Rom Dãmba 12:3 - SEBR SÕNGO

³ M togsd-y la a yeyn-ye la y fãa gilli, ne Wẽnd sẽn maan-m nimbãan-zoeer ningã: ned ba a ye ra sak n pẽga meng tɩ loog ye. Ned kam fãa pa a zĩigẽ n zems tẽebã a sẽn paam Wẽnd nengẽ.

KÃAB-PAALGÃ KOE-NOOGO

³ Ne bark ning Wẽnnaam sẽn maan maamã, mam yeta yãmb ned kam fãa t'a ra tags tɩ yẽ yaa tɩrg tɩ looge, n kẽes a tagsd moog ye. La bɩ ned fãa paam tagsd sẽn zemse, t'a tõe n paam sik-m-menga, tɩ zems ne tẽeb ning Wẽnnaam sẽn kõ-a wã.

WẼNNAAM SEBRE 2014

³ Ne bark ning Wẽnnaam sẽn maan maamã, mam yeta yãmb ned kam fãa t'a ra tags tɩ yẽnda yaa tɩrg tɩ looge, n kẽes a tagsd moog ye. La bɩ ned fãa paam tagsd sẽn zemse, t'a tõe n paam sik-m-menga, tɩ zems ne tẽeb ning Wẽnnaam sẽn kõ-a wã.

Rom Dãmba 12:3 Iomraidhean Croise

Yelbũna 25:27

Ka tog tɩ b rɩ sɩɩd tɩ loog ye. Bũmb sẽn wẽnd f tõe n baoome tɩ looge, ya yell sẽn tog ne bãngra bãngre.

Yelbũna 26:12

Teeg yalma n yɩɩd ned ning sẽn ya yam soab a meng nifẽ.

Kowelɛt 7:16

Gũus n da mams f meng wa nin-sõng tɩ yõsg ye, la f da maan tɩ foom n tar yẽesem tɩ loog ye. F bõnda f meng bõe yĩnga?

A Miise 6:8

B wilg-f lame, Adem biiga, sẽn ya sõmbo, n wilg-f Soaala sẽn dat ne foo: ad ka bũmb a to n zʋʋg maan sẽn segde ne nonglem sẽn ka viigdi la f pʋg-b ne sulg-m-menga.

A Luk Sõng 18:11

Farizẽ wã da yɛsa yĩngri n pʋʋsd woto a sũur pʋgẽ: ‹Wẽnnaam, mam pʋʋsda yãmb barka mam sẽn ka wẽnd neb a taab yĩnga, tɩ bãmb yaa yel-wẽn-maandba, wãgda, yoaadba; la m pʋʋsda m sẽn pa wẽnd sẽn deesd-b fadga me.

A Zã Sõng 3:34

Wẽnnaam sẽn tʋm a soaba, togsda Wẽnnaam goama, la Wẽnnaam pa kõt yẽ soab a Vʋʋsem Sõng bilf bal ye.

Rom Dãmba 1:5

Tũu ne bãmba tɩ d paam n lebg b tʋʋm-tʋmdã n na n moon la d bao b yʋʋra pẽgre, n wilg tɩ tẽeba yaa bũmb sẽn pake, la d taas-a bu-zẽmba fãa,

Rom Dãmba 11:20

Yaa sɩda, yaa b sẽn ka tar tẽeba yĩng la b kʋʋs-ba, la yaa fo tẽeba yĩng la f keta. Ne rẽ fãa da maan wilg-m-meng ye, maan dabeem n yɩɩda.

Rom Dãmba 11:25

Bũmb n ket n nan ka puk d yĩnga la m pa rat n solg-y ye, m saam-biisi, tɩ y ra wa yet tɩ y sẽn mi wã sek-y lame ye; Israyɛl bogr kidba a sũuri al tɩ bu-zẽmba fãa wa sak tẽebo,

Rom Dãmba 12:16

Bʋk-y y sũur ne neba fãa gilli, kisg-y zẽk-m-menga; bao-y sulg-m-meng rãmba; da yeel-y tɩ y bãngra sekame ye.

1 Korẽnt rãmba 15:10

La Wẽnd bark kɩtame tɩ m ya m sẽn ya-lã la b barkã ka pa n ka wom a biis ye. M ka tõe n ka ges m meng wa tʋʋm-tʋmd ye, tɩ m tʋmame n yɩɩg b fãa; la yaool n ka maam n tʋm ye, yɩ Wẽnd kũuna b sẽn kõ-ma n tʋm b tʋʋmde.

1 Korẽnt rãmba 3:10

M tũu Wẽnd sẽn kõ-m kũun ningã n sɩng roogã wa tãm-met-mita. Ned a to n na n wa me n paase, la yaa pakr tɩ ned kam fãa maan gũusg ne a sẽn met to-to.

1 Korẽnt rãmba 7:17

Sẽn paase, yaa ned kam fãa kell n vɩɩnd wa Wẽnd boolla sẽn mik-a zĩig ninga. Yaa woto la m zãmsd saam-biisa fãa Tigeng pʋgẽ.

2 Korẽnt rãmba 10:13

Tõnd yẽ kõn saag n pẽg d meng tɩ loog ye. Tõnd tũuda sor ning Wẽnd sẽn wilg tõnd tɩ d dɩk n ta yãmbã.

2 Korẽnt rãmba 12:13

Yaa bõe la tẽns a taaba Tigeng paamyã tɩ yãmb ka paame sã n ka mam meng sẽn pa reeg y bũmbã? La rẽ sã n ya zãmbo bɩ y kõ-m sugri.

