Vẽnegre 21:3 - SEBR SÕNGO

³ M wʋma koɛɛg sẽn yi zaoorẽ wã n moone: «Ad Wẽnd zak sẽn ti ninsaalb sʋka; Wẽnd waa n mee bãmb sʋka, tɩ b na n lebg Wẽnd kamba tɩ Wẽnd-be-ne-ba na n legb bãmb Wẽnde.

KÃAB-PAALGÃ KOE-NOOGO

³ Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam neba, la Wẽnnaam mengã na n paa ne bãmba.

WẼNNAAM SEBRE 2014

³ Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam nebã, la Wẽnnaam mengã na n paa ne bãmba.

Vẽnegre 21:3 Iomraidhean Croise

1 Rĩm-dãmbã 8:27

La m kotame n sok n gese Wẽnd sã n sɩd tõee n zĩnda ninsaalb sʋk tẽng zug ka? Yĩngr saasa meng yaool n ka tõe n deeg yãmb ye, m kõn gom do-kãnga m sẽn me y yĩnga ye.

2 Kibayã 6:18

La m na n sokame n gese, Naaba-Wẽnd tõe n zĩnda ninsaalb sʋk tẽng zug bɩ? Yĩngri la yĩngr saas sẽn ka tõe n deeg a soaba, doogã m sẽn me wã maanda a wãna n deeg-ba?

Yikri 25:8

Dẽ fãa la b na n tall n ti gãnd ro-sõngo n kõ-ma tɩ m tõog n pa y sʋka.

Yikri 29:45

M na n zĩnda Israyɛl kamba sʋk n yɩ b Wẽnnaam.

A Ezayi 12:6

Siõ kamba, kaas-y sũ-noogo la kɩdem-y! A Israyɛl Nin-sõnga paam pẽgr f tẽn-peelmẽ!»

Zeremi 31:33

Soaalã n gomde: «Zood ninga m sẽn na n yõg ne Israyɛl roogo wakat kãnga la woto. M na n ninga m noorã neba sũurẽ, m na n gʋls-a-la b sũurẽ. Rẽ wẽnde m na n lebga b Wẽnde tɩ bãmb yɩ mam neba.

Zeremi 32:38

Woto b na leb n yɩ m buudu, tɩ mam yɩ b Wẽnde.

Ezekiyɛl 37:27

Mam na n yɩɩ yãmb Wẽnnaam, yãmb na n yɩɩ mam neba.

Ezekiyɛl 43:7

Ad Soaala sẽn yeel-ma: «Ninsaal biiga, ges zĩigã. Yaa ka la m dɩgl m zaoorã, ka la m sigb zĩiga. M na n waa a Israyɛl kamb sʋka la m na n zĩnda ne-ba, daar fãa yĩnga. A Israyɛl doogo, yẽ ne a dĩm dãmba kõn le rẽgem m yʋ-sõnga ye. B kõn le faool b menga ne b tʋʋm yooda ye, b kõn le mum b dĩm dãmba ka ye.

Ezekiyɛl 48:35

Tẽnga sẽn mag n gilgã: kãntɩɩs tus piig la a nii. Rũnda tɛka ad tẽnga yʋʋr sẽn na n yɩ a soaba: ‹Soaala-Wẽnd zĩig la ka.› »

Zakari 13:9

M na n fɛɛsame la m na n yɩlga sẽn kell-bã. M na n ning-b-la wa b sẽn ningd sãnem la wanzurf bugmẽ tɩ b paam n yɩlge. B na yõk m sɛɛg marsã la m na reeg b kosgo. M na n boola bãmb tɩ m buudu, tɩ bãmb me yeele: ‹Soaala la d Wẽnnaam.› »

Zakari 8:8

M na n le tall-b lame n wa, tɩ b zĩnd Zerizalɛɛm tẽnsʋka. B na yɩɩ mam neba la mam me na n yɩɩ bãmb Wẽnnaam, tɩ m zã-b ne pʋ-peelem la zemsgo.»

