Rom Dãmba 4:13 - SEBR SÕNGO

¹³ Sɩda, a Abraam sẽn paam tɩ Wẽnd pids kãabg ning b sẽn da kãab-a, n yeel tɩ dũni wã na n yɩɩ yẽnda bɩ a kamb soolem, bãng-y tɩ ka tũ ne noor deegr ye. Tũu ne tẽeb yel-sõmde.

KÃAB-PAALGÃ KOE-NOOGO

¹³ Sɩd me, ka ne tõogã la Wẽnnaam kãab a Abraham wall a yagensã tɩ b na n sooga dũni wã ye, la yaa ne tẽeb tɩrlem.

WẼNNAAM SEBRE 2014

¹³ Sɩd me, ka ne tõogã la Wẽnnaam kãab a Abrahaam wall a yagensã tɩ b na n sooga dũni wã ye, la yaa ne tẽeb tɩrlem.

Rom Dãmba 4:13 Iomraidhean Croise

Sɩngrẽ 12:3

Sẽn kãabda foom noogo, m na ning a soab barka, sẽn kãabda foom beedo, m na kãab a soab me beedo; dũni ninsaalba fãa na n tũu fo maasem n paam barka.»

Sɩngrẽ 17:16

M na n ning-a-la barka, a na doga biig n kõ fo tɩ m ning bi-kãng me barka; a na n doga bu-yalengo, mooga dĩm dãmb na n yi-la a pʋgẽ.»

Sɩngrẽ 28:14

F yagensa sõor na n yɩɩ wʋsgo, wa tẽng bĩisri; yaang la taoore, goabg la rɩtgo, mooga tõr fãa na n tũu foo ne f kamba maasem, n paam barka.

Sɩngrẽ 49:10

Naam dasaar kõn serg a Zɩɩda sɛɛgẽ ye. Naam dasaar kõn yi a toaagẽ ye, al n tol n ta a zu-soaba waoongo; n ta tẽnsa sẽn tog n deeg a soab noora waoongo.

Yɩɩn‑sõamyã 2:8

Yaag f noor n kos-ma tɩ m na dɩk bu-zẽmba zãng n kõ-fo, f naama sɩngda dũni wã sẽn sɩngdẽ n wa baas a sẽn baasdẽ.

Yɩɩn‑sõamyã 72:11

Dĩm dãmb a taaba na n wõgemda a taoore, bu-zẽmba fãa zug la a na n dɩ naam.

Tʋʋma 13:32

Tõnd kõt-y-la Koe-noogo. Tõnd yet-y lame tɩ Wẽnd sẽn kãab bũmb ning d yaab rãmbã,

Rom Dãmba 4:12

la a leb n yaa ba sẽn kẽ-b bãong yĩnga; b kẽe bãongo n yaool n ka get rẽ wa bũmb sẽn seke, n na n dɩk a Abraam tẽeba sore, tẽeb ning a sẽn da tare t'a nan ka kẽ bãongã.

Rom Dãmba 9:8

dẽ rat n yeelame tɩ ka yĩnga sẽn dogd la Wẽnnaam kamb bal ye, kãabga kamb me yaa Wẽnd kamba.

Galat Rãmba 3:29

Y sẽn tabend Krista bala, yãmb lebga a Abraam yagense, yãmb bal n so kãabgã.

Ebre rãmba 11:7

Yaa a tẽeba yĩnga la a Nowe paam Wẽnd vẽnegre n yãend a sẽn da pa tõe n yãende tɩ rabeem sõng yõk-a t'a yik n sɩng koglga kaabo n paam n fãag a zak rãmba; a tẽebã n kɩt t'a zãag a meng ne zamaana la a rɩɩ tẽeb sẽn wat ne sõmblem ninga yõodo.

Ebre rãmba 7:6

Kaalẽ wã yaa ned sẽn da pa kĩ ne a Abraam n deeg pʋɩɩr a nengẽ, la a ning-a-la barka; yaool n da yaa yẽ zugu la Wẽnd kãab nooga sig yã.