Sɩngrẽ 26:8 - SEBR SÕNGO

⁸ A Izaak sẽn kẽ Gerar n maan dasem a wãna la a Abimelɛk sẽn ges a roog võorẽ n yãend a Izaak ne a Rebeka tɩ b sõsd ne taaba.

WẼNNAAM SEBRE 2014

⁸ La a Izak sẽn zĩnd soolmẽ be n kaoose, daar a yembre, Filistẽ-dãmbã rĩm a Abimelɛk rag n lɩkda roog võorẽ n getẽ, la a yãame t'a Izak reemd ne a pag a Rebeka.

Sɩngrẽ 26:8 Iomraidhean Croise

Sɩngrẽ 26:7

Tẽnga rãmb waa n leok-a-la a paga poorẽ tɩ yẽ yeele: «Yaa m tão.» A zoe rabeem t'a sã n yeele: «Yaa m paga,» b na n kʋ-a lame. A Rebeka ra yaa neer wʋsgo.

Sɩngrẽ 26:9

A Abimelɛk kɩtame tɩ b bool a Izaak la a yeel-a lame: «M tara kaseto tɩ paga yaa fo paga! Fo yɩɩ wãn n leoke: ‹Yaa m tão?› » A Izaak yeelame: «Ade, mam da tagsame tɩ b tõe n kʋ-m lame, paga poorẽ.»

Yelbũna 7:6

A lɩka a peemlɛɛgẽ, a karga tẽnga ween-vɩʋʋgo,

Kowelɛt 9:9

Vɩɩnd f vɩɩm ne pag ninga f sẽn nongã, ka võor vɩɩma tɛka, Wẽnnaam sẽn kõ-f saaga tẽngre, tɩ rẽ la fo me pʋɩɩre, rẽ la f rolbo, f tẽng zug vɩɩm tooga rolbo.

A Salmo yɩɩla 2:9

M noanga yaa wa walga bɩ yĩsri biiga. Ad-a sẽn be m dooga poore ad-a sẽn lɩkd peemlɛɛgẽ, ad-a sẽn lɩgsd vẽya.

A Ezayi 62:5

N-ye! Wala rasãng sẽn kẽed kãadem ne bi-pugla, woto me, sẽn le maneg n meta fooma, na n yɩ-la f sɩda. La wala pʋg-bil sẽn noogd a sɩd sũuri woto me foo n na yɩ f Wẽnda sũ-noogo.

Bʋ-kaoodba 5:28

A Sisera ma ra lɩkda võorẽ, võorẽ la a sulgd n getẽ. Võẽ la a Sisera ma ra lɩgsda, la a sokd a menga: «Bõe t'a lebgra kaoosdẽ, bõe tɩ bilim-bilma kẽnd lebg maasga?»