Yelbũna 19:3 - SEBR SÕNGO

³ Yaa tõnd yalemdã n wat ne d meng bõne tɩ d lɛɛg n ningd Wẽnd taale.

WẼNNAAM SEBRE 2014

³ Yaa ninsaal yalemdã n wat ne a tudgri, la yaa ne Sẽn-Ka-Saab la yẽnda yikd a sũuri.

Yelbũna 19:3 Iomraidhean Croise

2 Rĩm-dãmba 6:33

A sẽn da nan ket n gomd woto, la dĩma sẽn sig a yiri n yeel-a: «Ade, yel-beed kãnga fãa yita Naaba-Wẽnd nengẽ, m yɩta wãna n le maan teegre ne Soaala-Wẽnde?»

A. Zoobe 15:13

Bõe tɩ f wuk ne Wẽnde, n zĩ ne sũ-toogo, bõe tɩ f goama ya pererr n ka sɛtẽ?

Yɩɩn‑sõamyã 37:1

A Daviid yɩɩlle. Da nams-y n puug y sũur ne nin-wẽnsa ye. Da maan sũ-kiiri b nuga sẽn zãada yĩng ye.

Yɩɩn‑sõamyã 37:7

Yaas sɩɩ Soaala sɛɛgẽ la teeg bãmba, Da maan sũ-kiir ne ned ninga nug sẽn zãad ye, maan gũusg ne zãmb soaba.

Yelbũna 11:3

Nin-sõma kẽnda b pʋ-peelem zugu, tɩ nin-wẽns zãmbo wãad-b zãng-zãnga.

A Ezayi 32:6

Sẽn yaa gãeenga yiisda gãeen-goama, a sũur data wẽnga t'a baood a sẽn na n maanega, t'a baood Soaala-Wẽnd sãbsgo, t'a yet tɩ b bas kom sẽn tar b rãmba tɩ b bas-b ne pʋ-vɩʋʋgo, n bas ko-yũud sẽn tar b rãmba ne zelem-koɛɛnga.

Kʋʋr yɩɩla 3:39

Bõe poorẽ la ninsaal tõe n guglem ne Wẽnnaam? Bũmb zãnga a sã n ket n vɩ ne yõore t'a yel-wẽna yaool n ya ka tɛka?

Ezekiyɛl 18:25

Tɩ yãmb yetẽ: ‹Ad Soaala manesma ka zems ye.› Israyɛl dãmba kelg-y wɛ. Yaa mam manesma n ka zems sɩda? Ka yãmb zʋgã n ya wẽng bi?

1 Sãmwɛlle 13:13

A Samwɛl yeela a Sol: «Fo maana gãeemdo! Fo ka tũ Soaala-Wẽnnaam, sẽn da kõ-f noor ninga ye. Soaala-Wẽnd da na n paasa f naam pãng tɩ f soogẽ Israyɛl daar fãa.

1 Sãmwɛlle 15:23

Zẽk f meng ne Soaala, wẽen tɩ fo sẽn gãdã, n yɛse dẽ wẽnem yɩɩda kabl Wẽnde, dẽ wẽnem yɩɩda bagr ne a zirẽ-beedã. Fo sẽn zãgs Soaala gomd kelgrã, bãmb me basda foom, f ka le ya rĩm ye.»