Rom Dãmba 4:11 - SEBR SÕNGO

¹¹ A bãonga lebga wa kaseto t'a sẽn waa n nan ka kẽ bãongo, a ra zoe n tara tẽeb ning sẽn manegda ned yellã. Dẽ n so t'a na n lebg buud a yiib ba. A yaa ba pipi, sẽn na n tẽ-ba n yaool n ka kẽ bãonga yĩnga, tɩ tẽeb n maneg bãmb dãmb yelle,

KÃAB-PAALGÃ KOE-NOOGO

¹¹ La b reega bãongã kõom sẽn ya bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

WẼNNAAM SEBRE 2014

¹¹ La b reega bãongã kõom sẽn yaa bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

Rom Dãmba 4:11 Iomraidhean Croise

Sɩngrẽ 17:24

A Abraam sẽn waa n kẽ bãong t'a tara yʋʋm pis-wɛ la a wɛ.

Yɩɩn‑sõamyã 47:9

Wẽnd dɩta naam bu-zẽmba zutu, Wẽnd zaoonda b naama goeele.

Yikri 12:13

Zɩɩma n na wilg yãmb sẽn kẽed dot niynsi. M sẽn yãe zɩɩma zĩig ning fãa, m na n londga yi-kãnga, woto tẽn-kũuma daare, m sẽn na n sɩbg Ezipt raare, y na põse.

Yikri 31:13

t'a yeel Israyɛl kamba: «Deeg-y vʋʋsga noor neere tɩ vʋʋsga daar m sẽn yalsã yaa kaset sẽn ya sõmbo, kaset tɩ yãmb ne y kamba miime tɩ maam y Wẽndã n welg y toore.

Yikri 31:17

Maam ne a Israyɛl kamba yĩnga, a yaa tẽegre, wakat buud fãa tẽegre tɩ m tʋma dasem a yoobe, n naan yĩngr la tẽnga, la daar a yopoe soaba b vʋʋsame n ka tʋm ye.»

Ezekiyɛl 20:12

M tol n kõ-b-la vʋʋsg raare tɩ yɩ b kaseto, maam ne bãmb sʋka, tɩ b bãng tɩ maam n wat ne sõmblem.

Ezekiyɛl 20:20

Deeg-y m kibs-ramba noya, tɩ b yɩ kaset, maam ne yãmb sʋka, n wilg tɩ maam, Naaba-Wẽnde, la yãmb Wẽnnaam.

A Matiye Sõng 16:16

A Piyɛr leokame: «Yãmb la Wẽnd Nedã, Wẽnnaam vɩɩga Biigã.»

A Matiye Sõng 8:11

«Mam yeta yãmba, m pa yãend tẽeb a woto buud Israyɛl kamb sʋk ye. Wʋsg na n yii yaanga la taoore n wa paam tɩgra roog n kẽ ne a Abraam, a Izaak la a Zakoob arzãn Rĩung pʋgẽ,

A Luk Sõng 19:9

La a Zezi yeelame: «Dũnna, fãagr siga yi-kãnga, t'a soaba me yaa Abraam biiga.

A Zã Sõng 3:33

La sẽn deegd-a kaseto, yẽ me maanda kaset n paas tɩ Wẽnnaam yaa sɩda.

A Zã Sõng 3:36

Sẽn tẽed-a Biiga tara vɩɩm sẽn kõn sɛ, la sẽn pa tẽed-a Biiga, a kõn paam vɩɩm ye, yaa Wẽnnaam sũ-puur bala n paad ne-a.»

A Zã Sõng 6:35

T'a Zezi leok: «Yaa maam la bur sẽn kõt vɩɩm. Sẽn wat-a mam nengẽ, kom kõn yõk a soab abada ye; la sẽn tẽed-a maam, ko-yũud kõn yõk a soab abada ye.

A Zã Sõng 6:40

Yaa m Ba sẽn tʋma maama raabo, tɩ ned ning fãa sẽn yãenda Biiga la a tẽ bãmba bɩ a paam vɩɩm sẽn kõn sɛ, la m vʋʋg-a dũni sɛɛb raare.»

A Zã Sõng 6:47

Sɩd-sɩda mam yeta yãmba tɩ sẽn tẽeda tar-a vɩɩm sẽn kõn sɛ.

A Zã Sõng 8:33

Tɩ b leok-ba: «Tõnd ya a Abraam kamba, tõnd nan pa yɩ ned ba a ye yem-daad ye, yaa bõe yĩnga la yãmb yet tɩ d na n lebga burkĩmbi?»

Rom Dãmba 10:11

Ka sebr sõng n togsd tɩ ned ning fãa sẽn tẽed-a kõn paam yãnd bɩ?

Rom Dãmba 10:4

B ka bãng tɩ Wẽnnaam kõ b noya tɩ b tall ninsaal n tãag Krista sẽn ya tẽed fãa manegd ye.

Rom Dãmba 10:6

Tẽeb sen wat ne manegr ninga poorẽ, ad-a sẽn gʋlse: «Da yeel f sũurẽ: ãnda n tõe n dʋ yĩngri,» n dʋ yĩngr n sik Krista?

