Sõadga 16:5 - SEBR SÕNGO

⁵ A yeela a Kore ne a nebã: «Beoog yibeoogo Soaala-Wẽnd meng n na n welg b welgre n wilg sẽn ya-a sõngo la a tõe n kolg bãmba. B sẽn welg a soab toorã n na n tõog n kolg-ba.

WẼNNAAM SEBRE 2014

⁵ La Moyiis yeela a Koore ne a poorẽ dãmbã yaa: «Beoog yibeoogo, Sẽn-Ka-Saab na n kɩtame tɩ b bãng ned ning sẽn welg toor n yaa bãmb dẽnda, n kɩt t'a kolg bãmba, la yaa bãmb sẽn na n yãk a soabã n na n kolge.

Sõadga 16:5 Iomraidhean Croise

Yɩɩn‑sõamyã 105:26

Dẽ me la b tʋm b sõgna a Moyiiz n paas a Aarõ, a sẽn da yãke.

Yɩɩn‑sõamyã 115:10

Aarõ roogo, teeg-y Soaala, bãmb la y sõangda la y gãongo.

Yɩɩn‑sõamyã 65:4

M beegra waa n looga toogo, la y sak n yẽesa fãa gilli.

Yikri 28:1

Soaala-Wẽnd yeela a Moyiiz: «Bool f kẽem a Aarõ ne a kamba, a Nadab, a Abiyu, a Elazar la a Itamar. Fo na n welg-b-la ne Israyɛl kamb a taaba la maan-kʋʋr tʋʋmd la b na n tʋm m zakẽ.

Yikri 28:41

Kɩt tɩ f kẽema, a Aarõ ne a kamba ning-ba. Taag kaam b dĩiri tɩ b paam n sɩng b tʋʋmde. Welg-b toore n kõ maam tɩ b yɩ m maan-kʋʋdba.

Yikri 28:43

A Aarõ ne a kamb na n yeelga boto b tʋʋmda wakato, woto me b kõn kolg b zaal maan-kugra ye; ka rẽ b na maan bũmb sẽn ya wẽnga n sek b kũum. Woto yaa noor sẽn kõn teem abada, a Aarõ ne a yagensa yĩnga.»

Zeremi 30:21

Yãmb nin-yende n na n lebg yãmb naaba; N-ye, yãmb nin-yend n na n yɩ-y naaba! M na n kõ-a-la sore t'a pẽneg maam, tɩ ned ba a ye ka na le saag n koos a yõor ye, n sak n kolg maam tɩ m ka bool-a ye, yaa Soaala-Wẽnd n togs rẽnna.

Zeremi 49:19

Ade, m na n yɩɩ wa bõnyẽega, sẽn yit Zʋrdẽ kãgrẽ n tees rũms wãbneg-zĩiga, Yaa Soaala-Wẽnd n gomde, la vugr bala m na n sẽega fãa. Dẽ poore m na n ninga m yam sẽn dat a soab be. Ãnna n zem maam? Ãnna n tõe n bool maam bʋʋdo? Nin-naab a bõe n tõe n yaas mam taoore?

Zeremi 50:44

Ade, m na n yɩɩ wa bõnyẽega, sẽn yit Zʋrdẽ tʋgrẽ n wat rũms wãbneg zĩigẽ. Tao bala, bũmb fãa na menem. M na kẽes Babilon dĩm ning m sẽn tũusa soolmẽ. Ãnda n tõe n mak a meng ne maam, ãnda n na sok maam m sẽn maande? Tẽng-soaal a bõe n tõe n yals m taoore?

Ezekiyɛl 40:46

Roog ning neng sẽn tees nug goabga yaa sẽn tʋmd-b maan-kugra rẽnna. A tol n paasame t'a Levi kamba sẽn yaa a Sadok yagens bala n da tõe n kẽ ro-sõnga pʋg n tʋm maan-kʋʋra tʋʋma.

Ezekiyɛl 43:19

Loalg la f na n kõ maan-kʋʋdba, a Levi kamba, a Sadok yagense; bãmb bal la m kõ sore tɩ b maan maan-kʋʋr tʋʋmd m waoogr yĩnga. Loalga na n maana maoong sugr kosg yĩnga.

Ezekiyɛl 45:4

Vẽenem kãng na n boolame tɩ pʋɩɩr sõngo. Be la maan-kʋʋdba sẽn kolgd Wẽnd n tʋmd b tʋʋmna na n me b roto la be me la wẽnd dooga na n paam a zĩiga.

Maan‑kʋʋre 10:3

A Moyiiz yeela a Aarõ: «Soaala-Wẽnd da ka pĩnd n yeele: M datame tɩ sẽn kolgd-b maama bãng m waoogre, m datame tɩ m yʋʋra paam pẽgre buuda fãa taoore.» A Aarõ pa tõog n leok tɩ bũmb ye.