2 Korẽnt rãmba 12:7

Sẽn na n yɩlẽ tɩ m zu-nooga ra wa ne m nagre, m paama namsg sẽn wẽnd moog n sorg m yĩngã, wẽnd Sʋtãan n gõod n laand-m pegse — tɩ m da maan nagr ye!

Galat Rãmba 6:3

Ned sã n tẽed t'a yaa bũmbu, mik a ka fɩ, yẽ soab belgda a menga.

Efɛɛz Rãmba 3:2

Y paam n bãngame tɩ yaa maam la Wẽnd bobl b kũuna yãmb yĩnga,

Efɛɛz Rãmba 3:4

Y sã n karem sebrã y na bãng yam vẽnegre ning m sẽn paame, n mi sẽn da solg Krista pʋgẽ.

Efɛɛz Rãmba 4:16

Yaa bãmb Yĩngẽ la wilsa fãa kẽ taaba, n sog taab kɛpi ne zɩ wĩisi sẽn kõt wilg fãa a rɩɩbo t'a tõe n tʋm a tʋʋmde tɩ yaoka paasdẽ, tɩ bũmb fãa sũg kẽnkẽ nonglem pʋgẽ.

Filip rãmba 2:13

Sɩd me, Wẽnd n be ne yã n sõngd-y ne tʋʋmda raab la b zaoolgd yãmb tʋmda zugu n pidsd b meng nimbãan-zoeera sẽn da sede.

Kolos Rãmba 1:29

Yaa m sẽn dat tɩ rẽ pidsã, la m sak yaamse la m sak maoore la maoora yĩnga, b kɩtame tɩ m wɩɩd ne pãn-kẽengo.

Kolos Rãmba 2:13

Yãmb sẽn da ya kũum y yel-wẽna la y sẽn ka kẽ bãonga yĩnga, Wẽnnaam n kɩt tɩ yãmb le vʋʋge n vɩ ne Krista. Bãmb n bas d yel-wẽna taale.

1 Tɩmote 1:14

Yaa tẽeb la nonglem ning sẽn pid Krista a Zezi la b sudg maam n daale.

1 Tɩmote 2:15

Bũmb ning sẽn na n fãag-a yaa kamb dogem la rẽ me yaa a sã n sulg a meng n mao ne tẽebo, ne taab nonglem, ne sõmblem baoobo.

1 Tɩmote 2:9

Pagba me zã b mens neere; b faongã zãag ne wilg-m-meng la tɩtaam, b vẽ ne gɛma, ne sãnem, ne muizãan, ne fut sẽn daad toogo.

A Titi 2:12

A kɩtame tɩ d bãng tɩ d tog n basa bũmb ning fãa sẽn ka wat ne Wẽnd waoogre, n bas zamaana tʋls wẽnsã, n vɩɩnd marsã ne gũusgu, ne sõmblem, ne Wẽnd pẽgre.

A Titi 2:2

Bɩ nin-kẽemba yɩ neb sẽn tõe b mense, neb sẽn tog ne pẽgre, maag-m-meng rãmba, n tar tẽeb sẽn kɩ yẽgna, n nong b taaba, n ka yɛɛd ne neer pʋgb ye.

A Titi 2:4

Woto la b tõogd n zãms pʋg-bõonegã tɩ b nong b sɩdb rãmba la b kamba,

A Titi 2:6

Sagl kom-bɩɩba neere tɩ b gũus ne yirgu buud fãa.

Zake 4:6

Yaa sẽn be yõod n yɩɩdã la b nong n kõtẽ, dẽ la Sebr sõng togdsda: «Wẽnd mongda b kũuna wilg-m-meng rãmba n yaool n kõta sulg-m-meng rãmba.»

1 Pɩyɛɛr 1:13

Dɩlla, nek-y y yam la yõk-y y mense. Maan-y saagre ne kũun ning sẽn na n sig y zutu ne Krista a Zezi Waoongo.

1 Pɩyɛɛr 4:11

Ned sã n gomd bɩ a gom wa Wẽnd sẽn gomde. A sã n deeg taab sõngr tʋʋmde, a sõng wala Wẽnd n kõta noore. Woto bũmb fãa pʋgẽ Wẽnd na paam pẽgre, Krista a Zezi maasmẽ. Bãmb n so naam la ziir sẽn ka sɩng la sẽn kõn zĩnd sɛɛbo. Ami!

1 Pɩyɛɛr 4:7

Ad-y Dũni wã yikr kolgame; bɩ y yɩ neb sẽn tar gũusgu la y yõk y menga n tõog n pʋʋse.

1 Pɩyɛɛr 5:5

Woto me yãmba, kom-bɩɩba, reeg-y kãsem-dãmba goama; yɩ-y sulg-m-meng rãmba y taab taoore. Ad-y Wẽnd mongda wilg-m-meng rãmba n kõt yam-sulgr dãmba.

1 Pɩyɛɛr 5:8

Yɩ-y neb sẽn tõe b mense la maan-y gũusgu tɩ yãmb bɛyã, Sʋtãana, gilgdame n yãbd wa gɩgemde n baood a sẽn na n dɩ a soaba.

3 Zã 1:9

M da paam n gʋlsa sebr n kõ Tigengã. La a Diotrefɛs, ned sẽn pid ne tɩtaam la a baood n na n yɩ taoor soaba, pa sak n deeg-d ye.