Sofoni 3:4 - SEBR SÕNGO

⁴ A bãngdba yaa yʋ-baoodba, zirẽ dãmba. A maan-kʋʋdba ka zãad te-sõma wã wa sẽn segd ye, b kɩɩsda Soaala noore.

WẼNNAAM SEBRE 2014

⁴ Bãmb no-rɛɛsdbã yaa bi-beese, la zãmb dãmba, bãmb maan-kʋʋdbã rẽgemda bũmb nins sẽn welg toor Wẽnnaam yĩngã, la b kɩɩsd tõogã.

Sofoni 3:4 Iomraidhean Croise

A Ezayi 9:15

Sẽn da tog n wilg-b sorã kẽe moogo, bãmb n deng menengo.

Zeremi 23:32

Mam na n zaba ne bãngdb niynsi sẽn yagd-b zirẽ tɩ b paama beoog yɛla pukri. Zirẽ-be-wagla rãmb tar m buudã n kẽesd moogo. Mam pa tʋm-ba, m pa kõ-b noore. B pa sõngd m buuda ba sẽn paood ye. Soaala n gome!

Zeremi 34:19

M sẽn na n dɩk b rãmba n kɩs b bɛɛba la woto: Zɩɩda na-biisi n paas Zerizalɛɛm dãmba, maan-kʋʋdba la tẽnga neb niyns sẽn tũ-b nag-bila boaag a yiiba sʋkã n loogã.

Zeremi 5:31

Bãngdba gomda wẽn-faoog yĩnga, tɩ maan-kʋʋdba baood sẽn ya yõod b yĩng bala, tɩ m buuda get rẽ wa bõn-sõngo. Yɛla baasg raare, y na n maana bõe?

Zeremi 8:10

Sẽn ya woto wã, Soaala n gomde, m na n dɩka b pagbã n kõ neb a taaba, n dees b pʋto n kõ sẽn dat-ba. Bãng-y tɩ b fãa gill, sẽn sɩng kom-bõonego, n digd bɛda yaa b meng yõod bal la b baooda; sẽn sɩng bãngda n wat maan-kʋʋda fãa yaa ninsaan-kazukma.

Kʋʋr yɩɩla 2:14

F bãngdba sẽn taas foom koees niynsã yɩɩ zirẽ la yɛl faado. B pa wilg foom f kongr ye; dẽ n dag n na n sãoogẽ f yĩnga. B sẽn taas foo koees niynsa yaa zirẽ la belgre.

Ezekiyɛl 22:26

Maan-kʋʋdba tõdga m noya, n dẽgem m doogo. B ka bakd bõn-wẽng ne bõn-sõng ye; b ka wilgd bõn-dẽgd n bak ne sẽn ka rẽgd ye. B pa waoogd vʋʋsg raar ye. Woto wã ned ba a ye ka waoogd maam wala sẽn segd ye.

Ezekiyɛl 22:6

Ges Israyɛl, fo pʋgẽ, rĩm-biig fãa, zʋʋgda a tõogo, tɩ kũum kʋʋda.

Ezekiyɛl 44:23

Maan-kʋʋdbã n na wilg zãma wã bũmb ning fãa sẽn welg toore Wẽnd yĩnga la b wilg n bak bũmb sẽn ka rẽgemde la bũmb sẽn dẽgemde f sã n sɩɩs-a.

A Ooze 9:7

Soaala sẽn na n yik ne yãmb daara na n taame. Geelsa raar taame, la ka ling a Israyɛl ye. Y maandame tɩ bãngda yaa gãeenga, Wẽnd sẽn pʋdg a soab bãngrã yaa zʋbsa. Ade, y yel-wẽna sẽn ka tɛkã n wa ne rẽ, y sẽn ka tar sugr ne bãngdã n wa ne rẽ.

A Miise 2:11

Ad-y ned sã n yiki n togsd yãmb gom vɩɩdo la a wãagd koom, n yetẽ: «M na gom y yĩnga y sã n na n tɩgs-m ne rãam la rã-toos buud fãa.» Ad-y ned a woto la bãngd gãeeng ninga sẽn tog ne yãmbã.

A Miise 3:11

Yãmb soaalba deegda kũuni n yaool n kaood bʋʋdo. Maan-kʋʋdba deegda ligdi n yaool n na n zãms noorã. Bãngdba ka yaagd b noore n togs sẽn wat beoogo tɩ b ka reng n deeg ligd ye. Bãmb n maand tɩ b teega Wẽnde la b yetẽ: «Wẽnd ka be tõnd sʋk laa? Yel-beed yɩta a wãn n lʋɩ d zugu?»

Malasi 1:6

Maam, Naaba-Wẽnde, dũni fãa Soaala yeta maan-kʋʋdba woto: «Biig waoogda a ba, tɩ yem-daoog zoet a zu-soab nifu. La sã n yaa maam, m ka naag n ya y ba la y zu-soab bɩ? Bõe tɩ y pa waoogd-m la y pa zoet m nifu? Y toog ka be ne maam ye la y bee tẽngre n sokdẽ: ‹D sãbs-y-la wãn-wãna?›

Malasi 2:7

Maan-kʋʋd tʋʋmd yaa a zãmbs neba tɩ b bãng Soaalã. Yaa yẽ la b na n wa sok n bãng yaa so-bʋgo la noora rat tɩ b tũ tɩ yẽ la dũni fãa Soaala no-rɛɛsa.

Malasi 2:8

La yãmba, maan-kʋʋdba, yãmb bʋdga sore. Y zãmsga kɩtame tɩ neb wʋsg kẽ moogo. Y sãama d zoodã, maam n yete, maam, dũni fãa Soaalã.

A Matiye Sõng 7:15

Gũus-y ne zirẽ-be-bãngdba. B sã n be yãmb sʋka, bãng-y piis sẽn ka tar b toorẽ yell ye, mik yaa digd-n-yĩid-toose.

2 Korẽnt rãmba 11:13

Nin-bãmb ka tʋʋm-tʋmdb akɩk ye, yaa rɩ baoodb sẽn belg tɩ b yaa Krista tʋʋm-tʋmdba.

1 Zã 4:1

M kom-nongdse, maan-y gũusgu ne neb kẽere, bãng-y b yama sã n sɩd yaa Vʋʋsem Sõng rẽnna, la tẽeg-y tɩ zirẽ-be-bãngdb ka tɛk n wa moogo.

Vẽnegre 19:20

Yaa Rũnga ne a zirẽ-be-bãngda la b yõk yã; zirẽ-be-bãngd kãng n da kẽ Rũnga tãpẽ la a maand bõn-bãna n tudgd neb niyns sẽn deeg-b Rũnga makre la b waoogd a nin-naandã. B losa bãmb b yiib fãa vɩɩse bugmẽ, kidbri bugum sẽn da yɛdg wa kʋɩlga.

Bʋ-kaoodba 9:4

Dẽ la b kõ-a wanzurf wakɩ koeems pisopoe wala b sẽn geend wakɩr to-to a Baal-Berit wẽnd doogẽ. A Abimelɛk rɩka ligdã n na n yao nin-yaals la bi-beese sẽn na n pʋg a poore.

1 Sãmwɛlle 2:22

A Eli da kʋʋla wʋsgo, la a waa n wʋma a kamba sẽn da maan seem ninga ne a Israyɛl zãng fãa, a wʋmame tɩ b da tol n gãee ne pagba sẽn da tigimd sɛka roog noor, b tʋʋmd yĩnga.