Rom Dãmba 12:12 - SEBR SÕNGO

¹² Y sũ-nooga yi y saagra pʋgẽ, y namsga wa ne y raoodo; y pʋʋsga ra yãk wakat ye,

KÃAB-PAALGÃ KOE-NOOGO

¹² Maan-y tẽeb n kɩdme. Paam-y sũ-mar toog pʋgẽ. Wɩng-y ne pʋʋsgo.

WẼNNAAM SEBRE 2014

¹² Maan-y tẽeb n kɩdme. Paam-y sũ-mar yel-pakr pʋgẽ. Wɩng-y ne pʋʋsgo.

Rom Dãmba 12:12 Iomraidhean Croise

Yɩɩn‑sõamyã 109:4

B yao-la m zooda ne wɩdse dẽ la m tar y sɛɛga.

Yɩɩn‑sõamyã 37:7

Yaas sɩɩ Soaala sɛɛgẽ la teeg bãmba, Da maan sũ-kiir ne ned ninga nug sẽn zãad ye, maan gũusg ne zãmb soaba.

Yɩɩn‑sõamyã 40:1

Yɩɩlla bee yɩɩla naab sebrẽ. A Daviid yɩɩlle.

Yɩɩn‑sõamyã 62:8

Wẽnd la m fãagda, bãmb n sõng tɩ m yʋʋr yi; bãmb la m tãnsoben-doogo la m soondg zĩiga.

Yelbũna 10:28

Nin-sõng yɛl baasda ne sũ-noogo, tɩ nin-wẽng saagr faagd n dabda.

Yelbũna 14:32

Bũmb ka lubd nin-wẽnga n zʋʋg a wẽnem ye. Ba kũum wakato nin-sõng ket n tara saagre.

A Matiye Sõng 5:12

Noog-y y sũuri la y kɩdem tɩ y pʋɩɩr na n yɩɩ kãseng arzãna. Ad-y yɩɩ boto la bãngdba nams pĩnda.

A Luk Sõng 10:20

La baasgo bɩ y ra noog y sũuri sʋtãamba sẽn deegd y noor yĩng ye, noog-y sũuri yãmb yʋy wã sẽn gʋls arzãnẽ yĩnga.»

A Luk Sõng 21:19

Yaa y sũ-tõogã n na n wa ne y sɩɩsa fãagre!

A Luk Sõng 8:15

Sẽn lʋɩ-b zĩ-sakdgẽ wã makda sẽn kelg-b Gomdã ne yẽesem la sũ-tɩrga, la b reeg-a ne sũ-keelem t'a womd biisi.

Tʋʋma 1:14

B fãa ra nonga pʋʋsgã ne nonglem yɛnga, bãmb ne pagb kẽere, wala a Maryam, a Zezi ma la b saam-biisi.

Tʋʋma 12:5

A Piyɛr sẽn kẽ roogo la Tigenga me sẽn yõk pʋʋsg a yĩnga n ka vʋʋsdẽ ye.

Tʋʋma 2:42

B ra ka viigd ne Tʋʋm-tʋmdba kareng kelgr ye, ne taab sõngre, ne b paoonga lagengo, ne Bura pʋɩɩbo, la ne pʋʋsg ye.

Tʋʋma 6:4

Sã n ya tõndo, tõnd tʋʋmd na n yii pʋʋsgo la Koe-nooga moonego.

Rom Dãmba 15:13

D sẽn teeg Wẽnd ninga na pids yãmba, y tẽeba yĩnga, ne sũ-noog la laafi. Wẽnd na kɩt tɩ y saagra pids zãnga ne a Vʋʋsem Sõng pãnga.

Rom Dãmba 15:4

Sɩda, bũmb ning fãa sẽn zoe n gʋlse, b gʋlsa la tõnd vẽnegr yĩnga. Sebr sõng paasda tõnd daoodo la a maagda d sũuri la rẽ kɩtame tɩ d zĩ ne saagre.

Rom Dãmba 2:7

Na n yɩɩ vɩɩm sẽn kõn sɛ la b na n kõ neb niyns sẽn modg-b ne neer maanego, n baood pẽgre, waoogre, vɩɩm sẽn ka tar goalenga.

Rom Dãmba 8:25

Saagr yaa fo sẽn ka ne bũmb ninga tɩ f kʋmb f yam n tar a gẽegre.

1 Korẽnt rãmba 13:13

Marsã bũmb a tãab n be: tẽebo, saagre la nonglem la sẽn yɩɩd yaa nonglem.

2 Korẽnt rãmba 12:8

Al naoor a tãabo mam yõka Soaala sɛɛga tɩ b fãag maam,

Filip rãmba 3:1

M saam-biisi, noog-y y sũur Soaala yĩnga; m kõn yɛ ne yãmb saglg kãng abada! Rẽ n pʋs n são.

Filip rãmba 4:4

M saam-biisi, noog-y y sũur wakat fãa, Soaala maasem la b pãng yĩnga. N-yẽe! Maam n le yet yã: noog-y y sũuri!

Kolos Rãmba 1:11

Ad-y Wẽnd ziira tẽegre na n kõ-y la pan-kẽengo, a na n kõ-y-la raoodo la sũ-keelem.

Kolos Rãmba 1:27

Wẽnd tʋlgame tɩ b bãng sẽn da solgã sẽn puk ne ziir ning bu-zẽmba yĩnga. Yell solgra la Krista sẽn zĩ ne yãmbã; bãmb nengẽ la d saagd pẽgre.

