Sõadga 13:20 - SEBR SÕNGO

²⁰ Y na bãng tẽnga sã n ket n tara sɩɩlem bɩ a sã n sãbgame; a sã n tara tɩɩse bɩ a sã n ka tare. Modg-y n wa ne b tɩɩsa biisi.» Da yaa Tamuz kiuugu, kiuug a naas soaba, sib moama kiuugu.

WẼNNAAM SEBRE 2014

²⁰ La y ges tẽngã sã n sakda bɩle bɩ a ka sakde. La y ges tɩɩs sã n bee be bɩ ka be. Paam-y raoodo, n kẽng n tɩ tall tẽngã tɩɩs biis n wa.» La rẽ wakat tɩ reezẽ rag n sɩngda moogre.

Sõadga 13:20 Iomraidhean Croise

1 Kibayã 22:11

La marsã, m biiga, bɩ Wẽnd zĩnd ne foom tɩ f tõog n me b roog wala b meng sẽn tʋlge.

A Neemi 9:25

B reega tẽns sẽn tar lal-gũbri, b koo pʋt sẽn pa faagd ye. B kẽe zags sẽn pid ne bũmb fãa, tẽns sẽn tar bulsi, sãbse, oliviye la tɩɩs a taab ka tɛka. B rɩɩme, b tɩgame, b nobame, b pidsa b yamleoogo ne arzɛk sẽn ka tõe n sɛ ye.

A Neemi 9:35

B sẽn kẽ kãoobg tẽnga, b sẽn mik tɩ yaa tẽng sẽn sakd koodo n yɛdg n dɩg b taoore, b pa le nams n pʋg-y ye, b pa vʋʋs ne tʋʋm wẽn ye.

Ezekiyɛl 34:14

M na n kɩtame tɩ b kẽes-b yam nood zĩigẽ. B wãbneg zĩig na n yɩɩ Israyɛl tãmsa zutu. Beelẽ b na n paama vʋʋsg la yamd nood zĩiga.

A Miise 7:1

Kato! Mam lebga wala ned sẽn wat tɩ-biis tõsbo b tõsba soansoaag poore; wala ned sẽn baood sib-gĩini sãbg sẽn kao poore. Bugsuntung biig la f da rata, kankamd la f da rata, fãa sɛɛme.

Sõadga 13:19

Y na bãng neb niyns sẽn kẽed b tẽnga sã n yaa nin-sõma bɩ nin-wẽnse. Y na bãng b tẽnsa sã n me n gũbga ne lalse bɩ b sã n ka gũbgi.

Yaoolem 1:24

B sẽn wẽnemd n dʋ tãngã b taa Eskol gõnegõtã, n gilg n sege.

Yaoolem 1:25

B bao tẽnga tɩɩs biisi n zã n wa la b togsa b sẽn yãende. B yeelame: ‹Wẽnnaam, d Wẽnda, sẽn kõt tõnd tẽng ninga yaa tẽn-sõngo!›

Yaoolem 31:23

Soaala-Wẽnnaam kõ-la b noya a Nun biig a Zozuwe la b yeel-a-la woto: «Keng f sũuri, da bas raood ye, tɩ foom n na n kẽes Israyɛl kambã m sẽn kãab-b tẽng ningã la m na n zĩnda ne foo.»

Ebre rãmba 13:6

Woto tõnd tõe n yeela ne sũur sẽn pa kiuusdi: «Soaala la m sõangda, bõe rabeem yɛsa, Adem biig tõe n maan-m la bõe?»

Zozuwe 1:6

Keng f sũuri, wɩsg f menga. Yaa foo n na n pʋɩ m nebã tẽng ning m sẽn kãab b yaab rãmbã.

Zozuwe 1:9

Ka maam n yeel foom: wɩsg f meng la f keng f sũuri bɩ? Dẽ yĩnga da bʋ ye, da zoe rabeem ye, tɩ f sẽn dabd zĩig ning fãa, Wẽnnaam, f Soaala, na zĩnd f sɛɛgẽ.»

Zozuwe 2:1

A Nun biig, a Zozuwe, yiisa neb a yi Sitim tẽnga n tʋm-ba tɩ b tɩ soos n bãng tẽnga pʋg la a yɩnga. Woto la a yeel-ba: «Kẽng-y n tɩ kaag-y Zeriko tẽnga n wa togs ma a sẽn ya-la.» B kẽngame la yaa pʋg-yoodr a ye yir la b sig yã. Paga ra boondame t'a Raab. A Raab zakẽ la b yõg gãag-soabendo.

Zozuwe 2:3

Dẽ la dĩma tʋm tɩ b yeel a Raab: «Yiis neb niyns sẽn sig-b fooma. Neb niyns sẽn wa-b fo yirã, ad-b waame n na n bãng d tẽnga sẽn ya-la.»