Rom Dãmba 2:6 - SEBR SÕNGO

⁶ raar ning b sẽn na n kõ ned kam fãa a tʋʋmda keoore.

KÃAB-PAALGÃ KOE-NOOGO

⁶ bãmb sẽn na n keo ned kam fãa wa sẽn zems a tʋʋmdã:

WẼNNAAM SEBRE 2014

⁶ bãmb sẽn na n keo ned kam fãa wa sẽn zems a tʋʋmdã:

Rom Dãmba 2:6 Iomraidhean Croise

A. Zoobe 34:11

Bãmb n dond ninsaal tʋʋma yõodo, n dond ned kam fãa wala a manesem sẽn tog ne.

Yɩɩn‑sõamyã 62:12

Yaa naoor wʋsgo la m wʋm Wẽnd tɩ b gomda: «Yaa maam bal n tar pãnga!»

Yikri 32:34

Leb n tɩ tall nebã n kẽng m sẽn wilg zĩig ningã. M malɛk na n lʋɩ-la f taoore la m sẽn na n wa ges-b raare, m na sɩbg b beegrã.»

Yelbũna 24:12

Da wa yeele: tõnd da miime la? Fo zɩ tɩ sẽn zãad-a tõnd yõora miime. Bãmb n na n dol ninsaala wala a tʋʋm-manesem sẽn tog ne.

Yelbũna 24:2

B sẽn baood yaa maan pãnga. B noor sẽn yiisd fãa yaa beedo.

Yelbũna 26:10

Naab bõnda a soolma gilli a sã n dɩkd a tʋʋmnẽ yalem ning fãa a sẽn paame.

Kowelɛt 3:17

Tɩ mam yeel m sũurẽ: Wẽnnaam n na n kao nin-sõng ne nin-wẽng bʋʋdo, tɩ bũmb fãa bee ne a wakato la d yɛla toor-toorã na n waa Bʋʋda taoore.

Zeremi 17:10

Maam, Naaba-Wẽnde, maam bala n vɛɛsd ninsaal tagsgo, maam bal n ne sẽn be a sũurẽ, maam bal n tar ned yel-manesem fãa n tõe n wa rol-a.

Zeremi 32:19

Yãmb sẽn dat bũmb ninga zulma la y pãnga tõe n pids-b-la fãa. Yãmb geta ninsaalba sẽn maande n na n dol ned kam fãa wala a tʋʋma sẽn tog ne.

Ezekiyɛl 18:20

Sẽn maan-a yel-wẽnde, yẽ soab bal n kiidi! Biig kõn deeg a ba yel-wẽnd taal a zug ye. La ba me kõn deeg biig yel-wẽnd taal a zugu ye. B na n pila nin-sõng a sõmblem fuugu, n yeelg nin-wẽng a wẽnem fuugu.

Ezekiyɛl 18:30

Israyɛl roog rãmba, yaa rẽ la m na n bʋ ned kam fãa n zems a manesem. Maam n togsd boto, maam, Naaba-Wẽnde. Teem-y zʋgo la y tuub y yel-wẽna fãa, modg-y tɩ yel-wẽnd ba a ye ra wa ne y kũum ye.

Ezekiyɛl 36:19

Mam sẽeg-b-la zĩis fãa, m sẽeg-b-la tẽn-zẽmbẽ. Dẽ la sɩbgr ning m sẽn sɩbg-ba, b tʋʋm yooda yĩnga.

A Matiye Sõng 16:27

Bãng-y tɩ Ned Biiga na n lɛɛg n waa ne a Ba zɩɩri n lebs ned kam fãa a vɩɩm sẽn tog ne.

Rom Dãmba 14:22

Sõng n tall f tẽebã f sũurẽ la Wẽnd taoore. Pẽg-y ned ninga sẽn dengda n ges a tõeeme bɩ a ka tõe n yaool n sɩng bũmb maanego.

1 Korẽnt rãmba 3:8

Sẽn send-a la sẽn zãgsd-a koom yõod zema taaba; ned kam fãa reegda a rolbo, wala a tʋʋmda sẽn yɩ a soaba.

1 Korẽnt rãmba 4:5

Woto wã, da yãg-y ne bʋʋd ye. Bas-y tɩ Soaala wa. Bãmb n na n vẽneg lika zãnga la b puk bũmb ning fãa ninsaal sẽn sed a sũurẽ. Wakat kãng la ned kam fãa na n deeg Wẽnnaam nengẽ, pẽgr ning a sẽn tog ne.

2 Korẽnt rãmba 11:15

Dɩlla Sʋtãana neba sã n yet tɩ yaa Wẽnd sõmblema la b pʋgda, bɩ d da yɛɛs ye. D bãng bala tɩ b kũuma na n wẽnega b vɩɩma: bõn-wẽnga.

2 Korẽnt rãmba 5:10

D sẽn ya a soab fãa, d na n yaasa d kãre bʋʋda raare tɩ ned kam fãa reeg a tʋʋm keoore, tʋʋmd ninga a sẽn tʋme, a sẽn da waa n ket ne a yĩnga, a tʋʋm sõng wala a tʋʋm wẽnga.

2 Tɩmote 4:14

Yõaka a Aleksãndr maana maam wẽng menga; Soaala na rol-a n zems a tʋʋma.

Vẽnegre 2:23

Mam na n kʋ-la a kamba fãa; woto Tigeng fãa na bãnge tɩ mam mii ninsaal pʋga la a sũuri la m na n yaoo ned kam fãa n zems a tʋʋma.

Vẽnegre 20:12

M yãee kɩɩmsa fãa, bɛd la bõonese, sẽn yɛs zaoora taoore; b talla sɛb n wa lagse, b waa ne vɩɩm sebrã me, la kɩɩmsa bʋʋd kaoome, ned kam fãa ne a sẽn maane, wa sẽn da be sɛba pʋga.

Vẽnegre 22:12

Ade, m lebgr wakat yaoome, la m wata ne ned kam fãa yaoodo la yaooda zemsda ned kam fãa ne a tʋʋmde.