Sɩngrẽ 1:1 - SEBR SÕNGO

¹ Dũni wã sɩngrẽ Wẽnd naana yĩngr la tẽnga.

WẼNNAAM SEBRE 2014

¹ Sɩngr wẽndẽ, Wẽnnaam naana yĩngr la tẽnga.

Sɩngrẽ 1:1 Iomraidhean Croise

2 Rĩm-dãmba 19:15

A Ezekiyas maana pʋʋsg kãnga: «Israyɛl Wẽnnaam sẽn zao sa-gãnẽ, yaa yãmb bal la tẽng zug dĩm dãmba fãa Wẽnnaam. Yãmb n naan saaga la tẽnga.

1 Kibayã 16:26

Bu-zẽmba wẽn-naandsa fãa yaa zaalem. Yaa Naaba-Wẽnd n nan saaga.

2 Kibayã 2:11

A paasame: «Israyɛl Wẽnnaam paam pẽgre! Bãmb n naan yĩngri la tẽnga. Bãmb n kõ a Daviid bi-sõngo sẽn pid ne tõog-m-meng la pãnga t'a na n me roog n kõ a meng la a me roog n kõ Naaba-Wẽnde.

A Neemi 9:6

Yãmb la Naaba-Wẽnde, yãmb y ye tãa! Yãmb n naan yĩngri, ne a yalma la a ãdsã. Yãmb n naan tẽngã ne a teeda fãa, n naan mogra ne a pʋgẽ teedo! Yãmb la bõn-vɩɩl fãa vɩɩm kõata. Yĩngr tãb-biisa fãa wõga yãmb taoore.

A. Zoobe 26:13

B nor pemsem fʋʋsa saagã n pɩɩs-a. B tẽega b rɩtg kanga n kõs rũm-bãnde, a Leviatã.

A. Zoobe 38:4

Mam sẽn wa n vigind tẽnga tɩ fo bee yɛ? Leok-m wɛ, pid ne bãngr soaba!

A. Zoobe 9:8

Wẽnd b ye tãa n tẽeg sa gãongã n yɛdge, la b karg n tabd mogra ko-wiisã.

Yɩɩn‑sõamyã 102:25

y kʋʋga m yʋʋma, da loog-y ne-ma tɩ nan zemsa m pʋlenga pʋɩ-sʋka, la yãmb yʋʋma tonga taab n tõt sɛɛbo.

Yɩɩn‑sõamyã 104:24

Ad-y y tʋʋma labsa, Soaala, la y zulga y yam n maan bũmb fãa, tẽnga fãa pida ne y sẽn naane.

Yɩɩn‑sõamyã 104:30

Y sã n le lebs-b vɩɩm, bõn-paals la y yag yã, tẽnga neng lebd n teemame.

Yɩɩn‑sõamyã 115:15

Bɩ Wẽnd ning-y barka, bãmb n naan yĩngr la tẽnga.

Yɩɩn‑sõamyã 121:2

sãnd Soaala, yĩngr la tẽng Naanda, kõn tall-a n wa kõ-ma.

Yɩɩn‑sõamyã 124:8

Tõnd sõangda yaa Wẽnnaam, bãmb la yĩngr la tẽng naanda.

Yɩɩn‑sõamyã 134:3

Bɩ Soaala sẽn naan yĩngr la tẽnga zĩnd Siõ tãnga zugu n sik b barkã f yĩnga.

Yɩɩn‑sõamyã 136:5

Bãmb la yam bedr soab sẽn naana yĩngr teedã, tɩ b nonglma ka be sɛɛb ye.

Yɩɩn‑sõamyã 146:6

Bãmb n naan yĩngr la tẽnga, n naan mogr ne sẽn be a pʋgẽ. Bãmb la d na n pʋg beoog sẽn vẽege.

