Sofoni 1:5 - SEBR SÕNGO

⁵ M na n zaba ne sẽn dʋʋd-b rot zutu n waoogd yĩngr ãdsã, n zab ne sẽn ka yɛs-b zĩ-yɛnga. Bãmb dãmb n wẽende tɩ yaa maam, Naaba-Wẽnd, la b pʋgda la b naag n pʋgd wẽn-naand a Milkom.

WẼNNAAM SEBRE 2014

⁵ Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Sofoni 1:5 Iomraidhean Croise

1 Rĩm-dãmbã 11:33

Yaa a Salomo ne Israyɛl sẽn bas maama, n tɩ wõgend a Astarte taoore, Sidõ rãmb wẽn-poaka, n tɩ wõgemd a Kemos taoore, Moabitsa wẽnde, n tɩ wõgemd a Milkom taoore, Amonitsa wẽnde; yaa Salomo sẽn ka tũ sor ning m sẽn wilg-a, yaa a sẽn ka maan neer m nifẽ, n ka reeg m noya la m saglse wala a ba, a Daviid.

1 Rĩm-dãmbã 11:5

A Salomo pʋga a Astarte, Sidõ rãmb wẽn-poaka n paas a Milkom, Amonitsa yel-yooko.

1 Rĩm-dãmbã 18:21

A Eli kolg n yeela zãma wã: «Yãmb na a n keoosa woto n kɩlld goabg la rɩtgo n ta da-bʋre?» Sã n yaa Soaala-Wẽnd la y pʋgda, bɩ y pʋg bãmba, la sã n yaa a Baal la y pʋgda, bɩ y pʋg yẽndã. La neba pa yãe koɛɛg n leok ye.

2 Rĩm-dãmba 17:32

B da rigda Naaba-Wẽnd dabeem la bãmb sʋka, b ra tũusa neba n maan b maan-kʋʋdba, sẽn da pʋʋsd bãmb zĩigẽ, b wẽn-naandsa rotẽ.

2 Rĩm-dãmba 17:33

Woto b ra waoogda Naaba-Wẽnd la b ra waoogda b wẽn-naandsa me, wala bu-zẽna sẽn da maand b tẽnsẽ.

2 Rĩm-dãmba 17:41

Woto nin-bãmba buudu da waoogda Naaba-Wẽnd, la b da waoogd wẽn-naandse tɩ b kamba la b yagens ket n maand dẽ rũnna.

2 Rĩm-dãmba 23:12

Dĩma wãa maan-kug niyns sẽn da be a Akaz bɛongã zugu. Zɩɩda dĩm dãmbã n da me-ba. A wãa a Manase sẽn da me b rãmba wẽnd dooga zãong a yiiba pʋsẽ. Dĩma tus-b lame n lubi, n wã-ba, n wʋk b toma n tɩ lob Sedrõ tãn-longa pʋga.

A Ezayi 22:1

Naaba-Wẽnd sẽn yeele b likra bãg-faag poorẽ. Yaa bõe n wate Zerizalɛɛm? Bõe tɩ f neba fãa zoet n dʋʋd b bɛɛndo?

A Ezayi 44:5

Nin-yend na n yeelame: «Maam la Naaba-Wẽnd soolem,» la a to na n yeelame tɩ b bool-a t'a Zakoob; a to na n gʋlsa a nugẽ: «Naaba-Wẽnd n so maam,» la a kot tɩ b bool-a t'a Israyɛl tɩ rẽ la a zu-zẽkre.

A Ezayi 45:23

M wẽenda ne m menga, m noor sẽn yiis yaa sɩda, yaa gomd sẽn ka tõe n ka pidsi. Yaa mam taoor bala la rũmd fãa tog n yĩgimdi yaa ne mam yʋʋr bala la zelemd fãa na n wẽene,

A Ezayi 48:1

Kelg-y woto, Zakoob kamba, b sẽn boond yɛs tɩ Israyɛl kamba tɩ y sũur tosd kaam! Kelg-y woto, sẽn yit-b Zɩɩda tẽn-peelmẽ. Ade, yãmb wẽenda ne Soaala yʋʋre, n wɩngd ne Israyɛl Wẽnda boolgo, n yaool n ka boond ne yam tɩrga, n ka boond ne pʋ-peelem ye.

Zeremi 12:16

B ra zãmsa m buuda t'a wẽend ne a Baal yʋʋre. La b sã n tõog n zãms n vɩɩnd wa m neba sẽn tog n vɩɩndã, b sã n wẽend ne Soaala, ne Vɩɩm Naaba yʋʋre, bãmb me na paam zĩiga m buuda sʋka.

Zeremi 19:13

Zerizalɛɛm yiya, la Zɩɩda nanamsa yiya, na n lebga yi-yoodo, zĩ-põosgo wala Tofɛt zĩiga. Na n yɩɩ boto tɩ do-kãsensa fãa zutu, b wisa tɩdare yĩngri ãdsa yĩnga, la b basa rãam tẽn-taas wẽn-naands yĩnga.

