Vẽnegre 5:9 - SEBR SÕNGO

⁹ B pʋda yɩɩn paalle: «Yãmb sɩd togame, n deeg sebrã la y sogs a soagdsã tɩ yãmb la b kodg yã, la yaa ne yãmb zɩɩm la y reeg ninsaalba n lebs-b Wẽnnaam, bãmb ne b buud toɛ-toɛ yã, ne b goam, ne b rog-n-mik, ne b soolem.

KÃAB-PAALGÃ KOE-NOOGO

⁹ La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam neba.

WẼNNAAM SEBRE 2014

⁹ La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.

Vẽnegre 5:9 Iomraidhean Croise

1 Zã 1:7

La sã n yaa vẽenemẽ la tõnd kẽnda, b meng sẽn be vẽenemẽ wã, bãmb n lagemd tõnd ne taaba, la b Biiga Zezi zɩɩma n pekd tõnd yel-wẽnd buud fãa.

A Matiye Sõng 26:28

«Yũ-y, yãmb fãa, tɩ woto yaa m zooda zɩɩm, zood sẽn yõg ne zɩɩma m sẽn daag neb fãa yĩnga, b yel-wẽna sugr yĩnga.

Yɩɩn‑sõamyã 40:3

B yiis-m-la bog zulungẽ, b buk-m-la begd sẽn tagmẽ. B le yik-m-la yĩngri, m karg teega pĩiga, m kẽnd le yaa sõmbo.

Vẽnegre 14:6

Mam yãee malɛk a ye sẽn yɩgd yĩngri. Yaa koɛɛg sẽn ya noogo n na n kell n yɩ noogo la a wat n na n wilg tẽng zug rãmba, ned kam fãa ne a buudu, ne a goam, ne a tẽnga.

1 Korẽnt rãmba 6:20

Ad-y yaa ligd la b kɩs n deeg yã! Modg-y tɩ y yĩnga pẽg Wẽnde.

Vẽnegre 5:12

«Pe-bila sẽn kodgã n tog ne tõogo, ne Wẽndlem, ne bãngr pidungu, ne naam, ne waoogre, ne ziiri, ne pẽgre.»

Vẽnegre 4:11

«D Soaala la d Wẽnnaam, yãmb toga ne pẽgre la ne waoogre la ne ziiri, tɩ yãmb n naan dũniya la yaa ne yãmb pãnga la bũmb sẽn da ka be zĩnd yã.»

Tʋʋma 20:28

Bɩ yãmb mens maan gũusgu la y gũ Wẽnd bãgr ning a Vʋʋsem Sõng sẽn gũnug yãmbã. Kɩɩm-y bãgr ning paoong sẽn tũ ne Biiga zɩɩma raagre.

A Matiye Sõng 20:28

Dẽ n so tɩ Ned Biiga ka wa n na n dɩ naam, a waame n na n yɩ sõgne la a rɩk a vɩɩm n kõ neb wʋsgo, n fãag-ba.»

Vẽnegre 5:6

Zaoora yegende, Bõn-vɩɩs a naasã la Nin-kẽemba sʋka, m yãee Pe-bil sẽn yɛse tɩ yaa wa b kodg-a lame la a ra tara yɩɩl a yopoe la nin a yopoe; bãmb la Wẽnd tõogã, b yama sẽn tʋmd b tʋʋmda tẽng zugu, zĩis fãa wã.

A Titi 2:14

Yaa bãmb n kõ b meng n fãag-do, n kɩt tɩ d tɩlg ne wẽng buud fãa, la b segl buud sõng n kõ b menga, buud sẽn wɩsg a menga n baood neere.

2 Pɩyɛɛr 2:1

Neb n zĩndi buuda pʋga n yɩ zirẽ-be-bãngdba; la yãmb me sʋka zirẽ-be-neb n na n yik n yet tɩ b yaa karen-saam-dãmba; bãmb n na n wa ne welg yoodo; b na n basa Soaala sẽn fãag-bã la woto b ka na n kaoos n wã b mens ye.

Kolos Rãmba 1:14

yaa bãmb nengẽ la d paamd tɩlgre la d beegra sugri.

Efɛɛz Rãmba 1:7

Yaa Bi-kãng sẽn daag b zɩɩma nengẽ la d yãet tɩlgre, la d paamd d yel-wẽna yẽesgo, tɩ b nimbãan-zoeerã ka be tɛk ye.