Kolos Rãmba 4:12

Yãmb tẽngen-bi-taag a Epafras n pʋʋsde; sɩda Krista a Zezi tʋʋm-tʋmd kãnga maooda ne pʋʋsgo n kotẽ tɩ y kell n yɩ neb sẽn kɩ yẽgna, nin-sõma sẽn sak Wẽnd sẽn dat fãa b yĩnga.

Kolos Rãmba 4:2

Da viig-y ne pʋʋsg ye, da vʋʋs-y ne bark pʋʋsg ye!

1Tesalonik Rãmba 1:3

Sɩda, Wẽnd la d Ba taoore, d tẽegdame tɩ y paama Soaal a Zezi Krista nengẽ tẽeba tʋʋmd yamleoogo, n paas nonglem sẽn vɩ, la saagr sẽn ka mi maagre.

1Tesalonik Rãmba 5:8

Tõnd sẽn ya vẽenem dãmba bɩ d minim n yõk d mense. Bɩ d tẽebã la d nonglem yɩ d kut fu-yorgo, tɩ fãagra saagr yɩ d kut zug peoogo.

2Tesalonik Rãmba 1:4

D zug zẽkda y poorẽ, Wẽnd Tigenga pʋgẽ. D zug zẽkame tɩ y tẽeba ka tol n maage ne y naong la y pɛta sẽn yɩ ka tɛkã.

2Tesalonik Rãmba 3:5

Bɩ Soaala tees y sũura Wẽnde, tɩ Wẽnd pids-a ne nonglem la b sõng-y tɩ y ra serg n bas Krista ye.

1 Tɩmote 6:11

Sã n ya foom, Wẽnd neda, zãag f meng ne rẽ fãa. Bao sõmblem, bao Wẽnde, bao tẽebo, nonglem, raoodo la sũ-bʋgsem.

2 Tɩmote 3:10

Sã n ya foom, fo tũ-m lame n sa n zãms nebã, f bãnga m sẽn tʋme, la m sẽn da sed n na n tʋm bũmb ninga, f bãnga m tẽebo, m sũ-maasem, m nonglem, m sũ-keelem,

A Titi 2:13

D tog n gũu ne saagre, zu-noog wakat ninga d Wẽnnaam la d Fãagd a Zezi Krista, sẽn na n sig ne b pãng la ziiri.

A Titi 3:7

Woto d sen paam tɩlgr ne bãmb kũuni, d na n tũu bãmb n dɩ Wẽnd yõodo, vɩɩm sẽn ka tar sɛɛb pʋgẽ.

Ebre rãmba 10:32

Bɩ y tẽeg marsã pipi raarã yãmb sẽn paam y yam vẽnegre ne tẽebo, yɩɩ namsg wʋsgo la yãmb da sak yã.

Ebre rãmba 10:36

Yaa sũ-keelem la y tog n maane tɩ y sã n tũud Wẽnnaam yam, y na tõog n paam b sẽn kãab yãmbã.

Ebre rãmba 12:1

Tõnd sẽn zĩ marsã ne kaset dãmb kʋʋngo sẽn gũbg tõndo, ad-y d tog n sika zɩɩb ning fãa d sẽn tʋke la d lood yel-wẽnd gãda fãa la d wudg n da yalse, n ta b sẽn wilg tõnda tɛka.

Ebre rãmba 3:6

Krista yɩɩ zak soab Biiga, n so zaka. La zaka la tõndo; la rẽ yaa d sã n yiis rabeem d sũurẽ n lɛɛg n pids-a ne saagra sũ-noogo.

Ebre rãmba 5:7

Yaa Krista n yiki, b tẽng zugu vɩɩma wakato, n kelem ne pãnga la b yiis nintãm, n kos sugri la b yõk sẽn tõe n fãag-b ne kũuma soab sɛɛga; b sulg-m-menga yĩnga, b pʋʋsga reegame.

Ebre rãmba 6:12

Woto yãmb kõn maan kʋɩɩng ye, y na wẽneg neb niyns sẽn dɩt-b kãabga yõodo ne b tẽeb la b sũ-maasem.

Ebre rãmba 6:15

Yaa woto la a Abraam sẽn gãd a tẽeb n pa viigã paam kãabga pidsgu.

Zake 5:7

M saam-biisi, tõog-y meng n ta Soaala waoongo; Ges-y ka-koaada, a gũuda a tʋʋmda yõodo, n tẽed tɩ sa-koom na rʋʋg sig-noy n ta sẽooga tɛka.

1 Pɩyɛɛr 4:13

Y sã n naag Krista n namsdẽ bɩ y noog y sũuri tɩ b ziira pukr daare y na naag n lang la y kɩdem sũ-noogo.

1 Pɩyɛɛr 4:7

Ad-y Dũni wã yikr kolgame; bɩ y yɩ neb sẽn tar gũusgu la y yõk y menga n tõog n pʋʋse.

2 Pɩyɛɛr 1:6

tɩ bãngr naag ne tõog-m-menga, tɩ tõog-m-meng naag ne beoog beoog fãa modgre, tɩ modgra naag ne Wẽnd waoogre,

Vẽnegre 13:10

B balg bãnga sẽn toga ne bãnga! B kʋ ne sʋʋga sẽn toga n kʋ ne sʋʋga! Woto wã, nin-sõma wã maanda sũ-keelem la b zĩ ne saagre.