Rom Dãmba 3:22

Neb niyns fãa sẽn tẽed-ba a Zezi Krista yãeta sõmblem kãnga — tɩ bũmb ba a ye ka teem bãmb nengẽ ye —

Rom Dãmba 3:26

Wẽnd sũ-maasma wakato; la b sẽn dat n wilg rũnna tɩ b ket n zĩ b sõmblema zugu, yaa sẽn tẽed-ba a Zezi yelle la b manegda.

Rom Dãmba 3:30

B fãagda ned ning fãa sẽn tar-a tẽebo, sẽn kẽ-a bãongo wala sẽn ka kẽ-a bãongo.

Rom Dãmba 4:10

Manega wakat bʋgo, a sẽn waa n nan ka kẽ bãong bɩ a bãong kõom poore? Ka a sẽn lebg zũng poor ye, ya a sẽn waa n nan ka kẽ bãongo.

Rom Dãmba 9:30

M na n kʋʋ m koɛɛga wãn wãna? Ade, Bu-zẽmba sẽn da ka baood sõmblem paam-a lame la yaa tẽeb sẽn wat ne sõmblem ningã.

Rom Dãmba 9:33

wala sẽn gʋlse: «Lakr kugr la m vigl Siõ pʋgẽ, m bẽd-y la ne pĩiga sẽn lubd neba, Siõ pʋgẽ; la ned ning sẽn yaool n dell-a pĩ-kãng kõn paam yãnd ye.»

Rom Dãmba 9:6

Ka rat n yeel tɩ Wẽnd kãabga lʋɩɩ vɩʋʋgẽ ye. Y mens miime bala tɩ ka a Israyɛl kamba fãa la a Israyɛl ye.

2 Korẽnt rãmba 1:22

Bãmb n ning b bãnd tõnd dĩirẽ la b pids tõnd sũuri ne a Vʋʋsem Sõng kũuni.

Galat Rãmba 3:22

Sebr sõng paalga bũmba fãa yel-wẽnd soolmẽ, sẽn na yɩlẽ t'a Zezi Krista tẽedbã dɩ kãabga yõodo.

Galat Rãmba 3:29

Y sẽn tabend Krista bala, yãmb lebga a Abraam yagense, yãmb bal n so kãabgã.

Galat Rãmba 3:7

Bɩ y bãng tɩ neb niyns sẽn teeg-b tẽeb, yaa bãmb la a Abraam kamba.

Galat Rãmba 5:5

Sã n ya tõndo, yaa Wẽnd Vʋʋsem n kɩt tɩ d gũud tɩ tẽeb wa ne kũun niyns d sẽn saagde, d yella sẽn manegã.

Galat Rãmba 6:16

La neb niyns sẽn na n maan-b boto, bɩ Wẽnd laafi la b sõm sig bãmba la a sig Israyɛl paalga kamb fãa.

Efɛɛz Rãmba 1:13

Yaa bãmb me maasmẽ la yãmb wʋm fãagra Koe-noogo la y reeg-a n paam tɩ b sẽn kãab Vʋʋsem ninga mak-y ne b meng makre.

Efɛɛz Rãmba 4:30

Da kõ-y Wẽnd Vʋʋsem sũ-sãang ye; bãmb makre la y zɩta n gũud b Fãagra raare.

Yaoolem 30:6

Israyɛl, Soaala-Wẽnd na n kõo-foo ne f kamba sũ-paale tɩ f tõog n nong Wẽnnaam, f Soaala, ne f pãng fãa, ne f yalẽ fãa n paam yõ-woko.

Filip rãmba 3:9

M datame n menes m sõmblema, sõmblem ning Noora reegr sẽn kõt a soabã, n lagem Krista ne sõmblem ning bãmb tẽeba sẽn kõt a soabã, sõmblem ning sẽn yita Wẽnd nengẽ la sẽn tobd tẽeba yẽgrẽ.

Ebre rãmba 11:7

Yaa a tẽeba yĩnga la a Nowe paam Wẽnd vẽnegre n yãend a sẽn da pa tõe n yãende tɩ rabeem sõng yõk-a t'a yik n sɩng koglga kaabo n paam n fãag a zak rãmba; a tẽebã n kɩt t'a zãag a meng ne zamaana la a rɩɩ tẽeb sẽn wat ne sõmblem ninga yõodo.

2 Pɩyɛɛr 1:1

A Zezi Krista sõgne la b tʋʋm-tʋmda, maam a Simo Piyɛr, n pʋʋsde. M pʋʋsda neb niyns fãa sẽn paam-b tɩ d Wẽnnaam la d Fãagd a Zezi Krista ko-b tẽeb sẽn be yõodo wala tõnd dẽnna.

Vẽnegre 9:4

B kõ-b-la noor tɩ b bas pʋt la moog buud fãa, la tɩɩs buud fãa la b rɩ neb niyns bala sẽn da ka tar b Wẽnd makrã b rĩirẽ.