Yelbũna 1:5 - SEBR SÕNGO

⁵ Woto, sẽn zoe n tar-b bãngre, bɩ b karem-ba, n paas b bãngre, n sɩls b yama n paase. Sẽn zoe n pid-b ne yam na tõog n wilg b taab tɩ b rɩk so-sõngo.

WẼNNAAM SEBRE 2014

⁵ Yam soab sã n kelge, a na paam yam n paase, la sẽn tar-a bãngr me sã n kelge, a na tõog n tɛ neb a taaba.

Yelbũna 1:5 Iomraidhean Croise

2 Kibayã 25:16

Bãngda yaasame n le baas n yeele: «M miime tɩ yaa Wẽnd n yẽs b na sãam f yelle la f sẽn ka reeg b saglsã n maan f sẽn maana.»

A. Zoobe 34:10

Bɩ y kelg-ma, sẽn tar-b yama rãmba, Wẽnd zãra ne wẽnga. Wẽnd-Pãng-Soaba zãr ne wʋg yell kegre.

A. Zoobe 34:16

Zoob, f sã n tara yɛla wõore bɩ f modg n kelg-ma, kelg la f wʋm m sẽn na n togs-fo.

A. Zoobe 34:2

Sã n ya ne yãmba, yẽesem dãmba, kelg-y m goama; yãmba, mitba, bi y yoog y tʋbre n kelge.

A. Zoobe 34:34

Ad-y yẽesem dãmba fãa, yam sẽn puk b rãmba fãa, na naag maam n yɩ zelemd a ye.

Yelbũna 12:1

Sẽn nong-a zãmsgo nong n deega saglgo; sẽn ka rat-a saglgo wilgdame t'a ka yam ye.

Yelbũna 14:6

Fo baooda yam sõng ne f toorẽ pãnga, ad-f kõn yãend-a ye, la a paoong yaa naana ne yam sẽn wɩsg a soaba.

Yelbũna 18:15

Sẽn tar-a yam baooda a bãngr paasgo. A sẽn nong kelgre yaa sẽn tõe n paas a bãngre.

Yelbũna 19:25

Wẽ sẽn nong-a a tãab laado, tɩ tembenda na bãng yam. Wilg nin yẽesenga t'a tudgame t'a yam na puki.

Yelbũna 21:11

Yalem yam yẽegre yaa a sẽn yãete tɩ b pãbd sẽn yaanda a taaba.

Yelbũna 8:33

kelg-y m goama, n lebg sẽn mi-b meng võore. Da sãbs-y m saglga ye.

Yelbũna 9:8

Fo sã n wilg sẽn ka reegd-a a kongre, a na n kisg-f lame. Sã n ya nin-sõng la f wilga a kongre, a na n nong-f lame.

Yelbũna 9:9

Kõ nin-sõngo t'a na lebg sõng n paase, zãms nin-tɩrga n paas a bãngre.

Kowelɛt 9:11

M le yãenda yɛl a taab tẽng zug ka. Ad-y ka sẽn be-b tĩigã n wudgd n loog b taaba, la ka sẽn be-b sũuri n yɩɩd b taaba n maand raood zabrẽ ye. Ka sɩlem dãmbã n paamd n dɩlgd b vɩɩm ye. Sẽn tar-a rabaar ka lebgd arzɛk soab daar fãa ye. La mitba ka paamd waoogr daar fãa ye. Ned kam fãa tõe n sega zu-beedo.

1 Korẽnt rãmba 10:15

M gomda ne yã wa neb sẽn tar yam. Wʋm-y m sẽn dat n togsã.

Yaoolem 4:6

Reeg-y noya, tũ-y-ba. Woto buud a taaba sã n wa bãng y sẽn tũud noy niynsã b na ges-y wa neb sẽn tar yam la sẽn mi vɩɩm, b na yeele: ‹Sɩlem la yam bala la buud kãseng kãnga pidi n yɛsẽ!›