kom-pugli wã wilg-m-menga waooga. B kẽndame n dõond b yubla, n kẽnd tɩ b nina kamsd kams yoodo, tɩ nao wã solsdẽ, tɩ b bugla wẽed taaba.»

A Luk Sõng 11:34

Fo nif la a f yĩng fitila, fo nif sã n ya sõmbo fo yĩnga fãa tara vẽenem; a sã n pa sõmbe, fo yĩnga zãng fãa zĩi ne lika.

A Luk Sõng 18:14

Mam yeta yãmba tɩ yãoo paamda sõmblem n kul a yiri la ka a to wã yẽ ye, tɩ sẽn zẽkda a menga b na n sik-a lame, la sẽn sikd-a a menga b na zẽk-a lame.»

Rom Dãmba 14:23

La yell na pak ned ninga sẽn ges-a rɩɩbo wa ka rɩɩb a sẽn tõe n dɩ n baas n dɩt-a; wakat kãnga a ka rɩ ne pʋ-peelem ye, la bũmb ning fãa sẽn ka maan ne pʋ-peelem yaa yel-wẽnde.

1 Pɩyɛɛr 5:5

Woto me yãmba, kom-bɩɩba, reeg-y kãsem-dãmba goama; yɩ-y sulg-m-meng rãmba y taab taoore. Ad-y Wẽnd mongda wilg-m-meng rãmba n kõt yam-sulgr dãmba.