Sofoni 1:10 - SEBR SÕNGO

¹⁰ Maam n le yete, maam, Naaba-Wẽnde, tɩ m maoonga raare, Zerizalɛɛm dãmb na wʋm kɛleng, Zĩma rignoorẽ. Kũmkũm na sãd Kẽedpaalgo la tãmsa na wulumd ne bʋ-raase.

WẼNNAAM SEBRE 2014

¹⁰ Maam a Sẽn-Ka-Saab yetame: «Badaare, b na n wʋma kelems sẽn yit dignoor ning b sẽn boond tɩ Zĩm Dignoorã sẽnẽ, la b wʋm wiisg sẽn yit Sag-paallã pʋgẽ, ne bʋr-kãseng sẽn yit tãmsã sẽnẽ.

Sofoni 1:10 Iomraidhean Croise

2 Sãmwɛlle 5:7

La a Daviid zabame n deeg Siõ tãnsoaben-doogo; dẽ n lebg a Daviid na-tẽnga.

2 Sãmwɛlle 5:9

A Daviid kẽe tãnsoben-dooga pʋga, n bool-a t'a Daviid na-tẽnga. La a mee lalg n gilgi, n sɩng Milo n digd pʋgẽ.

2 Rĩm-dãmba 22:14

Maan-kʋʋd, a Ilkiya, n paas a Ayikam, a Akbor, a Safã la a Asaya kẽnga bãngd poaka a Ulda nengẽ. Yaa a Salum paga la yẽ n da gũud futã. A Salum da yaa a Tikwa biiga, a Aras yagenga. Paga ra bee Zerizalɛɛm, Kẽedpaoolgo. B togsa paga kibara zãnga.

2 Kibayã 3:1

Yɩɩ Zerizalɛɛm, Soaala-Wẽnd sẽn wilg a Ba a Daviid t'a me wẽnd dooga zĩig ningã, yaa zĩ-kãng la a Salomo me wẽnd doogã. Yɩɩ Zebuzitga a Orna zɛɛgẽ.

2 Kibayã 32:22

Yaa woto la Naaba-Wẽnd fãag dĩm a Ezekiyas la Zerizalɛɛm dãmba, Asiri dĩma a Senakerib nugẽ, la a bɛɛb a taaba nugẽ. Naaba-Wẽnd kẽesa laafi a Ezekiyas soolmẽ.

2 Kibayã 33:14

A Manase le manega a Daviid na-tẽnga yɩng lalgã, Giõ nin-taoore, bog zulunga yegende, n ta Zĩma noorẽ. Lalga tõogame marsã n gũbg Ofɛl, la a paasa a zãndlma wʋsgo. A ninga tãnsoaben-dãmb Zɩɩda tãnsoben-tẽnsa fãa pʋgẽ.

2 Kibayã 34:22

A Ilkiya ne dĩma neba kẽnga bãngd poaka a Ulda nengẽ. Da yaa a Salum paga, a Tokeyat biiga, a Asra yagenga. A sɩda n da gũud futã. A ra bee Zerizalɛɛm Kẽedpaolgo. B goma ne-a n wilg yɛla sẽn be zĩig ninga.

A Neemi 12:39

D yii be n loog a Efrayim noore, a Yesana noore, kʋɩl-zẽeda noore. D sẽn loog a Ananeyɛl ro-lug-lugi la neb koab ro-lug-lugã, d waa n looga Piisa noore n ta gũudba noore.

A Neemi 3:3

Yaa Senaa tẽng rãmb n maneg n ta Zĩm noora zãongo. B maneg-a lame n me n ning sugri, n yals kʋɩlengã a nao zugu, n ning kut sogdse.

A Ezayi 59:11

D fãa zĩ n waasda wala we-rũnga, la d guusda wala malwalle. D da tẽedame tɩ Soaala-Wẽnd na n lʋɩɩsa b toogo, la zaalem; fãagre la d da gũuda, la d ket n zãr ne-a.

Zeremi 39:2

Yɩ-la a Sedesiyas naam yʋʋmd piig la ye soaba, kiuug a naas soaba, kiuuga daar a wɛ soaba la Babilon dãmba poog lal-gũbra zĩig a yembre.

Zeremi 4:31

N-yẽe! M sẽn wʋmd marsã wã wẽnda pag sẽn kũsd rogem kũsga, wẽnda pag sẽn nan dogd a pipi biig waasgo. Koɛɛga yaa a Siõ koɛɛga, yẽ n waasd la a zẽkd a nus n yetẽ: «M yell sãamame, m lʋɩ m kʋʋdba nusẽ yeee!»

Ezekiyɛl 6:13

B yĩnsa na n sẽega tẽnga n naag ne b wẽn-naandsa, b maan-kuga sɛɛga, tãmsa la kunkuba zutu, tɩɩsa sẽn tob la sẽn gũma tẽngre, la zĩis niyns fãa b sẽn kʋʋd b wẽn-naandsa maando. Woto b fãa na bãng tɩ maam la Soaala-Wẽnde.

A Amoose 8:3

Maam n yete, maam, Naaba-Wẽnde, tɩ m sẽn na n yik ne b raare, bãng-y tɩ kʋ-yãbdba sẽn be dĩma zaakẽ wã na wiis b wiisgu. Kũum sẽn sam taab la b na n yãende, kũum sẽn dɩg zĩig zãng la b na n yãende. Sẽn lebẽ fãa, tẽnga na n yɩɩ sɩɩ.»

Sofoni 1:15

Na n yɩɩ sũ-puur daare, namsgo la rigb daare, lika la sawat sabla daare, wulgu, zĩ-boog daare.

Sofoni 1:7

Bas-y bʋʋre Soaala-Wẽnd taoore, tɩ b sũ-puura raar kolgdame! N-yẽe! Soaala segla maoongo, la b zoe n yɩlga b sẽn bool b rãmba.