Sõadga 18:21 - SEBR SÕNGO

²¹ Soaala paasame: «A Levi kamba pʋɩɩr la woto: B tʋʋmda keoor yĩnga, b sẽn tʋmd sɛka roog tʋʋma yĩnga, bãmb na n sooga Israyɛl kamba sẽn yãkd b paoong pʋgẽ, pʋɩɩr a ye piig fãa zugu n kõt Soaala-Wẽndã.

WẼNNAAM SEBRE 2014

²¹ Sẽn-Ka-Saab leb n yeelame: «Ad pʋɩɩr ning mam sẽn na n kõ Leevi buudã tɩ yɩ b yaoodo, tʋʋmd ning bãmb sẽn maand sɛk roogã yĩngã yĩnga. Bõn-koaadl nins fãa piig pʋɩɩr Israyɛll nebã sẽn na n yãk n wa kõ maamã na n yɩɩ bãmb dẽnda.

Sõadga 18:21 Iomraidhean Croise

Sɩngrẽ 14:20

Yĩngr Soaala paam barka, tɩ bãmb n sagl f nugẽ, f bɛɛba gilli!» A Abram weela a paoongã fãa piig-piiga n dok a ye piig fãa zug n kõ a Mɛlkisedɛk.

Sɩngrẽ 47:24

Y sã n wa tigs y koodã, y na welg-a pʋɩɩr a nu n yãk a ye n kõ dĩma, n tall a naase; ka-buud na n yii be, yãmb dɩɩb na n yii be, yãmb sẽn get b rãmb fãa yell dɩɩb na n yii be.»

Sɩngrẽ 47:26

A Zozɛf yalsa noor b sẽn ket n deegd Ezipt tẽng rũnna: pʋɩɩr a nu soaba yaa a dĩma n so. Maan-kʋʋdba pʋt bal la dĩma ka sooge.

2 Kibayã 31:12

Woto b tõog talla wakat buud fãa n wa bĩng be neba kũuni, lemsã la yamleoog kũun sõma wã. Levit a Konaniya ne a yao a Simeyi n soog b bĩngri.

A Neemi 10:29

Sẽn kell-bã, buudã, maan-kʋʋdba, Levitsa, dagno-gũudba, yɩɩn-yɩɩndba, noakense, neb niyns fãa sẽn welg b ne b tẽng rãmba n na n tũ Wẽnde, ne b pagba, b kom-dibli la b kom-pugli sẽn wɩsge,

A Neemi 10:37

d kom-dẽems la d rũms kom-dẽemse, wala sẽn gʋls Sebra pugẽ, rũm-bɛdã wala rũm-bõonesa kom-dẽems yaa maan-kʋʋdba yĩnga.

A Neemi 10:38

D na n paasa zom bãanega, tɩɩs biisi, rãam, kaam; dẽ fãa na n tall n waa d Soaala roogẽ. D na n yãka d kooda pʋɩɩr piig soaba n kõ Levitsa la yaa Levit dãmbã b toore n na n sa n dees pʋɩɩrã, tẽng ning fãa b sẽn kẽedẽ.

A Neemi 12:44

Wẽnd kãnga b yãka neb sẽn na n ges kũuna neba sẽn tar n watẽ wã. Yaa Maan-kʋʋdba la Levit dãmba sẽn da tog n paam bũmb ninga b tẽnsẽ la b soolmẽ, wala kood rẽemsã lemsã la kũun a taabã. A Zɩɩda zãng da tara sũ-noogo tɩ maan-kʋʋdba la Levitsa tʋʋmd da yaa sõma.

A Neemi 12:47

Yaa rẽ yĩnga la a Zorobabɛl la a Neemi wakatẽ, b ra dɩlgda yɩɩn-yɩɩndbã la ragno-gũudba, wala sẽn segde. Levitsa da reegda maanda kũun sõma wã la b ra taasda maan-kʋʋdbã, a Aarõ yagensã, b rẽnna.

A Neemi 13:12

A Zɩɩda tõre le waa ne koodã, rãama la kaama lemse.

A Neemi 13:5

a baoo do-yalengo n kõ a Tobiya t'a bĩngd teedã. Yɩɩ roog ning b sẽn da bĩngd yamleoog kũuna, tɩdarã, lagdã, kooda lemse, rã-paalgã, kaama, b sẽn da reegd bũmb ning fãa Levitsa yĩnga, gũudba yĩnga la maan-kʋʋdba yĩnga.

Malasi 2:4

Y na bãng tɩ yaa maam, Naaba-Wẽnde, dũni fãa Soaala n kõ no-kãnga, tɩ m datame tɩ m zooda ne a Levi la a Levi yagensa ra sãam ye.

Malasi 3:10

Dũni fãa Soaala gomda woto: «Bɩ y tall n wa teeda bĩngr doogẽ y sẽn tog n kɩsa fãa, tɩ m zaka pid ne rɩɩbo. Maan-y boto n fɛɛs-ma la y na yãend tɩ m pak y yĩnga yĩngr sa-kooma la bark buud fãa na rʋʋg y zugu zembala.

Sõadga 18:6

Ade, mam meng m toore n dɩk Levitsã, y saam-biisã, n kõt yãmba. M kɩs-b lame tɩ b reeg yãmb zĩiga n tʋm Wẽnd sɛka rooga tʋʋma.

Sõadga 3:6

«Bool a Levi rooga t'a wa reeg tʋʋmde maan-kʋʋd, a Aarõ, nengẽ. Bãmb n na n sõng-a.

Sõadga 31:28

Y na reeg yaood Wẽnd yĩnga tãb-biisa pʋɩɩrẽ: ned a ye neb kobs-nu zugu, rũng a ye, rũms kobs-nu zugu, sã n ya niisi, bõeense la rũm-bõonese.

Galat Rãmba 6:6

Bɩ karen-biig modg n sõng sẽn zãmsa yẽ karengã ne a paoong fãa.

Yaoolem 18:8

B rɩlgr yĩnga, b fãa pʋɩɩr na n zenga taaba, b sẽn paam b ba rãmba nengẽ n koosã toog sẽn yãke.

Ebre rãmba 7:5

Sɩda a Levi buud kamba sẽn lebgd maan-kʋʋdba tara tõogo n deeg bũmb neb a taaba nengẽ, dat n yeelame tɩ b saam-biis nengẽ, a Abraam yagense, wa bãmb mense.