Maan‑kʋʋre 8:2

«Bool a Aarõ ne a kamba sɛka roog noore. Kɩt tɩ b wa ne fu-sõma wã, ne kaam-sõngã, ne loalg ning sẽn na n kʋ yel-wẽnd sugr paoong yɩngã, ne pe-raad a yi la bura sẽn ka ning bɩlle n tẽg ne peoogã.

Malasi 3:18

Wakat kãng y na bãng bũmb ning sẽn bak zemsg soab ne nin-wẽnga, n bakd sẽn pʋgd-b Wẽnde la sẽn bas-b Wẽnde.»

Sõadga 16:3

B sɩnga gugleng ne a Moyiiz la a Aarõ n yetẽ: «Ya n sekame! Zãma wã ka tʋk yell bilfr meng a zug ye la Soaala-Wẽnd be-la d sʋka. Bõe tɩ yãmb dat n maan wala y yɩɩda y taaba?»

Sõadga 16:6

Ad-y sẽn na n maan bũmb ninga: bao-y wisd laase, yãmba la a Kore ne a nebã.

Sõadga 17:5

Yaa bũmb sẽn nekd a Israyɛl kamba pʋ-tẽere tɩ nin-zaalga, ned ning fãa sẽn ka a Aarõ buudu, da saag n kolg Soaala-Wẽnd taoor ne wisdu n wa ki wala a Kore ne a nebã, wala Soaala-Wẽnd sẽn da wilg a Moyiiz.

Sõadga 17:8

t'a Moyiiz ne a Aarõ na n bʋʋg-b sɛka roogẽ.

A Zã Sõng 15:16

Ka yãmb n tũus maam ye, maam n tũus yãmb, n tʋm-y tɩ y kẽng la y wom biisi la y biis ra tol n sɛ ye la woto y sẽn na n kos m Ba bũmb ning fãa, m yʋʋr yĩnga, bɩ b kõ-a yãmba.

Tʋʋma 1:2

n ta raar ning b sẽn baas b koeesã ne b sẽn da yãk-b rãmb n maan b Tʋʋm-tʋmdba ne a Vʋʋsem Sõng vẽnegre, n yaool n dʋ arzãna.

Tʋʋma 1:24

tɩ b na n pʋʋs woto: «Soaala, yãmb sẽn mi ninsaal fãa sũurã, wilg-y tõndo, neb a yiiba sʋka, yãmb sẽn dat tɩ ned ninga

Tʋʋma 13:2

Daar a ye b waa n naaga taab n pʋʋsdẽ la b loet b noore t'a Vʋʋsem Sõng yeele: «Welg yã a Barnabe ne a Sol toore tɩ tʋʋmd la m na n kõ-ba.»

Tʋʋma 15:7

B wẽe no-koeemde n kaoos la a Piyɛr wa n yikame n yeele: «Y miime, m saam-biisi, tɩ sɩngrẽ wã maam la Wẽnd yãk yã. B yãk-m lame tɩ bu-zẽmba wʋm m noorẽ Koe-noogã la b tẽ.

Tʋʋma 22:14

La ad-a sẽn yeele: ‹D yaab rãmba Wẽnnaam yãka foom n na n wilg foom b raabo, n wilg foom b Nin-sõngã tɩ f wʋm b koɛɛgã f toore.

Efɛɛz Rãmba 2:13

La yãmb sẽn da be zĩ-zãorgẽ pĩnda, marsã Krista taka yãmb n kolg b meng ne b zɩɩm pãnga.

2 Tɩmote 2:19

Kug niyns Wẽnd meeba sẽn tʋɩɩs b rãmb zugã ka bõn-wãadem ye la fãa yɛsa ne bãmb gomda pãnga. Ad-y Wẽnd mi-la b neba la b raab la woto: «Sẽn pʋta bãmb yʋʋr fãa zãag ne wẽnga.»

Ebre rãmba 12:14

Bɩ y bao laafi ne neba fãa la sõmblem tɩ yẽ sã n ka be, ned pa tõe n yãe Soaala ye.

Vẽnegre 1:6

Bãmb n kɩt tɩ tõnd lebg maan-kʋʋdb buudu, b Wẽnnaam la b Ba yĩnga; bãmb bal n tar ziir la naam, marsã la daar fãa. Ami!

1 Sãmwɛlle 2:28

Ad-f yaabã, a Aarõ, maam n tũus-a, a Israyɛl sagsa kamb sʋka, t'a yɩ m maan-kʋʋda, n dʋʋd m maan-kugrã n yõogd wisdu la a bobd b sẽn tar bũmb ning n sokd Wẽnde. Mam kõo f ba zakã tõog, t'a rɩlg a menga ne pʋɩɩr ninga a Israyɛl kamba fãa sẽn kõt Soaala-Wẽndã.