Vẽnegre 4:6 - SEBR SÕNGO

⁶ Zaoora taoor ra gãnega wa mogre sẽn yãgda la a pɩn wa kugr sẽn saas sõmb-sõmbo; Bõn-vɩɩs a naase n da gũbg zaoorã tɩ b mensa ya nin bala a yeyn-ye, poorẽ la taoore.

KÃAB-PAALGÃ KOE-NOOGO

⁶ Geerã taoor daag n gãnega bũmb sẽn pɩnd wa vɛɛre, n tud n ya wa kiristalle. La geerã sʋk ne sẽn gũbg geerã fãa, bõn-vɩɩs a naas n be be n pid ne nin taoor la poorẽ.

WẼNNAAM SEBRE 2014

⁶ Geerã taoor dag n gãnega bũmb sẽn pɩnd wa vɛɛre, n tud n yaa wa kiristalle. La geerã sʋk ne sẽn gũbg geerã fãa, bõn-vɩɩs a naas n be beenẽ n pid ne nin taoor la poorẽ.

Vẽnegre 4:6 Iomraidhean Croise

1 Rĩm-dãmbã 7:23

A Iram maana ko-sĩnga. A rõog-a-la bedr-bedre ne zũudu; a maan-a-la gilga. A sɛɛga yaa kãntɩɩs piiga. A zãndlem yaa kãntɩɩs a nu. Gĩsg sẽn ta kãntɩɩs pis-tã n da tõe n mobg a lʋgrã n sege.

A. Zoobe 28:17

A yõod ka tek sãnem la nin-gɛtg rẽnd ye, a pa tek sãnem laok sẽn tekẽ ye,

Yikri 38:8

B maana zũud ko-sĩngã. A sẽn dog bũmb ning zuga me yaa zũudu. Pagba sẽn da gãe sɛka rooga noora zũuda nin-gɛtsã la b reeg n kud dẽnd fãa.

Ezekiyɛl 10:12

La malɛgsa zãnga, b poore, b nusi, b pɩgsa, b gʋl a naasa fãa, ra tãoosda bug-pãrse.

Ezekiyɛl 10:14

Malɛk fãa da tara nens a naase: pipi neng ra yaa malɛk nenga; yiib soaba da yaa ninsaal nenga; tãab soaba ra yaa gɩgemd nenga, tɩ naas soaba ya sɩlg nenga.

Vẽnegre 14:3

B yɩɩnda yɩɩn paalle, Zaoora taoore ne Bõn-vɩɩs a naasã la Nin-kẽemsã; ned da ka tõe n zãms yɩɩlã sã n ka bãmb tus koabg la pis naas la a naasã sẽn põs tẽnga velbo.

Vẽnegre 15:2

M yãenda mogr sẽn pɩnd wa nin-gɛtga tɩ bug-witem zomb-a; n paas neb niyns sẽn tõog-b Rũngã, n tõdg a nin-naanda waoogre, n bãnga yʋ-sõtra võore, tɩ b yɛs yĩngr, mogra yegende. B yɛs n wãagda ruuds

Vẽnegre 15:7

Bõn-vɩɩs a naasa nin-yend kõo malɛgs a yopoe wã sãnem laase. Laasa ra pida ne Vɩɩm sẽn ka be sɛɛba soab sũ-puuri.

Vẽnegre 19:4

Wakat kãng la Nin-kẽems pisi la a naasã la Bõn-vɩɩs a naasã wõgemd tẽnga n waoog Wẽnnaam sẽn zĩ b zaoorẽ n yeele: «Ami! Alleluia!»

Vẽnegre 21:11

A waa ne Wẽnnaam meng pẽgre, al t'a yãgbã da yɩɩd kug-neeba buud fãa yãgbo.

Vẽnegre 21:18

— Lal-gũbra meng ra mee ne kug sẽn yãgd b toore, n ya kõaada, la tẽnga tõr mee ne sãnem yulli sẽn pɩnd wa nin-gɛtga.

Vẽnegre 21:21

Rignoy piig la a yiibã da pagda ne kug sẽn saase n pɩnd wa muizãanfo, noor fãa ne a rẽnda. Tẽnga sõasg zĩig da yaa sãnem yull bala, neer wa nin-gɛtga.

Vẽnegre 22:1

Dẽ poore malɛka wilga maam vɩɩm kʋɩlga; a yaa pɛɛlg wa nin-gɛtga la a ra bunda Wẽnd la Pe-bila zaoora tẽngre.

Vẽnegre 4:4

Zaoora meng ra gũbga ne goeels pisi la a naase tɩ Nin-kẽems pisi la a naas da zĩ-b zutu ne fut sẽn ya wogd la peelse; Nin-kẽemsa zut ra fõga sãnem pugli.

Vẽnegre 5:11

M da ket n getame la ade, m wʋma rãamd kãsenga; Malɛk rãmb zãma n da gũbg zaoorã ne Bõn-vɩɩsã la Nin-kẽemsã. B sõora yaa tus kẽema belem tus kẽema n paam n zage. La b ra moonda ne koe kãsenga:

Vẽnegre 5:14

Bõn-vɩɩs a naasa ra leokdame: «Ami!» Tɩ Nin-kẽemsa na n wõgemd tẽng n waooge.

Vẽnegre 5:6

Zaoora yegende, Bõn-vɩɩs a naasã la Nin-kẽemba sʋka, m yãee Pe-bil sẽn yɛse tɩ yaa wa b kodg-a lame la a ra tara yɩɩl a yopoe la nin a yopoe; bãmb la Wẽnd tõogã, b yama sẽn tʋmd b tʋʋmda tẽng zugu, zĩis fãa wã.

Vẽnegre 5:8

A sẽn deege la Bõn-vɩɩs a naasa sẽn wõgemd Pe-bila taoore; Nin-kẽems pisi la a naasa me wõgemdame, ned kam fãa ne a pɛndga, ne a sãnem laag sẽn nukd tɩdare bug-zõose: tẽedba pʋʋsg makre.

Vẽnegre 6:1

M yaool n yãee Pe-bila t'a sokd pipi soagdga; tɩ pipi Bõn-vɩɩga koɛɛg na n tãs wa saaga: «Wa-y!»

Vẽnegre 6:6

la m wʋma koɛɛg sẽn tãse, Bõn-vɩɩs a naasa sʋka, la a mooname: «Zom pɛɛlg wũmbl yaa wakɩ koɛɛnga, zom pugsg wũmbl a tãab yaa wakɩ koɛɛnga; sã n kella kaama la rãama, da paas-y bũmb ye.»

Vẽnegre 7:11

Malɛgsa fãa sẽn da gũbg zaoorã ne Nin-kẽemsã la Bõn-vɩɩs a naasã, b fãa wõgemd n waooga Wẽnnaam,

Vẽnegre 7:17

tɩ Pe-bila sẽn yɛs tẽnsʋka, zaoora taoore, yẽ n na n yɩ b Pe-kɩɩma la b taas b vɩɩm ko-bundem zĩigẽ, la Wẽnnaam na n yẽesa b nintãma fãa.»