Yɩɩn‑sõamyã 33:6

Wẽnd gomdã n naan yĩngr ne a teedã; yɩɩ ne b noora gomd bal la rẽ fãa maan yã

Yɩɩn‑sõamyã 33:9

B gomame bala la bũmba fãa yalsame, b yaaga b noore la bũmba fãa waa moogo.

Yɩɩn‑sõamyã 8:3

Kom-bõonego, kom-peelsa noore zoe n tara y pẽgre. Rẽ yaa lalg la b zẽk bɛɛba taoore, bɛɛb tɛk yaa b noor mudi la b vel b beem.

Yɩɩn‑sõamyã 8:4

M sã n get saaga sẽn ya y nug tʋʋmde, m sã n get kiuuga la ãdsã y sẽn yagle

Yɩɩn‑sõamyã 90:2

Tãmsa sẽn waa n nan ka pusi n yi, tɩ tẽnga la dũnĩ, nan ka naane, yãmb yaa Wẽnd zamaan ne zamaana.

Yɩɩn‑sõamyã 96:5

Bu-zẽmba wẽnd dãmba fãa: sobgo. Tõnd Soaala n naan yĩngr teedã.

Yikri 20:11

Yɩɩ dasem a yoob pʋgẽ la Wẽnnaam naan yĩngr la tẽnga, la mogre la bũmb niyns fãa sẽn be b pʋgẽ. B vʋʋsa daar a yopoe soaba, yaa rẽ yĩng la Wẽnnaam ning ra-kãng barka, n welg-a toore t'a ya vʋʋsg daare.

Yikri 31:18

Wẽnd sẽn gom ne a Moyiiz n sɛ, b kɩs-a-la kug wals a yi, yaa kug walse la Wẽnd meng b toore n gʋls-b ne b nugu.

Yelbũna 16:4

Wẽnd n naan bũmb fãa ne b raabo, n naan nin-wẽnga t'a yẽ toogo, sɩbgr kãsenga daare.

Yelbũna 3:19

Wẽnd ne b bãngrã n maan tẽngã b yamẽ, bãmb n yals yĩngri teedã.

Kowelɛt 12:1

Tẽeg f Naanda yelle tɩ f ket n ya pẽbre. Tẽeg b yelle tɩ raara nan ket n zãra, daar ning f sẽn wat n yeele: «M ka le rɩt m vɩɩma sũ-noog ye.»

A Ezayi 37:16

«Dũni fãa Wẽnde, Israyɛl Wẽnnaam, yãmb vigla y zaoora al yĩngr-yĩngri, yãmb y ye la dũni wã fãa Wẽnnaam, yãmb n maan yĩngri la tẽnga.

A Ezayi 40:21

Y ka mi tɩ ka rẽ la Wẽnd sɩda, y pa wʋm tɩ b gomd b yell sɩda, b ka togs yãmb al sɩngrẽ sɩda? Y ka mi tẽnga sẽn naan to-to sɩda?

A Ezayi 40:26

Zẽk-y neng yĩngri la y gese, ãnda n naan ãdsã la sẽn be yĩngrã? Sã n ka Wẽnd ninga sẽn yalsa ned kam fãa a zĩigẽ, n yals-b b zĩigẽ wala tãb-biisi, la b boond ned kam fãa ne a yʋʋre, tɩ ned ba a ye ka be n kɩɩsdẽ ye.

A Ezayi 40:28

Fo ka mi? Fo ka zãmse, fo ka wʋm tɩ b gomda? Soaala-Wẽnd yaa zamaan buud fãa Wẽnde. Bãmb n naan tẽngã ne a yalma fãa, b ka namse, b pa yãe yaams ye, la ned ka tõe n mage n bãng b yama sẽn ta zĩig ning ye.

