Rom Dãmba 8:11 - SEBR SÕNGO

¹¹ Wẽnd Vʋʋsem ninga sẽn vʋʋga a Zezi Krista kɩɩms sʋka, sã n be ne yãmbã, ad-y b sẽn vʋʋga a Zezi Krista kɩɩms sʋka, b na kõ y yĩn-kiidgã vɩɩm, b Vʋʋsma sẽn be ne yãmba yĩnga.

KÃAB-PAALGÃ KOE-NOOGO

¹¹ La soab ning sẽn vʋʋg a Zezi tɩ b yi kũum sʋkã Sɩɩg sã n be yãmb pʋgẽ, soab kãnga, sẽn vʋʋg-a Kirist Zezi tɩ b yi kũum sʋkã na n kõo yãmb yĩn-kiidsã me vɩɩm, bãmb Sɩɩgã sẽn be yãmb pʋgẽ wã maasem yĩnga.

WẼNNAAM SEBRE 2014

¹¹ La soab ning sẽn vʋʋg a Zeezi tɩ b yi kũum sʋkã Sɩɩg sã n be yãmb pʋgẽ, soab‑kãnga, sẽn vʋʋg-a a Zeezi Kiris tɩ b yi kũum sʋkã na n kõo yãmb yĩn-kiidsã me vɩɩm, bãmb Sɩɩgã sẽn be yãmb pʋgẽ wã maasem yĩnga.

Rom Dãmba 8:11 Iomraidhean Croise

A Ezayi 26:19

M buudu, sẽn ki-b yãmb maasmẽ wã na n vʋʋgame, m neba na n nekame. Sẽn gãee-b tẽnga tomẽ wã fãa gilli, la b na n kelma b sũ-noogo. Dũni fãa Wẽnd na n kɩtame tɩ vẽenem sig wa meenem, tɩ tẽnga na n lebsa kɩɩmsã b vɩɩm.

Ezekiyɛl 37:14

M sã n kɩt tɩ pemsem vʋʋsdga wẽ-y tɩ y le vɩɩnde, m sã n le kẽes-y y tẽn-peelmẽ, y na reeg tɩ maam la Soaala-Wẽnde, la m na n pidsa m sẽn kãabe. Yaa maam, Naaba-Wẽnd, n yeele.› »

A Zã Sõng 14:17

Bãmb la sɩd soaba, Vʋʋsem Sõngo, dũni sẽn ka tõe n deeg a soabã, tɩ dũni ka ne-b la a ka mi-b ye. Yãmb yẽ mi-b lame tɩ b bee ne yãmba.

A Zã Sõng 5:21

Wala Ba sẽn vʋʋgd kɩɩmse n leb n kõt-b vɩɩm, woto me Biiga kõta vɩɩm b sẽn dat a soaba

Tʋʋma 2:24

La Wẽnd vʋʋg-b lame, la b tɩlga Kɩɩmkulg yɛɛsgo. Kɩɩmkulg pʋs n da miime t'a ka tõe n paalg-a a soolmẽ ye;

Rom Dãmba 16:10

Pʋʋs-y rao ning kaset sẽn ya vẽeneg t'a kẽe Krista, rao a Apɛll. Taas-y m pʋʋsgo a Aristobul zaka rãmb fãa.

Rom Dãmba 16:3

M Pʋʋs-y sõnga maam Krista tʋʋmda pʋgẽ, a Priska ne a Akilas.

Rom Dãmba 16:7

Pʋʋs-y m saam-biis a Andronikus la a Zuniyas, sẽn naag-b maam bi-bees roogẽ, Ad-y yaa Krista tʋʋm-tʋmdb kãsense sẽn deng maam meng n kẽ Krista.

Rom Dãmba 16:9

Pʋʋs-y m sõangda, Krista tʋʋmda pʋgẽ, a Urbẽ la y naag m zoa a Stakis.

Rom Dãmba 6:12

Da sak-y tɩ yel-wẽnd le rɩ naam y yĩn-kiidga zug ye; da le sak yã a tʋls wẽnsa ye.

Rom Dãmba 8:1

Bãng-y tɩ sẽn be-b ne a Zezi marsã wã ka le zoet bʋʋd paalgr ye.

Rom Dãmba 8:12

M saam-biisi, pakr sã n beẽ me, kõn yɩ pakr bada tɩ d vɩɩnd wala d yĩnga sẽn data ye.

Rom Dãmba 8:2

A Vʋʋsem Sõng noora n kõt vɩɩm a Zezi maasmẽ, la yẽ n fãag foom ne noor ninga sẽn wata ne yel-wẽnd la kũum.

Rom Dãmba 8:9

Yãmb ka le ya neb sẽn tũud b yĩnga yamleoog ye, y pʋgda a Vʋʋsem Sõngo sẽn date, tɩ Wẽnd meng kõ yãmb a Vʋʋsem Sõngo. Sẽn ka tar-a Krista Vʋʋsma, Krista ka so yẽ soab ye.

1 Korẽnt rãmba 15:16

Kɩɩmsa sã n ka vʋʋgde, dẽn Krista me ka vʋʋg ye.

1 Korẽnt rãmba 6:14

Wẽnd sẽn vʋʋg Krista na n vʋʋga tõnd me ne b pãngã.

2 Korẽnt rãmba 4:11

D nan pa ki ye, yaa sɩda, la yaa wakat fãa la b namsd tõnd a Zezi yĩnga la namsga seka a na kʋ-do. Yaa woto me la a Zezi vɩɩma pukd vẽenega tõnd yĩn-kiidgẽ.

2 Korẽnt rãmba 4:14

n miẽ tɩ sẽn vʋʋga Soaal a Zezi wã na n vʋʋga tõnd me ne bãmba la b yals tõnd ne yãmba b sɛɛgẽ.

2 Korẽnt rãmba 5:4

D zĩi d tẽng zug rooga pʋga n tar waasgo la yɩɩre; yaa rẽ me la d dat fuuga yeelgre n yɩɩd a yeegre; d datame n yeelg fuug a yiib soabã n bʋʋg pipi soabã, tɩ vɩɩma rɩ sẽn tõe n ki a soabã.

Galat Rãmba 6:8

F sã n bʋd sẽn tog ne yĩngã, yaa yĩnga põosgo la f na n tigsi. Fo sã n bʋd sẽn tog ne a Vʋʋsem Sõngo, yaa vɩɩm sẽn kõn sɛ la f tigsda.

Efɛɛz Rãmba 2:5

Yaa rẽnd yĩng la d yel-wẽna sẽn da kɩt tɩ d fãa lebg kũumã, b baas n naaga tõnd ne Krista n vʋʋg-do, n wilg tɩ d fãagra tũu ne Wẽnd yel-sõmd bala.

Filip rãmba 3:21

Bãmb n na n tedg tõnd nimbãan yĩngã t'a lebg ziir yĩnga wa bãmb dẽnna, tɩ b tara pãnga n tõe tɩ bũmb fãa tũ b raabo.

Ebre rãmba 13:20

Bɩ Wẽnd sẽn ya laafi kõata, bãmb sẽn vʋʋg kɩɩms sʋka d Soaala Zezi Krista, n kɩt tɩ b lebg pe-yãansa pe-kɩɩm kãsenga, ne b zɩɩm b sẽn daag n tõog n yõg zood sẽn kõn sãam abada,

1 Pɩyɛɛr 1:21

Yaa ne Krista pãnga la yãmb tẽed Wẽnd sẽn vʋʋg b kɩɩms sʋka n kõ-b pẽgre; woto y tẽeb la y saagr bee Wẽnnaam b ye nugẽ bala.

1 Pɩyɛɛr 3:18

Krista meng kii vugri, yel-wẽna yĩnga. Sẽn ka tar-a yelle kii yell maandb yĩnga, sẽn na n yɩlẽ n tall-do n taas Wẽnde. B yĩngẽ wã la b lebg-bõn kɩɩnga, b sɩɩgẽ wã b kell n yɩɩ bõn vɩɩga.

Vẽnegre 1:18

M da kiime la ad-m sẽn le vɩ vɩɩm sẽn kõn sɛ; maam n tar Kũum loko la m zãad bʋg-tẽng kʋɩlen-bila.

Vẽnegre 11:11

La dasem a tã la pʋɩ-sʋka sẽn looge, Wẽnnaam le kõo b bãngdba vɩɩm tɩ b le tik n yiki, tɩ sẽn get-ba yɛs marsã ne rabeem kãsenga.