Zeremi 32:29

Babilon dãmba sẽn da sɩng tẽnga wãabã na n kẽ-la a pʋgẽ la yaa bugum la b na n ning-a. B na n yõoga rot niynsi b sẽn da paoog maam b rãmb pʋsẽ, n yõogd wisdu a Baal yĩnga la b wat ne kũuni la rãam, bu-zẽna wẽn-naandsa yĩnga.»

Zeremi 4:2

Zirẽ-beed sã n ka f noorẽ, tɩ f wẽen wa sẽn tog la sẽn zemse, n wẽen ne Soaala, vɩɩm naaba, ad bu-zẽmba mens na kos-ma tɩ m ning-b barka, la b na kils m yʋʋre.

Zeremi 49:1

A Amon kamba poorẽ, Soaala gomda woto: «Sɩngame tɩ bõe tɩ wẽnd a Milkom wa so Gad tẽn-peelem? Sɩngame tɩ bõe tɩ Amonitsa wa so Israyɛl tẽnse? A Israyɛl konga kamb bɩ, kamb sẽn na n welg b ba raboog bɩ?»

Zeremi 5:2

Ad-y tẽnga rãmb sã n wẽenẽ la b yet woto: «M wẽend ne Soaala-Wẽnd, Vɩɩm Naaba,» b wẽena Soaala yʋʋr zaalem.

Zeremi 5:7

Zerizalɛɛm, m na n kõ-f-la sugr bõe yĩnga? Fo kamb basa maam, b wẽenda b wẽenego ne wẽnd sẽn ka wẽnd ye. M ka bas tɩ bũmb paoog-b ye, la b saa n yo-la b yoobo, Yooba zĩigẽ la b ra zoet n dengd taaba.

Zeremi 7:10

Y yaoondame marsã n wa m taoore, wẽnd dooga pʋga, m waoogra roogẽ la y yetẽ: «Tõnd yell manegame,» la y baas n ket n tʋmda y tʋʋm wẽna.

Zeremi 7:9

Sɩda, y zuudame, n kʋʋda, n yooda, n kãabdẽ n yaool n ka pidsdẽ, n kẽnd a Baal taoore ne y maando, n pʋgd wẽn-sãamse la m yaool n ka ne bũmb ninga sẽn be yãmb ne bãmb sʋk ye.

Zeremi 8:2

B na n yɛdg-b-la wĩndga la kiuuga vẽenemẽ, yĩngr ãdsã vẽenemẽ, tɩ bãmb la b ra nonga, bãmb la b ra kʋʋd maando, bãmb la b ra pʋgd ne b sũur fãa, bãmb la b ra bʋgda n na n bãng beoog yɛla. Bãmb la b waoog yã. Kõaba pa na n n wʋk ye, b ka na n le bus yaoogẽ ye, b na n yɛdg-b-la wa birga.

A Ooze 10:2

A Israyɛl kamba yaa ninsaan-kazukma, sɩd ka be b pʋgẽ ye. B wẽnema la b na n tʋk marsã wa zɩɩbo. Soaala na n wã-la b maan-kugã.

A Ooze 4:15

Woto wã, Israyɛl, fo saka yoobo. Bɩ a Zɩɩda vẽ ne rẽ. Da kẽng-y Gilgal b sẽn boond tɩ b tẽn-sõnga ye, da rʋ-y Betɛl sẽn ya bug-tẽnga ye. Da wẽen-y n yet tɩ ne Vɩɩm Naaba-Wẽnd ye!

A Amoose 5:26

Y ra ka pʋgd wala y sẽn pʋgd dũnna a Sakut la a Kewã ye. Wẽn-bãmb yaa yãmb n yaool n dõoge. Bãng-y tɩ y na tʋk-ba n looge,

A Matiye Sõng 6:24

Ned ka tõe n maan zu-soaben-dãmb a yiib raab ye, f na kisga a ye, n nong a ye, f na n basa a ye n tũ a ye. Yãmb me ka tõe n pʋg Wẽnnaam la y pʋg Ligd ye.

Tʋʋma 10:9

Vẽkembeoogo b taame. Zemsa wĩnto-suka, zemsa a Piyɛr sẽn dʋ rooga zug n na n pʋʋse.

Rom Dãmba 14:11

M wẽenda (yaa Soaala meng n gomde) tɩ rũmd buud fãa na n yĩgimda m taoore la zelemd buud fãa na n pẽg-m lame.

Yaoolem 10:20

Yãmb na n zoe Wẽnnaam, y Soaala, rabeem n deeg b noore, n nong-ba, n ka wẽen ne ned a to yʋʋr sã n ka bãmb dẽnna.

Yaoolem 4:19

Da saag-y n ges yĩngri, n ges wĩntoogo, kiuugu, ãdse, bũmb ning fãa sẽn yãgd yĩngri la y lɛɛg n bas tɩ b belg yã tɩ y wõgemd b taoore n yɩ b sõgen ye. Wẽnnaam, y Soaala, basa manes kãens ne dũni wã ninsaalb a taaba.

Zozuwe 23:7

Da saag-y n fãoog y mense ne buud a taba sẽn ket n vɩ-b yãmb sɛɛgẽ wã ye. Da pʋd-y b wẽn-naandsa yʋʋre, da wẽen-y ne bãmba, da pʋg-y-ba, da wõgemd-y b taoor ye.