A Ezayi 42:5

Yaa woto la Soaala-Wẽnd gomda. Soaala la yĩngri Naanda, bãmb n yɛdg saaga, bãmb n pids tẽnga ne a tɩɩsã; sẽn vɩ-ba a pʋgẽ wã reega vɩɩm bãmb nengẽ, b tʋmda b tʋʋma bãmb maasmẽ. Ad Soaala sẽn gomd ne b sẽn tũus a soabã:

A Ezayi 44:24

Woto la Soaala-Wẽnd yeel yã, Wẽnd ninga sẽn naana foom f ma pʋgẽ, n gomde: «Yaa maam, Naaba-Wẽnde, n naan fãa gilli. Mam m ye n yɛdg saaga, maam m ye tãa, maam n kɩt tɩ tẽnga sĩdi la m pa yãe sõaangd ye.

A Ezayi 45:18

Soaala n naan saaga bãmb la Wẽnd ninga sẽn naana tẽngã; bãmb n yɛdg-a la b kɩʋʋlem-a bãmb n pids-a ne teedo, bãmb n naan-a n na n kẽes ninsaalba. Woto la b gomd marsã: «Maam la Soaala, Wẽnd a to ka ye.

A Ezayi 51:13

Fo yĩma Soaala-Wẽnde, f Naanda, bãmb n yals yĩngri la tẽnga. Beoog sẽn vẽege, fo rigda rabeem f na-toaaga taoore, wala a menes-f lame la bala. A puugda a sũuri la bõe n pʋgde?

A Ezayi 51:16

M le yɛdgda saagã, n le vigind tẽngã a zĩigẽ la m yeta Zerizalɛɛm: «Foo la mam buudu fo n na n deeg m koɛɛgã n taase, fo la m na n solg m nugẽ.»

A Ezayi 65:17

M na n naana yĩngri la tẽnga, b na n yɩɩ paala. B kõn le tẽeg yĩngr la tẽnga sẽn looga yell ye,

Zeremi 10:12

Soaala-Wẽnd naana tẽngã n wilg b pãnga, b wilga b yẽesma n naan dũniyã; b wilga b yama-zulum n yɛdg saaga.

Zeremi 32:17

«Soaala-Wẽnde, yãmb wilga y pãnga la y tʋʋm-minim n naan saag la tẽnga. Ne yãmba, bũmb ka be n ya toog ye.

Zeremi 51:15

Soaala wilga b pãnga. B naama tẽngẽ la b wilga b tʋʋm-minim n yag dũniya, n wilg b yama zulum, n pids yĩngra ne a teedã.

Zakari 12:1

Soaala koɛɛg ne a Israyɛl. Soaala sẽn yɛdg saagã la b viglg tẽngã koɛɛga. Soaala sẽn kõ ninsaalb yama koɛɛga:

A Matiye Sõng 11:25

A Zezi waa n zẽka b koɛɛg n gom woto: «M Ba, yĩngr la tẽng Soaala, m pʋʋsd-y la barka y sẽn solg woto sɩlem dãmba la yam dãmba n yaool n togs nin-bõonese.

A Mark Sõng 13:19

Da kãens toolem na n yɩɩga toolem buud fãa. Al dũni sɩngre n ta marsã, b nan pa yãend a taar ye la b kõn le yãend me ye.

Tʋʋma 14:15

«D Zo-rãmba, yaa bõe la y maand woto? Tõnd me yaa ninsaalb wa yãmba. D waame bala n na n kos-y tɩ y bas y wẽn-yaalsa pʋgbo la y wẽnemd y nenga n tees Wẽnd vɩɩgã, sẽn naana yĩngr la tẽnga, mogra ne a pʋgẽ teed fãa.

Tʋʋma 17:24

Wẽnd ning sẽn naana dũnia la bũmb ning fãa sẽn be a pʋgẽ, yĩngr la tẽng Soaala, ad-y b ka kẽed ninsaal sẽn me rot niynsa ye.

Tʋʋma 4:24

B fãa sẽn wʋm dẽ, b naaga taab vugr bala n yeele: «Yãmb n naan yĩngr la tẽnga la mogr ne a pʋgẽ teedo, Soaala.

