Sɩngrẽ 12:3 - SEBR SÕNGO

³ Sẽn kãabda foom noogo, m na ning a soab barka, sẽn kãabda foom beedo, m na kãab a soab me beedo; dũni ninsaalba fãa na n tũu fo maasem n paam barka.»

WẼNNAAM SEBRE 2014

³ Neb nins sẽn na n ning foom barka, mam na n ning-b-la barka. Ned ning sẽn na n kãab-a foom wẽnga, mam na n kãaba a soab wẽnga. Fo zug maasem yĩnga, dũniyã nebã buud fãa na n paama barka.»

Sɩngrẽ 12:3 Iomraidhean Croise

Sɩngrẽ 18:18

A Abraam buuda tog n lebga bu-kãsenga, buud sẽn tar pãnga, tɩ tẽng zug buud a taaba tũ yẽ maasem n paam barka.

Sɩngrẽ 18:19

Yẽnda la m yama kẽ yã tɩ m kos-a t'a wilg a kamba la a roogo, tɩ yẽ loogr poore, bɩ b tũ Soaala raabo n maan sẽn zems la sẽn toge tɩ Soaala me tõog n pids b sẽn kãab-a bũmb ningã fãa.»

Sɩngrẽ 22:18

La buud a taaba na n tũ fo maasem n paam barka, fo sẽn deeg m noora yĩnga.»

Sɩngrẽ 24:35

Soaala-Wẽnd ninga m zu-soaba barka la a lebga arzɛk kãseng soaba, a tara rũms wʋsgo, bɛd la bõonego, a tara wanzurf la sãnem, yem-daado la yem-pogse, yʋgma la bõeense.

Sɩngrẽ 25:11

A Abraam kũuma poore, a Izaak kell n paama Soaala-Wẽnd barka; a ti-la a zak Layi-Royi bulga sɛɛga.

Sɩngrẽ 26:29

Wẽen tɩ f kõn maan-d bũmb ye, tɩ tõnd ka zab ne foom ye, d maan-f-la neere, d bas-f lame tɩ f yi ne laafi la ade, rũnna, fo lebga ned sẽn tar Soaala-Wẽnd barka.»

Sɩngrẽ 26:4

M na kɩt tɩ f yagensã sõor yɩ wala yĩngr ãdse, m na n kõ-b-la tẽns zembala la dũni wã zãng na n tũu bãmb maasem n paam barka.

Sɩngrẽ 27:29

Wẽnd na kɩt tɩ buud ka tɛka wa wõgemd f taoore. Lebg f ba-biisa zu-soaba, la f ma kamb wõgemd f taoore. Sẽn na n kãab-a foom wẽnga, bɩ wẽnga pa ne yẽ soaba; sẽn na n kãab foom kãab noogo, bɩ nooga pa ne yẽ soaba.»

Sɩngrẽ 28:14

F yagensa sõor na n yɩɩ wʋsgo, wa tẽng bĩisri; yaang la taoore, goabg la rɩtgo, mooga tõr fãa na n tũu foo ne f kamba maasem, n paam barka.

Sɩngrẽ 30:27

A Labã leok-a lame: «Tõnd sẽn lebg zooda bɩ f kelg-ma. M bagra wilg-m lame tɩ yaa fo yĩng la m paam Soaala-Wẽnd barka.

Sɩngrẽ 30:30

F paoonga da paooda, la ad-a sẽn paas wʋsg-wʋsgo, la Soaala-Wẽnd tũu mam maasem n ning f barka. Marsã ka segd tɩ ma me tʋm m meng yĩng sɩda?»

Sɩngrẽ 39:5

Ezipt raoã sẽn dɩk a zak naam la a sẽn tar fãa n bas ne a Zozɛf tɛka, Soaala-Wẽnd ninga a zak barka. Barka siga a sẽn da tar fãa, a zak wala a pʋto.

