Yelbũna 15:5 - SEBR SÕNGO

⁵ Yam kaoolg soab sãbsda a ba wubri, la biig sẽn maand b sẽn wilg-a la yam soaba.

WẼNNAAM SEBRE 2014

⁵ Yalem kisa a ba remsgo, la sẽn deegd-a keoogr wilgdame t'a tara yam.

Yelbũna 15:5 Iomraidhean Croise

1 Kibayã 28:20

A Daviid baasa a koɛɛgã n yeel a biig a Salomo woto: «Wɩsg f menga, keng f sũuri, da zoe rabeem ye, da rig ye, tɩ Naaba-Wẽnd, m Wẽnnaama, bee ne foo. B kõn mong foom b pãng la b sõngre al tɩ f wa baas tʋʋma f sẽn na n sɩngã.

1 Kibayã 28:9

La foom, m biiga a Salomo, bɩ f bãng f saamba Wẽnnaam, la f tũ bãmba, ne f sũur zãnga, ne f yalẽ fãa, tɩ Wẽnd fɛɛsda ninsaalba sũya la b mii neere tagsg buud b sẽn tagsde. Fo sã n baood-ba, b na n sak tɩ fo yãend ba; la fo sã n bas bãmba, bãmb me na bas-fo.

Yɩɩn‑sõamyã 141:5

M sakdame tɩ nin-sõng laal-m pegse, m sakda nin-tɩrs saglse tɩ saglg yaa nonglem kũuni, tɩ m ka rat n zãgs ye. M sẽn zãgsde, yaa nin-wẽnsa wẽnem tõog n zãag-m ne y sɛɛg yõkre.

Yelbũna 1:23

Deeg-y m saglgo n teem y zʋgo. M na n zuka sẽn be m sũura pʋga tɩ y wʋm m koeesa fãa.

Yelbũna 1:7

Bãngr zulunga yẽgende yaa zoe Soaala Wẽnd nifu. Sẽn tar-a yam vẽenem, gʋʋla gʋʋlg sõngo; gãeeng bala n ka baood yam vẽenem la a zãgsd a tũudem.

Yelbũna 10:1

A Salomo yelbũna: Bi-sõng noogda a ba sũuri, tɩ bi-wẽng sãamda a ma sũuri.

Yelbũna 13:1

Bi-sõng vɩɩm pukda a ba sẽn wub-a to to. Sẽn sek-a a menga ka reegd saglgo ye.

Yelbũna 13:18

Sẽn yet-a t'a toog ka be ne a kamb gʋʋlgo, yẽ soab soga yãnde la fare. B sẽn wilg a soab t'a reege, yẽ soab na n paama waoogre.

Yelbũna 15:4

Zelemd sẽn mi sũur bʋkre kõta vɩɩm. Zelem toaag kɩtdame tɩ f bas raoodo.

Yelbũna 15:6

Nin-sõng yiri yaa arzɛka, nin-vẽng paoong yaa sãmb-sãmbe.

Yelbũna 19:20

Deeg saglgo, tũ noore, tɩ f na paam yam sõngo.

Yelbũna 25:12

Fo sã n sagl ned t'a reege, yaa sãnem tʋb-longo la muizãan miidu la f pid a kokore, bɩ bõn-neer a to la f yõg n kõ-a.

Yelbũna 6:23

Soaala noor yaa wa fitila sẽn paalgd tõnd vɩɩma sor zugu.

A Titi 1:13

B bãngda toagsg yaa sɩda. Dẽnd yĩnga, togs-y bãmb vẽenega tɩ b ra bʋdg n bas tẽeb sɩdã.

A Titi 2:15

Yaa woto la f tog n gome, n sagle, n togs sɩda wa f sẽn tõe fãa. Bɩ ned da sãbs-f ye.