Sɩngrẽ 26:12 - SEBR SÕNGO

¹² A Izaak bʋda a pʋʋgo la a sẽn paam kood yʋʋm kãng yɩɩga a sẽn paam yʋʋm a taaba naoor koabga. Wẽnnaam bark sɩd sig-a lame.

WẼNNAAM SEBRE 2014

¹² A Izak koo tẽngẽ be, la yʋʋm-kãnga, a paama koodã tɩ ta yẽnda sẽn mi n paamdẽ wã noor koabga, bala, Sẽn-Ka-Saab ning-a-la barka.

Sɩngrẽ 26:12 Iomraidhean Croise

Sɩngrẽ 24:1

A Abraam da kʋʋlame, a yʋʋma da lebga wʋsgo la a da paama Soaala-Wẽnd barka a tʋʋma fãa pʋgẽ.

Sɩngrẽ 24:35

Soaala-Wẽnd ninga m zu-soaba barka la a lebga arzɛk kãseng soaba, a tara rũms wʋsgo, bɛd la bõonego, a tara wanzurf la sãnem, yem-daado la yem-pogse, yʋgma la bõeense.

Sɩngrẽ 25:11

A Abraam kũuma poore, a Izaak kell n paama Soaala-Wẽnd barka; a ti-la a zak Layi-Royi bulga sɛɛga.

Sɩngrẽ 26:29

Wẽen tɩ f kõn maan-d bũmb ye, tɩ tõnd ka zab ne foom ye, d maan-f-la neere, d bas-f lame tɩ f yi ne laafi la ade, rũnna, fo lebga ned sẽn tar Soaala-Wẽnd barka.»

Sɩngrẽ 26:3

Pa tẽn-kãng pʋgẽ tɩ m na n zĩnda ne foo la f na n paama m barka, m na n dɩka tẽngã n kõ foo ne f buudu. M na n pidsa m pʋlengo, pʋleng ning sẽn pʋlem a Abraam, fo ba-roakã.

Sɩngrẽ 30:30

F paoonga da paooda, la ad-a sẽn paas wʋsg-wʋsgo, la Soaala-Wẽnd tũu mam maasem n ning f barka. Marsã ka segd tɩ ma me tʋm m meng yĩng sɩda?»

A. Zoobe 42:12

Wẽnd barka siga a Zoob zug n yɩɩg pĩnda. A paama piis tus piig la a naase, yʋgma tus a yoobe, niis tus a yi, bõn-yãans tusri.

Yɩɩn‑sõamyã 67:6

Soaala, bɩ Adem biisa pʋʋs-y barka! Bɩ b naag taab gilli n pʋʋs yã!

Yɩɩn‑sõamyã 72:16

Bɩ tẽnga tõre, tẽn nabrẽ n tãag tãmsa zutu, yɛdg ne pʋto, tɩ kooda zut sulgdẽ la b roogdẽ wa Libã googa sẽn maande. F sã n be tẽnga pʋga, f sẽn ne yaa vã-maas bala.

Yelbũna 10:22

Wẽnd barka n wat ne arzɛka n yɩɩd m kaaga m rĩir tʋʋlgo.

Kowelɛt 11:6

Woto wã bʋd f koodo, sɩng yibeoogo n gũud zaabre. Ad-f ka mi bõe n na n sake, bõe n ka na n sak ye, f ka mi f tʋʋmda fãa sã n na n yɩɩ yõod ye.

Zakari 8:12

M na n waa ne laafi tẽng zugu. Bugsuntunda na n le woma biisi, tẽnga kood na n le sakame. Saaga na n le nii sõmbo; m na n kõ kũun kãens fãa m bu-kellã.

A Matiye Sõng 13:23

Bõn-buud ninga sẽn lʋɩ-a zĩ-sõngẽ makda ned ning sẽn wʋm-a Koɛɛgã a tʋbrẽ la a yamẽ; yẽ soab womda biisi, yẽ soab n womd koabg-koabga, pisoobsoobe, pistã-tã.»

A Matiye Sõng 13:8

Kẽer lʋɩɩ zĩ-sõngẽ n wom biisi, kẽer koabg-koabga, kẽer pisoobsoobe, kẽer pistã-tã.

A Mark Sõng 4:8

Kẽer lʋɩɩ zĩ-sõngẽ la bãmb yikame n wom biis wʋsgo, kẽer pistã-tã, kẽer pisoobsoobe, kẽer koabg-koabga.»

1 Korẽnt rãmba 3:6

Tɩɩga la mam sel yã, t'a Apolos zãgs-a koom la ka yɩ Wẽnd n kõ-a bɩʋʋng laa?