Sõadga 10:29 - SEBR SÕNGO

²⁹ A Moyiiz yeela Madiã raoa la a rɛɛmba a Reowɛl biig a Obab: «D sẽn dabd tẽng ninga yaa Soaala-Wẽnd sẽn wilg tɩ b na n dɩka a soaba n kõ tõndã. Wa yãag-do! F na naag tõnd n dɩ yõod ning Soaala sẽn kãab a Israyɛl.»

WẼNNAAM SEBRE 2014

²⁹ A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»

Sõadga 10:29 Iomraidhean Croise

Sɩngrẽ 12:7

Soaala-Wẽnd lika a Abram n yeel-a: «M na n dɩka tẽn-kãngã n kõ foo ne f buudu.» Dẽ la a Abram me maan-kugr zĩ-kãnga, tɩ Soaala lik-a-la be.

Sɩngrẽ 13:15

Tẽnga fo sẽn ne wã, m na n kõ-a-la foo ne f buudu, tɩ f soog-a wakat buud fãa.

Sɩngrẽ 15:18

Badaare Soaala-Wẽnd yõga zood ne a Abram woto: «M kõta f buuda tẽn-kãnga, sẽn sɩng Ezipt kʋɩlga n digd Efrat kʋɩl-kãsenga.

Sɩngrẽ 17:8

M na n kõo foo ne f kamba tẽnga tõre t'a yɩ f soolem daar fãa, la mam na n yɩɩ yãmb Wẽnde.»

Sɩngrẽ 32:12

Bɩ y sõng-ma tɩ m põs a Ezayu nugu. Rabeem tar-m lame, m zoeta a na n wa kʋ maam, n kʋ m pagb la m kamba.

Yɩɩn‑sõamyã 100:1

Yɩɩlle. Bark pʋʋsgo. Tẽnga gill kils Soaala!

Yɩɩn‑sõamyã 34:8

Soaala malɛka ka zãagd bada ne sẽn zoet-a Wẽnnaam nif ye la a soab paamda fãagre.

Yɩɩn‑sõamyã 95:1

Wa-y tɩ d kaas sũ-noog Soaala yĩnga, d kils pĩiga sẽn fãagd tõndã.

Yikri 18:1

Madiã maan-kʋʋd la a Moyiiz rɛɛmba, a Zetro, wʋma Soaala-Wẽnd sẽn maan bũmb ning ne a Moyiiz la b buudu, a Israyɛl. A wʋmame tɩ Wẽnd yiis-b-la Ezipt tẽnga.

Yikri 18:12

A Zetro, a Moyiiz rɛɛmba, kʋ yũ-noog maoongo la maand a taaba. A Aarõ la a Israyɛl nin-kẽemba waa n naaga ne a Zetro tɩ b rɩ, Soaala-Wẽnd taoore.

Yikri 18:27

A Moyiiz basa a rɛɛmba t'a lebe; a sɩd le rɩka a tẽng sore.

Yikri 2:18

B sẽn leb yiri, b ba Reowɛl nengẽ, b ba wã yeel-b lame: «Ade, dũnna y lɛɛg n waa tao-tao wɛ, m kamba!»

Yikri 2:21

A Moyiiz wa n noka a Reowɛl tɩ yẽ rɩk a bi-pugl a ye n kõ-a; bi-pugla yʋʋr la Sefora.

Yikri 3:1

A Moyiiz da kɩɩmda a rɛɛm piisi, a rɛɛmba boondame tɩ Zetro, n ya Madiã maan-kʋʋd. A Moyiiz waa n talla piisã n zãage, a waa n taa Oreb, Wẽnd tãnga zugu.

Yikri 3:8

M mi-la b yɩɩre la m datame n fãag b Ezipt rãmb nugẽ, n yaool n tall-ba n kẽes tẽn-yalengẽ la tẽn-sõngẽ; tẽn-kãng kʋɩlse: bĩisim la sɩɩdo. Yaa Kanaã rãmb tẽnga, n paas Ititse, Amoritse, Perizitse, Ivitse, la Zebuzits tẽnga.

Yikri 6:4

Mam yõga zood ne bãmba la m maana kaseto tɩ m na n kõ-b-la Kanaã tẽnga, tẽng ning b sẽn yi b ba-yir n wa kẽ sãandã.

