Rom Dãmba 4:6 - SEBR SÕNGO

⁶ Pʋsẽ yaa rẽ yĩng la a Daviid boond tɩ zu-noog soaba ned ning Wẽnd sẽn maneg a soab yelle tɩ ka tũ ne a tʋʋm manesem:

KÃAB-PAALGÃ KOE-NOOGO

⁶ Woto me, a Daviid yetame tɩ ned ning Wẽnnaam sẽn kõt tɩrlem t'a ka tʋm bũmbã tara sũ-noogo. A yeelame:

WẼNNAAM SEBRE 2014

⁶ Woto me, a Davɩɩd yetame tɩ ned ning Wẽnnaam sẽn kõt tɩrlem t'a ka tʋm bũmbã tara sũ-noogo. A yeelame:

Rom Dãmba 4:6 Iomraidhean Croise

Yɩɩn‑sõamyã 112:1

Wẽnd soog pẽgre! Zu-noog soaba la sẽn zoeta Soaala n deegd b noyã.

A Ezayi 54:17

Bãng marsã tɩ zab-teoogo sẽn na n dɩk n zab ne foom kõn tõog kudb ye. Ned ninga me sẽn na n boola foo bʋʋdo yẽ soab n na n paa bʋʋdo. Soaala-Wẽnd tʋʋm-tʋmdba pʋɩɩr la woto, m sẽn tog n sõng-b ne bũmb ningã, bõn-kãng kõn paoog-b ye.»

Zeremi 22:6

Sɩda, yaa woto la Soaala-Wẽnd gomd Zɩɩda naaba roog poorẽ: Ne m sẽn get-fo tɩ f neerma pida wa Galaad googo, wala Libã zug-tẽnsʋka, ad-m kãabdame tɩ m na kɩte tɩ f lebg zĩ-peen-daaga, f na lebg raboogo.

Zeremi 33:16

Dasem kãense, Zɩɩda na n paama fãagre, Zerizalɛɛm na n zĩnda ne laafi. Ad yʋʋr ninga b sẽn na n bool tẽngã: Soaala-Wẽnd la d bʋ-kaooda.»

A Matiye Sõng 25:19

Sẽn waa n kaoose, zu-soaba lɛɛg n waame la b zĩndame n maan b geelse.

Rom Dãmba 1:17

Koe-nooga kɩtdame tɩ tẽeb tũud tẽeb n pukd Wẽnd sõmblem wala sẽn gʋlse: Tẽeb n na n dɩlg nin-sõng vɩɩm.

Rom Dãmba 3:27

Sã n ya woto, fo tara sor n zẽk f meng bɩ? Ayoo, sor ka ye! La bõe tɩ sor kaẽ? Be f tʋʋmẽ wã bɩ? Ayoo! Yaa f manegrã sẽn ya tẽeba bũmbã. Sɩda d tagsdame tɩ ninsaal manegr yita a tẽebẽ. Ka tũud a sẽn deegd noora ye. Ka rẽ d yetẽ lame tɩ Wẽnd yaa Zʋɩf rãmb bal Wẽnnaam.

Rom Dãmba 4:11

A bãonga lebga wa kaseto t'a sẽn waa n nan ka kẽ bãongo, a ra zoe n tara tẽeb ning sẽn manegda ned yellã. Dẽ n so t'a na n lebg buud a yiib ba. A yaa ba pipi, sẽn na n tẽ-ba n yaool n ka kẽ bãonga yĩnga, tɩ tẽeb n maneg bãmb dãmb yelle,

Rom Dãmba 4:24

tɩ tẽeb n sɩd maneg d yelle, tõnd sẽn tẽed Wẽnd sẽn vʋʋg a soab kɩɩms sʋka, tõnd Soaala Zezi Krista.

Rom Dãmba 4:5

La ned sã n ka teeg a tʋʋma n yaool n teeg ned ninga sẽn tõe tɩ nin-wẽng yell manegã, d yetame tɩ yaa tẽebã n sɩd maneg a yelle.

Rom Dãmba 4:7

Zu-noog rãmba la sẽn paam b beegre sugri la b yel-wẽna ludbu.

Rom Dãmba 4:9

B sẽn gomd zu-noog ningã, b gomd-a-la sẽn kẽ-b bãong yĩng bala bɩ yaa sẽn ka kẽ-b bãong me yĩnga? Sɩda d yetame t'a Abraam tẽebã n wa ne a yell manegre.

1 Korẽnt rãmba 1:30

Bãmb maasem yĩng la d kẽ Krista a Zezi la bãmb n lebg tõnd yĩnga, sɩlem sẽn yit Wẽnd nengẽ, n manegd d yelle ne Wẽnde, n kõt d sõmblem, la b fãagd tõndo.

2 Korẽnt rãmba 5:21

Ned ning sẽn ka maana yel-wẽndã, yẽ soab basame tɩ b tʋk-a yel-wẽnd zɩɩb, sẽn na n yɩlẽ bala tɩ Wẽnd tũ a maasem n pids tõnd ne b sõmblem.

Galat Rãmba 3:14

La yɩɩ woto la a Abraam kãab nooga leb bu-zẽmbã; d sẽn paam tẽebã, d paama b sẽn da kãab tõnd a soabã: a Vʋʋsem Sõngo.

Galat Rãmba 4:15

Yãmb zoe n yĩma y sẽn da kilsd maam ne sũ-noog ninga laa? M meng tõe n kõo kaseto tɩ wakat kãnga, y sã n da tõee lame, y na kɩɩdẽ y nin-bɛɛl n kõ-ma.

Efɛɛz Rãmba 1:3

Bɩ Wẽnnaam la d Soaal a Zezi Krista Ba paam pẽgre! Bãmb zĩnda yĩngr n sudg tõnd kũun buud fãa, ne Krista.

Yaoolem 33:29

Foo la zu-noog soaba, Israyɛl! Soaala sẽn sõngd b buudã, ãnda n wẽnd foo? Bãmb gãong n ligind f bɛɛba pɛɛm, bãmb sʋʋg n kõt foom f pãnga. F bɛɛba rat bɩ b wags taab ne sudum f naoor na tabg b tẽnsa sẽn zao yĩngrã.

Filip rãmba 3:9

M datame n menes m sõmblema, sõmblem ning Noora reegr sẽn kõt a soabã, n lagem Krista ne sõmblem ning bãmb tẽeba sẽn kõt a soabã, sõmblem ning sẽn yita Wẽnd nengẽ la sẽn tobd tẽeba yẽgrẽ.

2 Tɩmote 1:9

bãmb sẽn fãag tõndo n bool tõnd booll sõngo, tɩ ka tũ ne tõnd tʋʋm-sõma, n tũ ne b yamleoog la b nimbãan-zoeer bala. Bãmb n kõ tõnd b kũuna ne a Zezi Krista tɩ dũni nan ka sɩng ye.

Zake 2:18

Yaa woto la d tog n gome: «Daoa, fo tara tẽebo tɩ mam ya tʋʋm-sõma neda, wilg maam f tẽeba sẽn ka naag ne tʋʋm-sõma wã, ti sã n ya maam yaa m tʋʋm-sõma wã n pukd m tẽebo.

2 Pɩyɛɛr 1:1

A Zezi Krista sõgne la b tʋʋm-tʋmda, maam a Simo Piyɛr, n pʋʋsde. M pʋʋsda neb niyns fãa sẽn paam-b tɩ d Wẽnnaam la d Fãagd a Zezi Krista ko-b tẽeb sẽn be yõodo wala tõnd dẽnna.