Rom Dãmba 11:36

Fãa yita bãmb nengẽ, bãmb n maan fãa, fãa yaa b soolem. Bɩ b paam pẽgre sẽn ka be sɛɛbo. Amina!

1 Korẽnt rãmba 8:6

tõnd nengẽ Wẽnd yaa b ye tãa, yaa Wẽnd Ba, bũmb fãa sẽn yit a soab nenge la d sẽn vɩ a soab yĩnga, la d Soaala me yaa a ye, a Zezi Krista, bãmb nengẽ la bũmb fãa yita la bãmb yĩng la tõnd be.

Efɛɛz Rãmba 3:9

la m puk vẽenemẽ zãnga bũmb fãa Naanda a Wẽnd sẽn da solge al zamaan woko n ta marsã.

Ebre rãmba 1:10

B yetame yɛsa: «Sɩngrẽ wã yaa yãmba, Soaala, n lugl tẽngã la y nug n yɛdg saagã.

Ebre rãmba 1:2

dũnna-rũnna, yaoolem wakatã, yaa ne bãmb Biiga la b gom ne tõndo. Yaa Bi-kãng la b yãkre t'a yaa b yõod dɩta la yaa ne yẽ pãng la yʋʋma tong taaba n ka tõe n sõde.

Ebre rãmba 11:3

Yaa tẽeb n wilgd tõndo tɩ dũni wã sigla ne Wẽnnaam gomde. Woto me la d mi tɩ d sẽn ne bũmb ningã yita d sẽn ka tõe n yãend a soaba nengẽ.

Ebre rãmba 3:4

Roog fãa yaa ned n me-a la sẽn me-a bũmb fãa wã yaa Wẽnde.

2 Pɩyɛɛr 3:5

Ad-y b maanda wala b ka mi tɩ wakat n zĩndi tɩ Wẽnd gome tɩ saaga la tẽnga zĩndi; tɩ Wẽnd gome tɩ tẽnga sẽn da lis koomẽ wa n nug n yi;

1 Zã 1:1

Yaa Gomd ning sẽn wata ne vɩɩma yell la d gʋlsd-y. Gomd kãng la sẽn dag n be-a al dũni sɩngrẽ, tõnd tʋbr wʋma b yelle, tɩ d nif yãend-ba, d paam n ges-b lame n tɩge, d nus sɩɩs-b lame,

Vẽnegre 10:6

la a wẽena ne Vɩɩm sẽn kõn sɛ Naaba, sẽn naana yĩngr ne a teeda fãa, sẽn naana tẽnga ne a teeda fãa, sẽn naana mogr ne a pʋgẽ teeda fãa, a wẽename n yeele: «Wakat taame!

Vẽnegre 14:7

A ra moonda ne koe-kãsenga: «Zoe-y Wẽnde, la pẽg-y ba; ad-y bʋʋda wakat taame; waoog-y sẽn naana yĩngr la tẽnga ne mogre la ko bundem fãa.»

Vẽnegre 21:6

A le paasame: «N-ye! Maam la A la O, Sɩngre, la Baasgo, Tʋɩɩsgo la Kʋʋbo; ko-yũud sẽn tara soab bɩ a wa tɩ m na kõ-a vɩɩm kooma t'a yũ zaalem.

Vẽnegre 22:13

Maam la A la O, maam la Pipi soaba la Yaoolem soaba, Tʋɩɩsgo la Kʋʋbo.

Vẽnegre 3:14

Gʋls Laodise Tigengu Malɛka woto: ‹Ad Krista, Kaset sɩda la Wẽnd bõn-naandsa fãa Kãsma sẽn gomde.

Vẽnegre 4:11

«D Soaala la d Wẽnnaam, yãmb toga ne pẽgre la ne waoogre la ne ziiri, tɩ yãmb n naan dũniya la yaa ne yãmb pãnga la bũmb sẽn da ka be zĩnd yã.»