Rom Dãmba 2:16 - SEBR SÕNGO

¹⁶ Ad-y yaa sẽn maand-b Noora sẽn data bʋʋdo la Wẽnd na n tũ a Zezi Krista n bʋ sẽn solg fãa ninsaalb sũurẽ, wala m Koe-nooga sẽn wilgdã.

KÃAB-PAALGÃ KOE-NOOGO

¹⁶ Daar ning Wẽnnaam sẽn na n kɩt tɩ Kirist Zezi kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

WẼNNAAM SEBRE 2014

¹⁶ Daar ning Wẽnnaam sẽn na n kɩt t'a Zeezi Kiris kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

Rom Dãmba 2:16 Iomraidhean Croise

Sɩngrẽ 18:25

Y yam zãr ne tʋʋmd a woto, y yam zãr ne kʋ nin-sõngo n naag ne nin-wẽnga. Bõe tɩ nin-sõng la nin-wẽng zãab ka na n welg taaba? Y yam zãr ne y fãoog-b taaba. Dũni wã fãa Bʋ-kaooda maanda wãn n bʋ kegre?»

Yɩɩn‑sõamyã 50:6

Ad-y yĩngr dãmb deegame tɩ bãmb la Wẽnd ninga sẽn bʋʋd-a ne zemsgã.

Yɩɩn‑sõamyã 96:13

B watame n na n dɩ naam tẽnga zugu. B na n dɩɩ naam ne zemsgo, b na n gesa tẽnga yelle ne pʋ-peelem.

Yɩɩn‑sõamyã 98:9

B kaas Wẽnd sẽn wat n na n dɩ naam tẽng zugu. B geta neb yell ne zemsgo, n zãad ãndũni rãmba wa sẽn segde.

Kowelɛt 11:9

Bi-bɩɩga, dɩ f bi-bɩɩlma yõodo, noog f sũuri wakat kãnga. Maan f sẽn dat fãa, sẽn noom-f fãa. Bãng bala tɩ Wẽnd na n bʋ-la f bʋʋdo.

Kowelɛt 12:14

Bãng tɩ d yel-manesem buud fãa, sẽn solge bɩ sẽn puki, sẽn ya neere, bɩ sẽn yã wẽnga, fãa na n bool-d-la bʋʋdo Naaba-Wẽnd taoore.

Kowelɛt 3:17

Tɩ mam yeel m sũurẽ: Wẽnnaam n na n kao nin-sõng ne nin-wẽng bʋʋdo, tɩ bũmb fãa bee ne a wakato la d yɛla toor-toorã na n waa Bʋʋda taoore.

A Matiye Sõng 16:27

Bãng-y tɩ Ned Biiga na n lɛɛg n waa ne a Ba zɩɩri n lebs ned kam fãa a vɩɩm sẽn tog ne.

A Luk Sõng 8:17

Sẽn lill ka be sẽn ka na n puk ye, sẽn solg ka be sẽn ka na n wa por yɩng ye.

A Zã Sõng 12:48

Sẽn zãgsd-a maam, la a pa reegd m goama, yẽ soab tara a bʋ-kaooda: yaa gomdã m sẽn togsã, gom kãng bala n na kao a bʋʋdo yaoolem daare.

Tʋʋma 10:42

Bãmb n kõ tõnd noor tɩ d moon la d wilg tɩ bãmb la Wẽnd yals yã tɩ b na n kao sẽn vɩ-ba la sẽn ki-ba bʋʋdo.

Tʋʋma 17:31

B bãng tɩ b yãka raare n na n kao ne zemsgo ninsaalba fãa bʋʋdo. B yãka bʋ-kaoodã, la kaset ning b sẽn kõt tɩ bãmb n yãk yẽ soabã, yaa b sẽn vʋʋg-a kɩɩms sʋkã.»

Rom Dãmba 16:25

Bɩ Wẽnd soog pẽgre tɩ bãmb n tõe n paas y tẽeba pãnga. La rẽnd me la m wilg yã ne a Zesi Krista Koe-nooga moonego. Koe-nooga puka bũmb sẽn da solge, bũmb sẽn da solg yʋʋm ka tɛka.

Rom Dãmba 2:5

F sã n kʋɩɩs f sũuri, f sã n zãgs tuubgu, Wẽnnaam beem la f samd f zugu, la b beema na n puka b bʋ tirsa kaoob raare,

Rom Dãmba 3:6

B sã n ka tõe n puug b sũuri, b na n yɩɩ wãn n wilg dũni wã a bʋʋm la a kongre?

1 Korẽnt rãmba 15:1

M le tẽegda yãmba, m saam-biisi, Koe-noogã m sẽn moon yãmbã; y reeg-a lame la y ket n tar-a-la sõmbo.

1 Korẽnt rãmba 4:5

Woto wã, da yãg-y ne bʋʋd ye. Bas-y tɩ Soaala wa. Bãmb n na n vẽneg lika zãnga la b puk bũmb ning fãa ninsaal sẽn sed a sũurẽ. Wakat kãng la ned kam fãa na n deeg Wẽnnaam nengẽ, pẽgr ning a sẽn tog ne.

2 Korẽnt rãmba 5:10

D sẽn ya a soab fãa, d na n yaasa d kãre bʋʋda raare tɩ ned kam fãa reeg a tʋʋm keoore, tʋʋmd ninga a sẽn tʋme, a sẽn da waa n ket ne a yĩnga, a tʋʋm sõng wala a tʋʋm wẽnga.

Galat Rãmba 1:11

Bãng-y, m saam-biisi, tɩ m sẽn kõ yãmb Koe-noog ningã ka tek ninsaal bãngra zulum sẽn tekẽ ye.

1 Tɩmote 1:11

La zãmsg sõngã yaa Koe-noogã Wẽnd sẽn bobl maam a soabã, Wẽnd ning sẽn pida ne ziiri la a ya sũ-noog buud fãa yẽgrã.

2 Tɩmote 2:8

Tẽeg a Zezi Krista yelle; ad-y bãmb la a Daviid yagenga sẽn vʋʋg kɩɩms sʋkã wala m Koe-nooga sẽn wilgdã.

2 Tɩmote 4:1

Mam yõkda f sɛɛga, zoe Wẽnnaam la f zoe Krista a Zezi sẽn na n wa kao sẽn vɩ-ba la sẽn ki-ba bʋʋdo, sẽn na n le wa la b dɩ b naama:

2 Tɩmote 4:8

La marsã, pugl ning sẽn ya sõmblem kasetã zoe n wʋga m yĩnga. Keta bʋʋda kao bala tɩ Soaala sẽn ya bʋ-tɩrg soaba rɩk-a n fõgen maam; la ka maam bal n na n paam-a ye, yaa neb niyns fãa sẽn na n gũ b waoonga ne nonglem.

Ebre rãmba 9:27

Ninsaal kiida vugr bala t'a bʋʋd kao.

1 Pɩyɛɛr 4:5

Mik rẽ fãa na n waa Bʋ-kaood yɛnga taoore, sẽn vɩ-b la sẽn ki-b Bʋ-kaoodã.

2 Pɩyɛɛr 2:9

Wẽnd maana boto n wilg tɩ b tõe n yolsa nin-sõma namsg buud fãa pʋgẽ n yaool n kees nin-wẽnsa n na n sɩbg-b Bʋʋda raare.