A Ezayi 2:3

Buud wʋsgo na n yiime n dɩk sore; b na n yeela taaba: «Wa-y tɩ d dʋ Soaala tãnga, wa-y tɩ d kẽ a Zakoob Wẽnnaam doogẽ, tɩ b wilg tõnd b noya tɩ d dɩk b sore.» N-ye! Yaa Siõ la Wẽnd zãmsga yita, yaa Zerizalɛɛm la Soaala Gomd sigda.

Zeremi 50:5

B na n baoo Siõ sore; b na n wẽnemda b nense n tees be. Zood la b rat n yõg ne maam zood sẽn ka na n le sãame, zood sẽn ka na n zĩnd sɛɛbo.

Sõadga 10:28

B sẽn na n sɩng b kẽna, yaa woto la Israyɛl kamba pʋg taaba. Yaa woto la b rɩk b sore.

Sõadga 23:19

Soaala-Wẽnd ka ninsaala n mi zirẽ yagb ye, B ka ninsaal n bool n le yet tɩ b vẽ ye; Soaala-Wẽnd pa yiisd gomd tɩ gomda pa faoog ye. Goama pa gomd n ka pidsdẽ ye.

Tʋʋma 7:5

A pa reeg vẽenem tẽn-kãnga, ba sẽn zems nao-pʋg yalem. A paama Wẽnd kãabgo bala, tɩ yẽ n na n soog tẽngã, la yẽnda yagense, yẽnda loogr poore; la rẽ t'a rag n nan ka rog biig ye.

Yaoolem 30:5

Wẽnnaam, y Soaala, na n tall-y lame n kẽes y ba-rãmb tẽngẽ tɩ y soog-a. B na kɩt tɩ y sũ-noog la y sõor yɩɩg y ba rãmb rẽnna.

Yaoolem 4:40

Reeg b sẽn wilgã, reeg b noya m sẽn yet tɩ m taas-f rũnna, f yell manegr yĩnga la f kamba me yell manegr yĩnga, fo loogr poore. Woto la f na n paam yõ-woko tẽng ningẽ f Soaala sẽn kõt fooma.»

A Titi 1:2

B paam vɩɩm sẽn kõn sɛ saagre me. Vɩɩm kãng la Wẽnd sẽn ka mi zirẽ-beeda ra kãab tõnd al tɩ dũni nan ka naan ye.

Ebre rãmba 6:18

Ne bũmb a yiibã sẽn ka tõe n ka pidsã: kãabgã la wẽenegã, Wẽnd wilgame tɩ b yɛsa b sɩd zĩigẽ, tɩ tõnd sor bãmba n na n paam daoodo n saag sõmb-sõmbo, d sẽn tõe n saag bũmb ningã.

Vẽnegre 22:17

Wẽnd Vʋʋsem la pʋg-paala yeta me: «Wa!» Sẽn tar-a tʋb n kelgdẽ me yetame: «Wa!» Bɩ ko-yũud sẽn tar a soab fãa kolge; sẽn dat-a n deeg vɩɩm kooma n yũ, a wa reeg-a zaalem, n ka yiis lagf ye.

Bʋ-kaoodba 1:16

A Moyiiz rɛɛmba yagense, Kenitsa, yãaga a Zɩɩda kamba. B yii komsa tẽnga n dig Zɩɩda we-raoogẽ sẽn be Arad nug rɩtgo. B waa n fãooga ne Israyɛl.

Bʋ-kaoodba 4:11

Ned a ye n da boond t'a Ebɛr, n ya Kenitga, a ra zãaga a Kaẽ buudẽ n ti a zaka, a zãaga ne a Moyiiz rɛɛmba, a Obab yagense, a ra zãaga wʋsgo ne Kananim kʋkã, Kedɛs yegende.

1 Sãmwɛlle 15:6

A yeela Kenitsã: «Bɩ y loog n yi a Amalɛk sʋka, bɩ y serg n bas-a, tɩ m da wa lagem yãmb ne bãmb n sãam ye, tɩ yãmb maana a Israyɛl kamb fãa neere, b sẽn wa n yit Ezipt n watẽ.» La Kenitsa serg n basa a Amalɛk.