Yelbũna 15:8 - SEBR SÕNGO

⁸ Wẽnd sẽn kis wa fãa-fãa yaa nin-wẽns maoongo, b sẽn nonge yaa nin-tɩrs wẽn-kosgo.

WẼNNAAM SEBRE 2014

⁸ Nin-wẽnsã maoong yaa yel-beed Sẽn-Ka-Saab nifẽ, la nin-tɩrsã pʋʋsg tata bãmb yam.

Yelbũna 15:8 Iomraidhean Croise

2 Sãmwɛlle 15:12

A Absalom sẽn da waa n kʋʋd maandã, a tʋma Gilo tẽnga tɩ b tɩ wa ne a Ayitofɛl, a Daviid sagenda. Woto suduma paama pãnga, a Absalom poorẽ lebga taoko.

1 Rĩm-dãmbã 3:10

A Salomo pʋʋsg kãnga taa Soaala-Wẽnd yam.

1 Kibayã 29:17

Soaala-Wẽnde, m tara kaseto tɩ y mii sẽn be y kamba sũurẽ la y sẽn pẽgd yaa pʋ-peelem. Y yãeeme tɩ yaa ne pʋ-peelem la m kãab y rẽ fãa. M yãee ne sũ-noogo, y buuda neba sẽn yas y taoor dũnna la b sẽn kãab-y bũmb ningã.

Yɩɩn‑sõamyã 141:2

M pʋʋsga dʋ tɩrga n ta yãmba, a rʋ wa tɩdar bug-zõose, n ta y nengẽ wa m zaabr kũuni.

Yɩɩn‑sõamyã 17:1

A Daviid pʋʋsgo. Maan-y-m neere, Soaala, n kelg m pʋʋsgo, yoog-y y tʋb n wʋm m waasgo kelg-y m kosgo, ka zirẽ-be-ned kosg ye.

Yelbũna 10:24

Nin-wẽng sẽn ka rat yell ningã n pakd-a, nin-sõng sẽn kot bũmb ninga la a paamda.

Yelbũna 15:29

Wẽnnaam zãagda b menga ne wẽnem dãmba, n yaool n kelgd nin-sõma pʋʋsgo.

Yelbũna 15:7

Nin-sõng gomdame n zãmsd bãngre, yalem nengẽ, yaa bũmb a to.

Yelbũna 21:27

Wẽnd sẽn kis wa fãa-fãa yaa nin-wẽns maoongo, yaa maoong sẽn kʋʋd ne wẽnem.

Yelbũna 21:3

Wẽnd nifẽ sẽn tũud-a sɩda la zemsgo maanda neere n yɩɩd sẽn kʋʋd-a maando.

Yelbũna 28:9

Sẽn yẽt-a a tʋba n pa rat n bãng noore, Wẽnd ka reegd a soab pʋʋsg ye.

Kowelɛt 5:1

Da yãg ne goam ye. La f da yãg tao-tao n pʋlem f pʋlen-bɛd Wẽnnaam taoor ye. Tɩ Wẽnnaam be yĩngri tɩ fo be tẽnga. Bɩ goama gom n zemse.

A Salmo yɩɩla 2:14

M walla solgda a meng pĩis bogdẽ, a solgda a meng pĩisa poore. Sõng tɩ m yãe f nenga tɩ m wʋmda f koɛɛga la a nooma m tʋba. Bãng tɩ f nenga me sakda gesgo.»

A Ezayi 61:8

Maam, Naaba-Wẽnde, m baooda zemsgo. M kisame la m yetame tɩ pa segde tɩ b reeg bũmb ne pãng ye. Woto wã m na lebs-y b sẽn yõk n deege, la m na yõg ne yã, zood sẽn ka tõe n le sãame.»

A Ezayi 66:3

La yaa bõe la m ne yã? Kẽer maoong rũng sã n ya naafo, kẽer dẽnd yaa ninsaala, tɩ kẽer ya pesgo. Kẽer me yaa baag la b wẽeda; kẽer wata ne zom wamde, tɩ kẽer wat ne kurkur zɩɩm; kẽer yaa wisd la b yõogda. Kẽer yaa wẽn-naands la b waoogda. La bãmb sẽn yãk b so-yoog n tũudẽ wã, b sẽn bas maam n pʋgd yel-yoodã b yetame tɩ rẽ n tat bãmb yam.

Zeremi 6:20

Y sẽn tʋgd Saba n wat ne bũmb ningã tɩdarã la yẽgen sẽn tar yũ-noodã, y sẽn kẽnd al yɩɩg n wat ne bã dẽ maanda maam bõe? Rũmsã b sẽn kʋʋd m yĩnga, n basdẽ tɩ bugma rɩt-b zãnga ka wat ne m sũ-noog ba bilfu, b maand a taaba me yaa boto.

Maan‑kʋʋre 7:18

Maoonga sã n kʋ tɩ ra-bitẽ, tɩ fo ket n wãbd a nemd dũnna, fo rẽgemda f menga, fo sãamda f maoonga yel-sõmde, la fo sẽn wãb nemd sẽn sãama, fo tʋka yell f zugu.

A Miise 6:6

Yaa kũun bʋgo la d tog n wa ne, d sã n wat n na n waoog Soaala, yĩngr Wẽnnaama? Tog n waa ne nag-bil maoongo, yʋʋmd yend nag-bil sẽn yõogd tɩ bugum dɩ zãnga?

A Miise 6:7

Piis bãgre na noog a sũur sɩda? Bɩ b na n deega ka-neem sẽn pid ne sĩn-bi? D tog n kõ-b-la d kom-dẽems n paam sugri d sẽn zẽkd d zug ne bãmba la d sẽn ka pʋg bãmb wala sẽn da segda bɩ?

A Aaze 2:14

A Aze yeel-b lame: «Ad Soaala koɛɛga: ‹Ad-y yaa woto me ne tẽn-kãnga rãmb ne b tʋʋma. M sẽn getã, b sẽn wat ne bũmb ning fãa maan-kugra zugu, ad-y b wata ne rẽgdo.› »

Malasi 1:10

M tẽed tɩ yãmb nin-yend sã n pag wẽnd dooga kʋɩlens n são. Woto y kõn le tɩ yõgen bugma zaalem m maan-kugra zug ye. M pa get-y ne sũ-noog ye, la y sẽn wat ne kũuna ka noogd m sũur ba bilfu. Mam n yet rẽnna, maam, Naaba-Wẽnde, dũni fãa Soaala.

A Zã Sõng 4:24

Wẽnnaam yaa yam bala, Dẽn yĩnga sẽn waoogd-b bãmbã, bɩ b waoog-ba b yamẽ, ne pʋ-peelem.»