1 Zã 2:2

Yaa b maoongã n dond d yel-wẽna samde, la ka tõnd dẽnna bal ye, yaa dũni wã fãa yel-wẽna.

1 Korẽnt rãmba 7:23

La sɩda, b raa yãmba! Da leb-y ninsaalb yembdẽ ye.

Yɩɩn‑sõamyã 149:1

Wẽnd soog pẽgre! Pʋd-y yɩɩn-paalle tɩ d pẽg Soaala, d naag taab n kils bãmba.

Yɩɩn‑sõamyã 33:3

tɩ y pʋd y yɩɩn-paale n kils-ba; maan-y noog wala y sẽn tõe tɛka.

Vẽnegre 13:8

Ada sẽn na n paam waoogr neb niyns nengẽ: yaa sẽn wa-b moogo n yaool n ka paam, dũni sɩngra wakato, tɩ b yʋʋr gʋls vɩɩm sebra pʋgẽ, Pe-bil ning b sẽn kodgã vɩɩma sebr pʋgẽ.

Vẽnegre 11:9

b na n daaga b yĩnsã n bas ninsaalb ka tɛka, nin-zẽmba, gãgnense, la tẽn-zãorgẽ dãmb nini, dasem a tã la pʋɩ-sʋka, la b ka tar sor n dɩk-ba n tɩ mum ye.

Yɩɩn‑sõamyã 144:9

Soaala, m dat n pʋda y pẽgr yɩɩn-paale, m dat n yɩɩla y pẽgr ne m kʋnde.

Yɩɩn‑sõamyã 98:1

Yɩɩlle. Yɩɩl-y Soaala yɩɩn-paalle tɩ b maana bõn-bãna, b maana raoodo ne b rɩtg kang sõngã.

Yɩɩn‑sõamyã 96:1

Yɩɩl-y yɩɩn-paal Soaala yĩnga, Tẽnga gilli, yɩɩl-y Soaala yĩnga

A Ezayi 42:10

Yɩɩl-y yɩɩn-paalle Soaala yĩnga! B pẽgrã yi al tẽnga satmẽ, mogra ne a pʋgẽ teed fãa kils-ba, tẽn-zãorgẽ rãmb fãa kils-ba.

Ebre rãmba 11:14

Neb sẽn gom a woto wilga vẽenega tɩ yaa b ba-yir la b saad n baoodẽ.

Kolos Rãmba 1:23

Lebga yãmb kell n gãd y tẽeba la y yals y mens kẽnkẽ n da bas tɩ b loog ne y sẽn saagd bũmb ninga ye, tɩ bõn kãng la b sẽn kãab yãmb a soab ne Koe-noogã. Koe-noog kãng la yãmb sẽn wʋma; Koe-noog kãng waa ninsaalb buud fãa sẽn be saaga tẽngr yĩnga, la maam a Pol n lebga moaanda.

Efɛɛz Rãmba 5:19

Naag-y taaba n zodg yɩɩla n balem Wẽnde, n kils-ba, n pʋʋs b barka. Yɩɩl-y y sũur pʋgẽ n pẽgd Wẽnnaam.

Vẽnegre 10:11

B le yeel-m lame: «Fo tog n le goma bãngr gom-beedo ne ninsaalb buud ka tɛka, ne tẽns ka tɛka, tɩ b zɛlma ya toore, tɩ b nanams me ya toore.»

Vẽnegre 13:7

Rũnga paamame n na n maan beem ne nin-sõma la a tõog-ba; a paama tõog ninsaalb fãa zugu, tẽns toɛ-toɛ rãmba, tɩ b goam la b rog-n-mik ya toɛ-toɛ yã.

Vẽnegre 15:3

la b yɩɩn Wẽnd sõgen a Moyiiz yɩɩn noogo la Pe-bila me rẽnna: «Yãmb tʋʋma labsa la b bee neere, Wẽnnaam, bũmb fãa Soaala; y sẽn tũud soy niynsa yaa tɩrse, Adem biis Rĩma! Ãnd n be, Soaala, n ka rigd-a la a tõt yãmb yʋʋra pẽgre?

Vẽnegre 17:15

Malɛka le paasame: «Kʋɩl kãseng ning Pʋg-yoodrã sẽn zĩ a soab noorã makda Adem biisa ne b zãma, tɩ b tẽns ya toor-toore, tɩ b goam ya toor-toor e.