Sõadga 3:40 - SEBR SÕNGO

⁴⁰ Naaba-Wẽnd yeela a Moyiiz: «Sõd la f gʋls Israyɛl bi-rẽeng fãa sẽn ya raoa la sẽn ta kiuugu.

WẼNNAAM SEBRE 2014

⁴⁰ Sẽn-Ka-Saab yeela a Moyiis yaa: «Sõd Israyɛll nebã kom-dẽems nins fãa sẽn ya-b raop yʋʋm sẽn ta kiuugu, la sẽn yɩɩd dẽ wã, n gʋls ned kam fãa ne a yʋʋre.

Sõadga 3:40 Iomraidhean Croise

Yɩɩn‑sõamyã 87:6

Wẽnd tara buud fãa rogem sebre, b gʋlsa ned kam fãa a sẽn dog zĩig ninga. Nebã sã n yaool n yɩɩndẽ la b saoodẽ b yetame: «M ba-yir la Siõ.»

A Ezayi 4:3

Sẽn pa-b Zerizalɛɛm, sẽn na n põs-b Siõ, bãmb fãa na n boolame tɩ neb sẽn welg toor Soaala-Wẽnd yĩnga; bãmb fãa yʋy la Soaala gʋls b vɩɩma sebr pʋgẽ tɩ b na n vɩɩnd Zerizalɛɛm.

Sõadga 3:12

«Mam meng m toore n tũus Levitsa Israyɛl kamba sʋka. B lebga m soolem tɩ bãmb la m deeg yã wala a Israyɛl bi-rẽenga.

Sõadga 3:15

«Sõd a Levi kamba, zak-zaka, roog-roogo. Sõd bi-ribl fãa sẽn ta kiuugu.»

Sõadga 3:41

Levitsa na n yɩɩ mam soolem, maam, Naaba-Wẽnde. A Levi kamba n na n deeg a Israyɛl kom-dẽemsa zĩigẽ, wala b rũmsa kom-dẽems sẽn na n deeg Israyɛl rũmsa kom-dẽemsa zĩigẽ.»

Sõadga 3:45

«Deeg Levitsã a Israyɛl kom-dẽemsa zĩigẽ; reeg Levitsa rũm-dẽemsã a Israyɛl rũm-dẽemsa zĩigẽ. Levitsa yaa m soolem tɩ maam la Naaba-Wẽnde.

A Luk Sõng 10:20

La baasgo bɩ y ra noog y sũuri sʋtãamba sẽn deegd y noor yĩng ye, noog-y sũuri yãmb yʋy wã sẽn gʋls arzãnẽ yĩnga.»

Filip rãmba 4:3

La foom me Sizig, m tũud-n-taag menga, bɩ f mao n sõng-ba; ad pʋg-kãensa sõnga maam wʋsgo ne Koe-nooga tʋʋmde, bãmb ne a Klema la m sõangdb a taaba: bãmb yʋya gʋlsa vɩɩm sebra pʋgẽ.

2 Tɩmote 2:19

Kug niyns Wẽnd meeba sẽn tʋɩɩs b rãmb zugã ka bõn-wãadem ye la fãa yɛsa ne bãmb gomda pãnga. Ad-y Wẽnd mi-la b neba la b raab la woto: «Sẽn pʋta bãmb yʋʋr fãa zãag ne wẽnga.»

Ebre rãmba 12:23

yãmb kolga neb niyns sẽn deng-b fãa n paam b yʋy gʋlsgo arzãna la y kolga Wẽnnaam, dũni bʋ-kaooda, y kolga nin-sõma sɩɩs sẽn pelg-b zãnga,

Vẽnegre 14:4

Bãmb dãmb zɩ n lagem ne pagb ye, yaa zɩ n lagem pagb zãnga; bãmb n pʋgd Pe-bila a sẽn tʋgdẽ fãa; ninsaalba sʋka, bãmb la Wẽnd la Pe-bila kood-rẽems.

Vẽnegre 3:5

Sẽn maand-b raoodo, yaa fu-pɛɛlg la m na n yeelg-ba la b yʋʋr kõn yẽes abada Vɩɩm sebrẽ wã ye, m na wilg tɩ m mi-b lame, m Ba ne b malɛgsa taoore.