Sõadga 9:16

Da yaa boto daar fãa: Sawadga ra yɛsa sɛka roog zugu la yʋngo a ra maanda vẽenem wa bugum dẽnna.

A Zã Sõng 1:14

La Gomda lebga neda, la b waa n zĩnda tõnd sʋka, la d yãenda b ziirã, ziir ninga Ba sẽn kõ b Bi-yende sẽn pid ne sõmblem la sɩda.

A Zã Sõng 14:23

T'a Zezi yeel-a: «Ned sã n nong maam, a na deega m goama, la m Ba na n nong-a lame la d na n waa a soab nengẽ, d na n tii roog a soab nengẽ.

2 Korẽnt rãmba 6:16

Wẽnd dooga maanda a wãn n wa lebg wẽn-naandsa rẽnna? Tõnd yẽne la Wẽnd vɩɩga roogo tɩ b meng n yeele: «M na n ti-la m doog bãmb sʋka la m na n zĩnd n paka bãmba. M na yɩ b Wẽnd tɩ bãmb yɩ m neba.»

2 Korẽnt rãmba 6:18

M na yɩ Ba y yĩnga tɩ y me yɩ m kom-dibli la m kom-pugli — Pãng-Soaba-Wẽnd n yeele.

1Tesalonik Rãmba 3:11

Bɩ Wẽnnaam menga, tond Ba la Soaal a Zezi Krista maneg d sor tɩ d ta y nengẽ.

Ebre rãmba 11:16

B sẽn baood ba-yir ningã yaa ba-yir a to sẽn noom n yɩɩda: arzãn ba-yirã. Ya rẽ yĩng la Wẽnd pa zoe yãnde n pʋd b meng tɩ bãmb Wẽnnaam, la sɩda bãmb meng n segl tẽng kãng n bĩng-ba.

Ebre rãmba 8:10

La ad zood ninga m sẽn na n yõg ne a Israyɛl: Dasem kãens poore, — Soaalã n yeele — m na n ninga mam noya b yamẽ, mam na n gʋls-b-la b sũurẽ, mam na n yɩ bãmb Wẽnnaam tɩ bãmb yɩ mam neba.

Ebre rãmba 8:2

Bãmb n maan b tʋʋmde pʋʋsga zĩigẽ, zãnda tẽngre; zãn-kãng ka ninsaal n ti ye, yaa Soaala sẽn ti a soaba menga.

Vẽnegre 10:4

B sẽn gom n sɛ la m sẽn sɩng n na n gʋls, la koɛɛg n yi yĩngri n yeel-ma: «Bĩng sa-tãs a yopoe wã goama f yamẽ bala la f ra gʋls-b ye.»

Vẽnegre 10:8

Dẽ poore, koɛɛg ning sẽn yi a yĩngr tɩ m wʋma le goma ne m yɛsa: «Kẽng n tɩ reeg seb bila malɛka sẽn zãad a nugẽ, malɛk ning sẽn teega mogra la tẽngã.»

Vẽnegre 12:10

M wʋma koɛɛg sẽn tãs yĩngri: «Marsã tɛka tõnd Wẽndã n so tõogo, naam la ziiri, la b Krista zaoo bũmb fãa zugu, tɩ tõnd saam-biisa rõatã, sẽn da rõta bãmb Wẽnd taoor, wĩntoog la yʋngo, b lub-a-la tẽnga.

Vẽnegre 21:7

Sẽn maan-a raood fãa pʋɩɩr na n yɩɩ woto; M na yɩla a Wẽnnaam tɩ yẽ yɩ m biiga!

Vẽnegre 22:3

Kãab-wẽng kõn le kãab be ye; Wẽnd ne Pe-bila zaoor na n lugla tẽnga sʋka tɩ b kamba wat be n waoogd-b.

Vẽnegre 7:15

Yaa rẽ yĩng la b yɛs Wẽnnaam zaoora taoore, n tʋmd b tʋʋma wĩndg la yʋngo, b roogẽ. Sẽn zao-a zaoorã na n kẽes-b-la a zãnd maasmẽ.