Rom Dãmba 2:25 - SEBR SÕNGO

²⁵ Bãong kõom bee yõodo fo sã n deegd Wẽnnaam noore; fo sã n kẽ bãong la f ka reegd Wẽnnaam noore, foo ne sẽn ka kẽ-a bãong zem taaba.

KÃAB-PAALGÃ KOE-NOOGO

²⁵ Sɩda, bãong yaa bũmb sẽn be yõodo, fo sã n sakda tõogã. La fo sã n kɩɩs tõogã, fo bãongã lebga moonem bala.

WẼNNAAM SEBRE 2014

²⁵ Sɩda, bãong yaa bũmb sẽn be yõodo, fo sã n sakda tõogã. La fo sã n kɩɩs tõogã, fo bãongã lebga moonem bala.

Rom Dãmba 2:25 Iomraidhean Croise

Zeremi 4:4

Ade, sã n yaa mam yĩnga la y zãag y sũura ne a rẽgdã, Zɩɩda rãmba, Zerizalɛɛm kẽedba, bɩ y kell n dɩk y mens n kõ maam. Y ka maan boto, y tʋʋm yooda yĩnga, m sũura na n widga wa bugum, bugum sẽn pa tõe n kiisi, bugum sẽn na n dɩ-y zãnga.

Tʋʋma 7:51

Yubl sẽn ka gõmsd dãmba, tʋb kɩd la sũ-rẽgd dãmba, wakat fãa y zãgsda a Vʋʋsem Sõngo! Y ba rãmba sẽn yɩ bũmb ninga, yãmb me boto!

Rom Dãmba 2:13

Ka sẽn mi-b noora la nin-sõma, Wẽnnaam taoor ye, yaa sẽn maand-b noora sẽn wilgã.

Rom Dãmba 2:23

Foo tɩ Wẽnnaam Noora bãngr la f zu-zẽkre, bãng marsã tɩ f sã n pa reegd-a, yaa Wẽnnaam meng la f paoogda.

Rom Dãmba 2:26

Sẽn ka kẽ-a bãong sã n deegd Wẽnnaam noorã, a ka zem sẽn kẽ-a bãong sɩda?

Rom Dãmba 2:27

Ne a sẽn ka kẽ bãongã, yaa yẽ n na n kao fo bʋʋdo; yẽ sẽn deegd Wẽnnaam noorã n na n bʋ foo, fo sẽn ya bãnkoanga la f mi Wẽnd noore la f baas n tõdgd-a.

Rom Dãmba 2:28

Sẽn yaa Zʋɩf akɩk ka sẽn yaa Zʋɩf neb nifẽ bal ye, la bãong akɩk ka yĩnga sẽn kẽed a soaba ye.

1 Korẽnt rãmba 7:19

Kẽe bãong yaa zaalem, ka kẽ bãong me yaa zaalem; sẽn pak yaa Wẽnnaam noya reegre.

Galat Rãmba 6:13

Sẽn kẽ-b bãonga fãa deegda noya sɩda? B ratame bala tɩ yãmb kẽ bãongo tɩ rẽ lebg wa b yẽesem bũmbu.

Galat Rãmba 6:15

Ad-y ka m-kẽe-bãong bɩ m ka kẽ bãong n be yõod ye, bũmb ning sẽn pake, yaa d lebg nin-paalse.

Yaoolem 30:6

Israyɛl, Soaala-Wẽnd na n kõo-foo ne f kamba sũ-paale tɩ f tõog n nong Wẽnnaam, f Soaala, ne f pãng fãa, ne f yalẽ fãa n paam yõ-woko.