Sɩngrẽ 26:4 - SEBR SÕNGO

⁴ M na kɩt tɩ f yagensã sõor yɩ wala yĩngr ãdse, m na n kõ-b-la tẽns zembala la dũni wã zãng na n tũu bãmb maasem n paam barka.

WẼNNAAM SEBRE 2014

⁴ Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 26:4 Iomraidhean Croise

Sɩngrẽ 13:16

F buuda sõor na n paasa wʋsgo wala tẽng bĩisri. Ned ninga sẽn tõe n sõd tẽnga bĩisri, yẽ bal n wat n tõog n sõd f yagense.

Sɩngrẽ 15:18

Badaare Soaala-Wẽnd yõga zood ne a Abram woto: «M kõta f buuda tẽn-kãnga, sẽn sɩng Ezipt kʋɩlga n digd Efrat kʋɩl-kãsenga.

Sɩngrẽ 15:5

Soaala-Wẽnd talla a Abram n yi yɩnga n yeel-a: «Ges yĩngri, la f sã n tõe bɩ f sõd ãdsã; ade, f buuda neb na n yɩɩ kõn bãng n sõde.»

Sɩngrẽ 18:18

A Abraam buuda tog n lebga bu-kãsenga, buud sẽn tar pãnga, tɩ tẽng zug buud a taaba tũ yẽ maasem n paam barka.

Sɩngrẽ 26:24

Ba raar yʋngo, Soaala-Wẽnd lik-a lame n yeel-a: «Maam la f ba, a Abraam, Wẽnnaam. Da maan dabeem baa bilfu tɩ m bee ne foom. M na n ninga foo barka, m na n kɩtame tɩ f buud lebg wʋsgo, a Abraam maasem yĩnga.»

Sɩngrẽ 28:14

F yagensa sõor na n yɩɩ wʋsgo, wa tẽng bĩisri; yaang la taoore, goabg la rɩtgo, mooga tõr fãa na n tũu foo ne f kamba maasem, n paam barka.

Sɩngrẽ 28:3

Bɩ Wẽnd pãng soab ning f barka, tɩ f rog la f wek n lebg bu-yalengo.

Sɩngrẽ 35:12

Tẽng ning m sẽn kõ a Abraam la a Izaak, m kõt-a-la foom me, la fo loogr poore, m kõt-a-la f kamba.»

Sɩngrẽ 47:27

A Israyɛl kamba paa Ezipt, Gosen tẽnga, beenẽ b paama pʋto, b roga kamb wʋsgo tɩ b buuda piuugi.

1 Kibayã 27:23

Sã n ya neba gill sõadga poorẽ, a Daviid pa sõd sẽn zems-b yʋʋm pisi bɩ sẽn pa ta rẽ ye, tɩ Soaala-Wẽnd da kãabame tɩ b na kɩt t'a Israyɛl fɩɩg n zeng ãds sẽn be yĩngri.

Yɩɩn‑sõamyã 72:17

Bɩ dĩma yʋʋr da menem moog ye, a yʋʋra zẽk saaga tẽngre, tɩ ned fãa pʋd a yʋʋra ne pẽgre, tɩ neba fãa boola tɩ zu-noog soaba.

Yikri 32:13

Tẽeg-y yã a Abraam, a Izaak la a Zakoob yelle. B yɩɩ yãmb tʋʋm-tʋmdba la yãmb wẽename n kãab-ba n yeele: ‹M na n kɩtame tɩ f buuda kamb zeng ãdsa ne sõore, m na n kõ-b-la tẽns ka tɛka tɩ yɩ b kamb la b yagens pʋɩɩre zamaana fãa sẽn wate.› »

Yikri 6:4

Mam yõga zood ne bãmba la m maana kaseto tɩ m na n kõ-b-la Kanaã tẽnga, tẽng ning b sẽn yi b ba-yir n wa kẽ sãandã.

Tʋʋma 3:25

Ya yãmb la bãngdba kamba la zooda kamba, zood ning Wẽnd sẽn yõg ne d yaabrãmbã b sẽn waa n yeel a Abraam: Fo yagensa maasmẽ la Ãdem biig fãa na n paam m barka.

Galat Rãmba 3:16

Ad-y yaa Abraam ne a buudu la kãabga kãab yã. Sebr sõng pa yeel: a Abraam ne a buud kamb ye, wala yaa kʋʋng yell la b da rat n gom ye; goma nin-yend yelle, buuda nin-yende: Krista.

Galat Rãmba 3:8

Sebr sõng sẽn pĩnd n mi tɩ Wẽnd na n tũu tẽeb n fãag bu-zẽmbã, b pĩnd n togsa a Abraam kiba-noog kãngã: «Yaa fo maasmẽ la Adem biis na n paam barka.»

Yaoolem 13:17

Wʋk b laoga fãa n zam b tẽnga sʋka la f naag-b ne tẽngã n yõog bugum, Wẽnd yĩnga. Tẽnga lebgda raboogo, zamaan sẽn wate la b kõn le yik a raboog ye.

Yaoolem 9:5

Ka foo n tar sõmblem ye, ka fo sũurã n ya tɩrga la f sẽn paam n na n soog b tẽnga ye. Yaa tẽnga rãmb n ya nin-yoodo la f paam b tẽng n sooge. La Wẽnnaam maana woto tɩ b ratame n wilg tɩ b ra kãab-a-la y yaab rãmba, a Abraam, a Izaak la a Zakoob.

Ebre rãmba 11:2

Tõnd yaab rãmba tẽebo n yɩ b vɩɩm sõnga kaseto.