Yɩɩn‑sõamyã 72:17

Bɩ dĩma yʋʋr da menem moog ye, a yʋʋra zẽk saaga tẽngre, tɩ ned fãa pʋd a yʋʋra ne pẽgre, tɩ neba fãa boola tɩ zu-noog soaba.

Yikri 23:22

Fo sã n sak-a neere, la f sã n maam bũmb ning fãa m sẽn yet tɩ f maana, m na yɩ f bɛɛba bɛyã, la sẽn zabda ne fooma pat-n-taaga.

Sõadga 24:9

A gãe wa gɩgemde. Ãnda n na n yik-a a gãagẽ? Sẽn kãabda foo noog paam barka! Soaala-Wẽnd na sãam sẽn kãabda foom beedo!

A Matiye Sõng 25:40

La dĩma na n yeelame: ‹Sɩd-sɩda m yet-y lame tɩ y bãng tɩ y sẽn maan dẽ ne m yaopa fãa yao zʋʋga, yaa mam meng la y maan yã.›

A Matiye Sõng 25:45

B na n leok-b lame: ‹Sɩd-sɩda m yet-y lame tɩ y sẽn pa maan bũmb ning fãa ne mam yaopa yao zʋʋg ba a ye, yaa mam meng la y mong yã.›

A Luk Sõng 24:27

La b sɩnga ne a Moyiiz n saag bãngdba fãa n vẽnegd bũmb ning fãa sẽn gʋls bãmb poorẽ.

Rom Dãmba 4:11

A bãonga lebga wa kaseto t'a sẽn waa n nan ka kẽ bãongo, a ra zoe n tara tẽeb ning sẽn manegda ned yellã. Dẽ n so t'a na n lebg buud a yiib ba. A yaa ba pipi, sẽn na n tẽ-ba n yaool n ka kẽ bãonga yĩnga, tɩ tẽeb n maneg bãmb dãmb yelle,

1 Korẽnt rãmba 1:30

Bãmb maasem yĩng la d kẽ Krista a Zezi la bãmb n lebg tõnd yĩnga, sɩlem sẽn yit Wẽnd nengẽ, n manegd d yelle ne Wẽnde, n kõt d sõmblem, la b fãagd tõndo.

Galat Rãmba 3:16

Ad-y yaa Abraam ne a buudu la kãabga kãab yã. Sebr sõng pa yeel: a Abraam ne a buud kamb ye, wala yaa kʋʋng yell la b da rat n gom ye; goma nin-yend yelle, buuda nin-yende: Krista.

Galat Rãmba 3:28

Tɩ m yaa Zʋɩf bɩ Grɛk, yamba bɩ burkĩna, pag bɩ raoa: rẽ ka le be ye; yãmb fãa lebga bũmb a ye a Zezi Krista pʋgẽ.

Galat Rãmba 3:8

Sebr sõng sẽn pĩnd n mi tɩ Wẽnd na n tũu tẽeb n fãag bu-zẽmbã, b pĩnd n togsa a Abraam kiba-noog kãngã: «Yaa fo maasmẽ la Adem biis na n paam barka.»

Efɛɛz Rãmba 1:3

Bɩ Wẽnnaam la d Soaal a Zezi Krista Ba paam pẽgre! Bãmb zĩnda yĩngr n sudg tõnd kũun buud fãa, ne Krista.

Kolos Rãmba 3:11

Ade, m yaa Grɛk, bɩ Zʋɩf, zũng bɩ sẽn ka kẽ-a bãongo, weoogẽ neda, bu-zẽna, yamba bɩ burkĩna, ka rẽ n le be yɛs ye. Yaa Krista bal n be n ya fãa la b be fãa yĩnga.

Vẽnegre 7:9

Dẽ poore m yãee zãma kõn bãng n sõde, tẽns toɛ-toɛ rãmba, buud toɛ-toɛ, rog-n-mik toɛ-toɛ, goam biis toɛ-toɛ; m yãend-b lame tɩ b yɛs yĩngri, zaoora taoore la Pe-bila taoore, n yer fu-wogd peelse la b zãad kãase la b moon ne koe kãsenga: