Rom Dãmba 8:1 - SEBR SÕNGO

¹ Bãng-y tɩ sẽn be-b ne a Zezi marsã wã ka le zoet bʋʋd paalgr ye.

KÃAB-PAALGÃ KOE-NOOGO

¹ Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

WẼNNAAM SEBRE 2014

¹ Woto yĩnga, sɩbgr ka be neb nins sẽn be a Zeezi Kiris pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 8:1 Iomraidhean Croise

A Ezayi 54:17

Bãng marsã tɩ zab-teoogo sẽn na n dɩk n zab ne foom kõn tõog kudb ye. Ned ninga me sẽn na n boola foo bʋʋdo yẽ soab n na n paa bʋʋdo. Soaala-Wẽnd tʋʋm-tʋmdba pʋɩɩr la woto, m sẽn tog n sõng-b ne bũmb ningã, bõn-kãng kõn paoog-b ye.»

Ezekiyɛl 18:9

A reegda m noya la a gũusda a meng ne mam sẽn kisi, a tʋʋm yaa pʋ-peelem tʋʋma. Ade, maam a Naaba-Wẽnde, m yetame tɩ ned a woto buud sɩd yaa nin-tɩrga la a na vɩɩnde.

A Zã Sõng 14:20

Sã n wa beẽ, yãmb na bãng tɩ mam bee m Ba pʋgẽ tɩ yãmb bee m pʋgẽ, tɩ mam me bee y pʋgẽ.

A Zã Sõng 15:4

Bɩ y kell n pa ne maam, tɩ mam me pa ne yã. Wala will sẽn pa tõe n wom biisa toore, a sã n pa lagem ne tɩɩgã, woto me ne yãmba, yãmb me sã n pa lagem ne maam.

A Zã Sõng 5:24

Sɩd-sɩda, mam yeta yãmb tɩ sẽn kelgd-a mam goama, la a tẽed sẽn tʋma maama, yẽ soab tara vɩɩm sẽn kõn sɛ la b kõn bʋ a soab bʋʋd ye; yẽ soab yii kũumẽ n kẽ vɩɩm pʋgẽ.

Rom Dãmba 16:3

M Pʋʋs-y sõnga maam Krista tʋʋmda pʋgẽ, a Priska ne a Akilas.

Rom Dãmba 16:7

Pʋʋs-y m saam-biis a Andronikus la a Zuniyas, sẽn naag-b maam bi-bees roogẽ, Ad-y yaa Krista tʋʋm-tʋmdb kãsense sẽn deng maam meng n kẽ Krista.

Rom Dãmba 5:1

Tẽeba sẽn maneg d yell yĩnga, d zĩi ne laafi Wẽnnaam taoore, la rẽ tũu ne tõnd Soaala Zezi Krista maasem.

Rom Dãmba 5:16

Wẽnd kũuna sẽn wa ne bũmb ninga la nin-yend beegra sẽn wa ne a soaba me ka wẽnd taab ye. Yel-wẽnd a ye poore bʋʋd n bʋ la yɩɩ paalgr bʋʋdo la Wẽnd bas taala yɩɩ yel-wẽn ka tɛk bas taale.

Rom Dãmba 7:17

M sã n maan m sẽn pa rate, tʋʋmda ka le ya mam tʋʋmd yɛs ye, a yaa yel-wẽnd sẽn ti a roog mam pʋgẽ tʋʋmde.

Rom Dãmba 7:20

La m sã n maand m sẽn pa rate, dẽ ka le ya mam tʋʋmd ye, a yaa yel-wẽnd sẽn ti a roog mam pʋgẽ tʋʋmde.

Rom Dãmba 8:11

Wẽnd Vʋʋsem ninga sẽn vʋʋga a Zezi Krista kɩɩms sʋka, sã n be ne yãmbã, ad-y b sẽn vʋʋga a Zezi Krista kɩɩms sʋka, b na kõ y yĩn-kiidgã vɩɩm, b Vʋʋsma sẽn be ne yãmba yĩnga.

Rom Dãmba 8:14

Wẽnnaam Vʋʋsma sẽn be ne b rãmb fãa lebga Wẽnnaam kamba.

Rom Dãmba 8:2

A Vʋʋsem Sõng noora n kõt vɩɩm a Zezi maasmẽ, la yẽ n fãag foom ne noor ninga sẽn wata ne yel-wẽnd la kũum.

Rom Dãmba 8:34

Woto wã tõe n le yɩ-la a Zezi Krista sẽn ki tõnd yĩnga, n vʋʋge la b zĩ b Ba rɩtg n pʋʋsd d yĩnga tõe n le yɩɩ bãmb n na n kẽes tõnd bʋʋd bɩ?

Rom Dãmba 8:39

kõn yɩ rũnna bɩ beoog bũmb ye, kõn yɩ sẽn be sa-gãnẽ bɩ sẽn sud tẽng ye, kõn yɩ naand buud ba a ye.

Rom Dãmba 8:4

Wẽnd maana rẽnna, tɩ d tõog n deeg Noorã, tõnd sẽn ka le vɩ wala d yĩnga sẽn datã, n vɩ wala a Vʋʋsem Sõng sẽn datã.

Rom Dãmba 8:9

Yãmb ka le ya neb sẽn tũud b yĩnga yamleoog ye, y pʋgda a Vʋʋsem Sõngo sẽn date, tɩ Wẽnd meng kõ yãmb a Vʋʋsem Sõngo. Sẽn ka tar-a Krista Vʋʋsma, Krista ka so yẽ soab ye.

1 Korẽnt rãmba 1:30

Bãmb maasem yĩng la d kẽ Krista a Zezi la bãmb n lebg tõnd yĩnga, sɩlem sẽn yit Wẽnd nengẽ, n manegd d yelle ne Wẽnde, n kõt d sõmblem, la b fãagd tõndo.

1 Korẽnt rãmba 15:22

Wala d fãa sẽn tũud a Adem n bãng kũuma, woto me d fãa tũuda Krista n le vɩɩnde,

2 Korẽnt rãmba 12:2

M mii kristneda, yʋʋm piig la a naas rũnna (yaa ne a yĩnga, mam pa mi ye, Wẽnd n mi) b tall-a lame n dʋʋs arzãna.

2 Korẽnt rãmba 5:17

Ned sã n kẽ Krista a lebga nin-paalle, nin-kʋdga menemame tɩ paalla led a zĩiga.

Galat Rãmba 3:13

Krista sakame tɩ Noora kãab wẽnga leb bãmba, n kõ-d tɩlgre. Bãmb meng sak n yɩɩ ka bark soaba d fãa yĩnga; tɩ b gʋlsa woto: «Ka bark soab la sẽn yagla pika.»

Galat Rãmba 3:26

Yãmb fãa sẽn kẽ Krista a Zezi wã, y lebga Wẽnnaam kamba.

Galat Rãmba 3:28

Tɩ m yaa Zʋɩf bɩ Grɛk, yamba bɩ burkĩna, pag bɩ raoa: rẽ ka le be ye; yãmb fãa lebga bũmb a ye a Zezi Krista pʋgẽ.

Galat Rãmba 5:16

Bɩ y sak tɩ Wẽnd Vʋʋsem gãd yãmba tɩ y na bas y yĩnga raaba pʋgbo.

Galat Rãmba 5:25

A Vʋʋsem Sõng sẽn ya tõnd vɩɩma, bɩ b sõng d me tɩ d tʋm.

Efɛɛz Rãmba 1:1

Maam a Pol, a Zezi Krista Tʋʋm-tʋmd ne Wẽnd daabo, maam n pʋʋsd nin-sõma la Krista tẽedbã.

Filip rãmba 3:9

M datame n menes m sõmblema, sõmblem ning Noora reegr sẽn kõt a soabã, n lagem Krista ne sõmblem ning bãmb tẽeba sẽn kõt a soabã, sõmblem ning sẽn yita Wẽnd nengẽ la sẽn tobd tẽeba yẽgrẽ.