Sɩngrẽ 3:1 - SEBR SÕNGO

¹ Rũmsa sẽn yi Soaala-Wẽnd nugẽ sʋka, Waaf n da yɩɩd ne sɩlem. Yẽ n yeel pagã: «Sɩd bɩ, Wẽnd n yeel yãmba tɩ tɩɩsa sẽn be zẽeda pʋga, bɩ y da saag-y n dɩ tɩɩg ba a ye biisi?»

WẼNNAAM SEBRE 2014

¹ Waaf rag n yaa sɩlem soab n yɩɩd we-rũmsã fãa Wẽnnaam Sẽn-Ka-Saab sẽn maanã. Waafã soka pagã yaa: «Sɩd-sɩdã, rẽ yĩnga, Wẽnnaam yeela yãmb tɩ y ra rɩ tɩɩsã fãa sẽn be zẽedã zĩigẽ wã biis sɩda?»

Sɩngrẽ 3:1 Iomraidhean Croise

Kowelɛt 4:10

Ned a ye lʋɩ yã, a to na yiki. La ned sẽn kẽnd a ye sã n lʋɩ, yaa yell n paam-a, tɩ ned ka be sẽn na n tak a t'a yik ye.

A Ezayi 27:1

Badaare, Soaala-Wẽnd na n dɩka b sʋ-yalenga, n dɩk b sʋ-kɛgenga, b sʋ-rɩtga, b sʋ-taoko, la b na n sɩbga a Leviatã. Yẽ la koomẽ rũm-bãndã, waaf sẽn ka sɩɩsde. yẽ la waaf ne põada, Ad-y Soaala na n kʋʋ yẽnd me.

A Matiye Sõng 10:16

Ad-y m tʋmd-y-la wa pe-yãans digd-n-yĩids sʋka, bɩ y sɩlem yɩ waaf sɩlem, la y yɩ neb sẽn ka tar b toorẽ yelle wa walle.

A Matiye Sõng 4:3

Dẽ la kʋɩɩbda kolg n yeele: «Fo sã n ya Wẽnd Biiga bɩ f kɩt tɩ kug kãensa lebg buri.»

A Matiye Sõng 4:6

n yeel-ba: «Fo sã n ya Wẽnd Biiga bɩ f yɩk n tiimd tẽnga, tɩ b gʋlsame: B na n kõ-la b malɛgsa noore tɩ b põk foom b nugẽ tɩ f naoor da sɩɩs kugr ye.»

A Matiye Sõng 4:9

n yeel-ba: «M na n kõ-f la woto fãa, f sã n wõgemd m taoore n waoog maam.»

2 Korẽnt rãmba 11:14

La rẽ ka tog n yɛɛs-d ye tɩ Sʋtãan meng mi n wẽnda malɛk ne a vẽenem.

2 Korẽnt rãmba 11:3

La rabeem tar-m lame, m zoeta y na n wa maan wa a Awa sẽn sak waafa sɩlem goama, tɩ y sũya wa rẽgem, tɩ y sãam y pʋ-peelem ne Krista.

1 Pɩyɛɛr 3:7

Sã n ya yãmba, sɩdb rãmba, zĩnd-y ne y pagba ne wʋm taab yam, wa ne zĩnd-n-taaga sẽn ka tar pãng wʋsg ye. Kõ y pagã a waoogr pʋɩɩre, wa neb sẽn naag taab n dɩt beoog vɩɩma yõodo. Woto bũmb kõn sãam yãmb pʋʋsg ye.

Vẽnegre 12:15

Waafa yaool n sẽnesa a kolkoodo tɩ lebg kʋɩlga n pʋgd pagã n na n dɩ-a.

Vẽnegre 12:9

B teeba Wag-bãndã, wag kʋdrã, sẽn boond tɩ Sʋtãana, bɩ bɛyã, dũni belgda, b teeb-a B teeba Wag-bãndã, Wag-kʋdrã lame n fabg tẽnga, yẽ ne a malɛgsa fãa.

Vẽnegre 20:2

A luba Wag-bãndã, Wag-kʋdrã, Sãamdã, Sʋtãan mengã, la a balg-a la bãng yʋʋm tusr yĩnga.