Yelbũna 20:1 - SEBR SÕNGO

¹ Taab laado la rã-yũud tʋʋmde, rãam wata ne zaba. Sẽn bas-a tɩ rãam lub-a ka yam soab ye.

WẼNNAAM SEBRE 2014

¹ Reezẽ rãam yũub wata ne paoogr goamã, rã-toos yũub wata ne rãmbgo, la sẽn basd-a tɩ rãam soog-a ka na n tol n paam yam ye.

Yelbũna 20:1 Iomraidhean Croise

2 Sãmwɛlle 11:13

La dĩma bool-a lame t'a wa rɩ ne bãmba, n kõ a rãam ali t'a yũ n gãeeme. La zĩ-sobdo a Uri sẽn yi naaba zakẽ, a pa kul a meng yir ye, a kell n paa ne tãb-biis niyns sẽn gũud-b dĩma.

2 Sãmwɛlle 13:28

A Absalom da kõ-la a sõgen-kamba noor kãnga: «Bɩ y gũus neere, yãmb sã n wa mik t'a Amnon yũu rãam t'a sũur yaa noogo, tɩ mam yeel yãmba: ‹Aya! Bɩ y wẽ a Amnon.› Wakat kãng bɩ y kʋ-a! Da maan-y dabeem ye! Ka maam n kõt yãmb noora laa? Keng-y pɛlga la y maan sũ-keelem!»

Yelbũna 23:20

Da yɩ rã-tɩgd ye, da yɩ vɛlg ye.

Yelbũna 31:4

Bũmb sẽn ka segd ne dĩma, Lemuwɛl, bũmb sẽn ka segd wa fãa-fãa, yaa rãam yũubu; ka segd tɩ dĩm-bi wã nong toos ye.

A Ezayi 28:7

Ad-y neb n be tɩ rãama kẽesd-b moogo, neb n be tɩ rãama kɩt tɩ b kẽnd n lagsdẽ: yaa maan-kʋʋdba la bãngdbã. Rãam sẽn tar pãnga la b yũ n kẽed moogo, rãama kɩtame tɩ b kẽnd n lagsdẽ n ka le mi b goabg la b rɩtg ye. Rãama sẽn tar pãng la b yũ n tuumnẽ, b pa le tẽr Wẽnd sẽn lik bãmba n yeel-b tɩ bũmb ning ye. Dẽ la b gomd b bãngra goama n kalemd taaba.

A Ezayi 5:11

Yell be la y zugu yãmb fãa sẽn vẽegd beoogo tɩ yaa rã-rot bala la y sɩngd saabo; zĩig wat n sobgame tɩ y ket n be be n tuumnẽ.

A Ezayi 5:22

Sẽn deeg-b rã-yũur naam, n yũud rã-toosã n kalem taaba, tɩ bũmb ka maand-bã, yell be la y zugu.

A Ezayi 56:12

Bãmb n gomd woto: «Wa-y-yã, d na n baoo rãam; d na n tɩga rã-toose n gãeem, la beoogo na n yɩɩ wa rũnna, rãama sẽn ket pa paood ye.»

A Ooze 4:11

M buuda sɩnga zʋbsgo, n dat t'a bugsuntunda kõ-a rãam wʋsgo,

A Ooze 7:5

Dĩma kibs daare, yaa kug-zĩidba n sɩngd yũubu. Rãama tʋmda a tʋʋmde tɩ ned fãa gomd yaare.

Maan‑kʋʋre 10:9

«Yãmb sã n wat sɛka roogẽ, foom ne f kambã, da yũ-y rãam buud ye tɩ woto y kõn ki ye. Yaa noor f kambã sẽn na n deeg wakat buud fãa.

Abakuk 2:5

Rãam sã n tar pãnga a tõe n zãmb-f lame la sẽn teeg-a a meng pãng ka paad a zĩigẽ ye. A sẽn mi yaa a yaag a noor wala bʋg-tẽnga, la wala kũum, bũmb pa sekd-a ye. A woonda buuda toor-toore n kẽesd a soolme, wolgda a ye rũnna n wolg a to beoogo.

1 Korẽnt rãmba 6:10

wagdba, dat-wʋsg-rãmba, dã-yũud bɛda, sẽn paoogd-b taaba, fãadba, bãmb ned ba a ye kõn paam Arzãn Rĩung ye.

Galat Rãmba 5:21

to paoong tʋlsem, rɩt-n-pa yɛɛdẽ, yũud-n-pa-roogdẽ la yɛl a taab sẽn wẽnd rẽ — la m togsdame wa m sẽn zoe n togsã tɩ yel-maandb a woto buud ka paamd Wẽnd Rĩunga pʋɩɩr ye.

Efɛɛz Rãmba 5:18

Gũus-y ne rã-tɩgre: yaa tʋʋm yood la-a wat ne. Bao-y y sõmblema pidsgu ne Wẽnd Vʋʋsem.