Rom Dãmba 12:6 - SEBR SÕNGO

⁶ Yaa kũun toɛ-toɛ la d paam Wẽnd nengẽ, dɩlla bɩ d modg tɩ sã n ya bãngr kũun la d paam yã bɩ d tʋm bãngr tʋʋmde wala d tẽeba sẽn tõe tɛka.

KÃAB-PAALGÃ KOE-NOOGO

⁶ La tõnd paama kũun toay-toayã, n zems ne bark ning Wẽnnaam sẽn maan tõndã: Sã n yaa pĩnd-n-bãngr goama, bɩ a zemsd ne tẽebã.

WẼNNAAM SEBRE 2014

⁶ La tõnd paama kũun toay-toayã, n zems ne bark ning Wẽnnaam sẽn maan tõndã: Sã n yaa pĩnd-n-bãngr goamã, bɩ a zemsd ne tẽebã.

Rom Dãmba 12:6 Iomraidhean Croise

A Matiye Sõng 23:34

Yaa rẽ yĩng la m sẽn tʋmd y nengẽ bãngdba, sɩlem dãmba la sɛb-mitba; yãmb na n kʋʋ kẽere, n ka kẽer pika, n pãb kẽer pʋʋsg rotẽ, n dig-b tɩ b kẽ tẽng a ye tɩ y ta be n yis-ba.

A Matiye Sõng 25:22

Sãnem gila yiiba soab n pʋge la a yeelame: ‹M zu-soaba, y da basa ne-m sãnem gil a yiibu, la ade, m paama a yiib n paas.›

A Luk Sõng 11:49

Yaa woto la yell kõ-ling-m Wẽnda beool n yeele: M na n tʋm-b la bãngdba la tʋʋm-tʋmdba, b na n kʋʋ kẽere, n dig kẽere,

Tʋʋma 13:1

Bãngdba la karen-saam-dãmba n da be Antiyos Tigenga pʋga. Ad-a Barnabe, a Simeõ, sẽn boond tɩ Sablga, ad Sirɛn Lusiyus, ad-a Manaɛn, kombera, a Erod, deem-n-taaga n paas a Sol.

Tʋʋma 15:32

A Zɩɩd ne a Silas ra yaa bãngdba, bãmb me goma ne saam-biisã n kaoos n le keng b sũya.

Tʋʋma 2:17

‹Bũmb n na n zĩnd yaoolem daarã — Soaala n gomde — m na n sika m Vʋʋsem Adem biis fãa zutu. Y kom-dibli la y kom-pugli na n yiisa bãngr goama. Y kom-bɩɩba na n yãee bõn-bãna tɩ y nin-kẽems zãms-zams bãna.

Tʋʋma 21:9

A ra tara kom-pugli a naas sẽn nan pa kul sɩdb ye la sẽn da gomd bãngr goama.

Rom Dãmba 1:11

M rata ne m sũur fãa n yãend yã n paam n kõ-y ye Wẽnd kũun bilfu tɩ y tẽeba sĩdi,

Rom Dãmba 12:3

M togsd-y la a yeyn-ye la y fãa gilli, ne Wẽnd sẽn maan-m nimbãan-zoeer ningã: ned ba a ye ra sak n pẽga meng tɩ loog ye. Ned kam fãa pa a zĩigẽ n zems tẽebã a sẽn paam Wẽnd nengẽ.

1 Korẽnt rãmba 12:18

Wẽnd n sel wilsã yĩngẽ, wala b sẽn tʋlge.

1 Korẽnt rãmba 13:2

Ba mam tar beoog yɛl bãngre, la m mi sẽn solg fãa, ba m yama vẽen ne bũmb fãa, ba m tẽeb pid zãnga tɩ sek a vigs tãmsã b zĩisẽ, m sã n ka tar nonglem kũuni, mam yaa zaalem.

1 Korẽnt rãmba 14:1

Bao-y nonglem la bao-y Wẽnd kũun a taaba me, sẽn yɩɩda bãngr kũuni.

1 Korẽnt rãmba 14:24

La sã n ya bãngr goam la y fãa gomda tɩ seg kẽed paalga bɩ bu-zẽn waoongo, ad-y b na naag taab n wilg-a sẽn be la sẽn segde;

1 Korẽnt rãmba 14:29

Bãngdba ta b yiib bɩ b tãabo n gomda tɩ sẽn ket-ba kelgdẽ la b pẽgda.

1 Korẽnt rãmba 3:5

A Apolos yaa bõe, a Pol me yaa bõe? Ka neb sẽn sõng yãmb tɩ y paam tẽeba laa? La ned kam fãa pa tʋm wa Wẽnd sẽn kõ-a pãnga laa?

1 Korẽnt rãmba 7:7

M tʋllẽ lame tɩ y fãa yɩẽ wa maam; la m miime tɩ ned kam fãa paamda Wẽnd nengẽ kũun sẽn tog ne-a: yãoo soab wã, yãoo soab woto.

2 Korẽnt rãmba 8:12

Fo sũura raab sã n pidi, f sẽn wat ne bũmb ning fãa yɩta bõn-sõngo tɩ ka fo sẽn ka tara la b na n ges ye, yaa fo sẽn tarã.

Efɛɛz Rãmba 3:5

B sũura raab ra solga ninsaalb kamb pĩnda n yaool n puk marsã nanda, ne Vʋʋsma vẽnegre, Tʋʋm-tʋmdb sõma wã la bãngdba nifẽ.

Efɛɛz Rãmba 4:11

Bãmb yɛsa n kɩt tɩ neb kẽer lebg tʋʋm-tʋmdba, kẽer bãngdba, kẽer Koe-nooga moandb, kẽer pe-kɩɩmba la karen-saamb dãmba.

Filip rãmba 3:15

Tõnd fãa sẽn paam n bɩɩs d yama, yaa woto la d tog n tagse. Bũmb sã n beẽ tɩ y tagsd toor a poorẽ, Wẽnd n wat n vẽneg yã.

1Tesalonik Rãmba 5:20

Da yeel-y tɩ bãngr kũun ka yõod ye.

2 Pɩyɛɛr 1:20

Reng-y n bãng-y tɩ bãngr gomd sẽn be sebrẽ, ninsaal ka bee n tõe, a menga toore, n wilg-a võor ye.